بخصوص زيت القير فورد ماركيز 2008

[ابومحمدالعامر]

السلام عليكم ورحمة الله وبركاته

ياجماعة معي ماركيز 2008 وشريته امريكية وكانت ماشية 70الف وحاليا ماشية 200 الف وحوله ولاغيرته ابدا من يوم اخذت السيارة وأتوقع بأمريكا مغيرينه قبل تجي السعودية

فأبغى اغير زيت القير ورحت لورشة متخصصة في القيور وشاف الزيت قال الزيت شبه محروق ببدايته يعني طبعا انا قلت له يسكر الصرة ولاغيرته علما ان تغييرات القير سليمة ولافيه اي مشاكل من نتعة او تأخير بالتعشيق وانا محافظ على الموتر عموما
لكن من باب الإحتياط ماغيرته
وطبقت طريقة اسحب علبتين واضف علبتين بداله فقمت اليوم بسحب علبتين من زيت القير واضفت عليه علبتين زيت قير اصلي موتوكرافت ميركون V على موديل سيارتي

لكن بستفسر بعد سحب العلبتين هاذي كم امشي عليها والتغيير الثاني كم اسحب علبة ومتى اغيره كامل

وهل هاذي الطريقة تجنبك بإذن الله من تخبيط القير عند تغييره بالكامل مع الفلتر
علماً ان عدد العلب 5 لأن هذا الموديل مايتغير له زيت الطنجرة لأنه بالموديلات الحديثة تجي الطنجرة بدون صرة

فأتمنى من الأعضاء الكرام إفادتنا ومن مشرفنا الكريم استاذ اصيل حجازي ارشادنا وتقديم النصح لنا

الله يعطيكم العافية

[ابومحمدالعامر]

؟؟؟؟؟؟؟؟؟؟؟؟

[شبح الموت]

الماركيز تقريبا 4.5 لتر وبعد اسبوع تقريبا غير لترين ونفس المده بعدين غير الزيت كامل مع الفلتر وتاكد من الوجه سليم او لا

[فورتشنر2008]

والله انصحك نصيحة اخ محب حاول قدر المستطاع تخلي العلبتين إلا غيرتها تجلس شهر كامل يعني كل شهر اسحب علبه اوعلبتين بالكثير لمدة 6شهور او اكثر بعدين روح الوكالة وخذ الفلتر منها حتى لو تعرف إنهم زايدين على محلات القطع 100ريال

[الثائر]

ليش هالتعقيد؟
انا كان معي فكتوريا 2005 تفك صرة القير وتنزل الزيت وبعدها تفك الكارتير تنظفه زين وتحط وجه جديد وتشده وتحط 5علب زيت قير وانتهينا
الكلام هذا كل 20 الف

[ابومحمدالعامر]

ليش هالتعقيد؟
انا كان معي فكتوريا 2005 تفك صرة القير وتنزل الزيت وبعدها تفك الكارتير تنظفه زين وتحط وجه جديد وتشده وتحط 5علب زيت قير وانتهينا
الكلام هذا كل 20 الف

صدقت اخوي بس المشكلة انا مافطنت لزيت القير إلا بعد اكثر من130الف كيلو والأفضل يتغير بالتدريج

لكن اذا كنت مواضب على تغييره كل 30 او40 الف عادي تغيره كامل