ياذيب لغزي جاك خايف هليعي..الحب..يافوخ..حله..د/ناصر العلي...كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز مسند الى صاحب الرمعه العجله ( ذيب الفقاره )
واليوم ماشاء الله مبهر بمراميعه الله يديم عليه


لغزٍ ولو سويت حصنه منيعي=رميه وجدرانه جميعه هويه
( عجلةْ ) ابو عدنان وقعه فضيعي= برض القصيم أوذا أذاني دويه
ياذيب لغزي جاك خايف هليعي=يقول ذا ذيبٍ يخرّع عويِّه
شاف الذي مِنِّه يهاب الشجيعي=قتل الحجا جمعا بليَّا رويِّه
هذا ولغزي رمعته بالسريعي=حتى ولو جدران حصنه قويِّه
اللغز عن اثنين لفيوا جميعي=واثنينهم لا ماتلاشوا سويه
الاسم واحد بسْ لا لا تضيعي=بالشكل هذا مختلف عن خويه
إلهم ذكر حاضر وماضي يشيعي=غطوه بوصفي يافتى مرتويِّه
اربع نقط بين الوطا والرفيعي=وخمس الحروف ياللي لحله نويِّه


مع تحيات ابو ماجد

منتديات مكشات . خيمة الالغاز

[ابو ماجد 2]

الذين يشاهدون محتوى الموضوع الآن : 2 ( الأعضاء 2 والزوار 0)
‏ابو ماجد 2 (http://www.mekshat.com/vb/member.php?u=38293)*, ‏ذيب الفقارة (http://www.mekshat.com/vb/member.php?u=224476)

الله يستر يابو عدنان من رمعه عجله

http://www.mobtada.com/uploads/images/194682.jpg

[ذيب الفقارة]

وعليكم السلام ورحمة الله وبركاته

صح لسانك زعيمنا وفارسنا

أبو ماجد

..........................

مامني خوف على ها المزيون اللي اسندته لي

الخوف من المتخفي

....................

يمكن الخيطان ( الابيض والاسود )

تحياتي

[ذيب الفقارة]

أو يمكن :

الفعل والفاعل

تحياتي

[ابو ماجد 2]

وعليكم السلام ورحمة الله وبركاته

صح لسانك زعيمنا وفارسنا

أبو ماجد

..........................

مامني خوف على ها المزيون اللي اسندته لي

الخوف من المتخفي

....................

يمكن الخيطان ( الابيض والاسود )

تحياتي


صح بدنك يابو عدنان
انت اليوم مرعب بكