المساعد الشخصي الرقمي

مشاهدة النسخة كاملة : استفسار عن الدافور الازرق


الفرائضي
24/08/2015, 09:36 PM
بالنسبه لدافور الأزرق إذا فكيت راسه ينسم تنسيم خفيف فمالحل لإيقافه؟
ابولولو
24/08/2015, 11:10 PM
تصير الابره مرتخيه

شده او حركة بسكروب وجرب

وفيه يجي عند الرحلات مفك خاص للشد
أبومحمدالشهري
25/08/2015, 12:04 AM
شده بسكروب مثل ماقال لك أبو لولو

لأن بعض محلات الغاز ترخيه شوي عشان التعبئة تكون أسرع
خالد الخطير
25/08/2015, 01:23 AM
طبيعي اذا ركبت الراس او فكيته يطلع تنسيمه وهذا ناتج شد الراس او فكه

لكن بعد ماتفك الراس او تركبه يكتم ولا ينسم

لان التنسيمه الخفيف تتوقف بعد فك او شد الراس بالدبه

هذا والله اعلم
الفرائضي
25/08/2015, 05:26 AM
حاولت اشده بسكروب بس مافاد وبالنسبه للإبره إذا كانت تنسم بس أضغطه بالعاده لما يطلع الغاز بقوه ثم ارفع السكروب فيوقف التنسيم بس اللحين التنسيم مو من الإبرة بس من الحوايف ( الأطراف) وحاولت إني أنزل صوره بس عجزت لأني أدخل عن طريق الأيفون
ذيب ورقان
25/08/2015, 12:50 PM
غير الابرة بعشرة ريال افضل لك
ولها مفك خاص عند راعي الغاز
تركيبها بدقيقة
عاشق بانيلي
25/08/2015, 03:31 PM
نعم اخوي غير الأبره وريح مخك مثل ماقالك ذيب ورقان
الفرائضي
25/08/2015, 07:28 PM
المشكله ليست من الإبره التنسيم من الحواف ( الأطراف)
عاشق بانيلي
25/08/2015, 09:04 PM
هلا اخوي الفرائضي هي تجي كامله الي انت تقول فيها التنسيم ومعها الأبره وصله وحده اقرب محل غاز يعبي الدوافير
جيبي جايزلي
26/08/2015, 12:33 AM
اقلب الدبه واضغط الابره بصبعك مره او مرتين خل الغاز يطلع شوي احيانن تصير الابره مدقره
الوانيت1
26/08/2015, 12:51 AM
اقلب الدبه واضغط الابره بصبعك مره او مرتين خل الغاز يطلع شوي احيانن تصير الابره مدقره

احذر تعمل هذة الطريقة لانها تودي لتوقف الدم وتجمد اصبعك وبالتالي البتر لاااااااااا تفكر انك تستخدم ايدك مباشرة امام الغاز فتفقدها نهائيا يوجد من الطرق والوسائل مااايمكنك اتباعة الااااا هذة الطريقة .
خالد الخطير
26/08/2015, 02:11 AM
انا اقول ودها لمحلات بريه متخصصه للغاز زي البريه بالرياض

واعط الخبز خبازه لو كلاه كله :D

ماتسوى المخاطره واللعب بالغاز

اذا قدر يبدل لك البلف او السنه حسب موقع التهريب كان بها

واذا مالها تصليح خذ بدالها واهم شي السلامه قبل المال
الفرائضي
27/08/2015, 01:48 PM
انا اقول ودها لمحلات بريه متخصصه للغاز زي البريه بالرياض

واعط الخبز خبازه لو كلاه كله :D

ماتسوى المخاطره واللعب بالغاز

اذا قدر يبدل لك البلف او السنه حسب موقع التهريب كان بها

واذا مالها تصليح خذ بدالها واهم شي السلامه قبل المال
نعم أنا ما أعارض كلامك بس نحاول إذا حليناه فالحمد لله ونكون كسبنا معلومة وإذا عجزنا أخذنا جديد
معاذ0
27/08/2015, 03:05 PM
صحيح كلام الأخ خالدالخطير مشاركه رقم ١٢ هو الحل الصحيح
أبوسعد111
27/08/2015, 05:25 PM
والله أعلم

عندك الربله منتهيه
وما تقدر تغييرها إلا بعد ما ينتهي الغاز
وتفك البلف

و حاليآ
ركب الرأس ليوقف التنسيم .

موفق
اخوك يالذيب
30/08/2015, 01:45 PM
راجع الموضوع التالي فيه الحل وبكل سهولة لمشرفنا السابق سطام الله يوفقه ويرحم والده ووالدته

http://www.mekshat.com/vb/showthread.php?t=188608


وهذا نص الموضوع كاملا



بسم الله الرحمن الرحيم

اخواني اعضاء مكشات الاعزاء

السلام عليكم ورحمة الله وبركاته

طبعاً هالموضوع تم تأجيل طرحه لكم لمده عشرة ايام لكي يتم التجربه

ولله الحمد خلال هالايام ما لاحظت اي مشكله

طبعاً انا ما انصح ابداً بالدبات الصينيه لسوء صناعتها ولضعف جدرانها

ومن اهم مشاكلها هي تهريبها للغاز وهذا فيه خطر كبير على مستخدمها والحل هذا لمن يمتلك هالدبه وخساره يرميها وما يستخدمها

اما انك تروح تشريها لا انصح فيها ابد

ولله الحمد تم التوصل لحل لمشكلتها وما ادري اذا احد سبقني لها الحل والا لا
واهو تبديل بلف الدبه الصيني ببلف بريموس اصلي وانتهت المشكله
ولعيون المكشاتيه رحت واشتريت دبه 3 رطل صينيه


http://www.mekshat.com/pix/upload02/images99/mk75648_resized_dsc00035.jpg

طبعا الراس على طول رميته لانه يهرب واهو جديد

http://www.mekshat.com/pix/upload02/images99/mk75648_resized_dsc00033.jpg

وشريت بلف بريموس اصلي من الوكيل بادحمان ب10 ريال

http://www.mekshat.com/pix/upload02/images99/mk75648_resized_dsc00029.jpg

نفك البلف الصيني

http://www.mekshat.com/pix/upload02/images99/mk75648_resized_dsc00041.jpg

الفرق بين البلف الصيني والبريموس

http://www.mekshat.com/pix/upload02/images99/mk75648_resized_dsc00031.jpg


http://www.mekshat.com/pix/upload02/images99/mk75648_resized_dsc00036.jpg

http://www.mekshat.com/pix/upload02/images99/mk75648_resized_dsc00037.jpg

نقطه مهمه يا اخوان قبل تركيب البلف في الدبه من الافضل
لف شريط سباكه الابيض على سنه البلف
لضمان التركيب السليم للبلف وعدم وجود تنسيم لاختلاف السنن بين الصيني والبريموس

نركب البلف البريموس

http://www.mekshat.com/pix/upload02/images99/mk75648_resized_dsc00040.jpg

http://www.mekshat.com/pix/upload02/images99/mk75648_resized_dsc00042.jpg


طبعاً الراس هذا بريموس هندي الراس الصيني يهرب مفتاحه غير جيد

*ملاحظه يا اخوان انا ما لفيت شريط سباكه بالاول ولما عبيت الدبه فل
وضغطتها مره ولما قفلت البلف وجدت تهريب بسيط جداً من السنه وليس من البلف
وبعد فتره انتهى التنسيم ولحد الان 10ايام الدبه مليانه وانا استخدمتها 4 مرات
لعمل شاي وقهوه


اخر صوره لاحد عيوب الدبات الصينيه واهي جديده فما بالك مع الاستخدام

http://www.mekshat.com/pix/upload02/images99/mk75648_resized_dsc00034.jpg



انتهى ولا تنسونا من دعائكم

اخوكم سطام vip

دمتم بخير
الفرائضي
31/08/2015, 11:36 AM
لا مظبوط شغله واذا رجعت من السفر ابشوف البلف أما من ناحية الراس صدق انا ما أعترف بالراس الصيني لأنه يهرب
Khkhkh
31/08/2015, 12:40 PM
هلا اخوي الفرائضي والاخوة المشاركين
يا اخوان عندي نفس المشكلة تهريب الغاز من الجوانب غيرت الابرة كاملة ولا زالت المشكلة
ولكن لقيت حل انتم تعرفون غراء الحديد الابيض والاسود اخلط قليل جدا منه واخرج الابرة ثم ضع الغراءعلى الجوانب وتركها لمدة يومين حتى ينشف الغراء تماما ثم ركب الابرة ,,,,,,,,,,,,,, وبالله التوفيق ولكم تحياتي
جيبي جايزلي
10/09/2015, 02:40 AM
احذر تعمل هذة الطريقة لانها تودي لتوقف الدم وتجمد اصبعك وبالتالي البتر لاااااااااا تفكر

انك تستخدم ايدك مباشرة امام الغاز فتفقدها نهائيا يوجد من الطرق والوسائل مااايمكنك اتباعة الااااا هذة الطريقة .
الله يجزاك كل خير معلومه جديده لي والله من مره ومره سويتها الحمد لله الله ستر


اعتذر من صاحب الموضوع لا تسوي طريقتي يجمد اصبعك ونبلشبك هههه مع الشكر للجميع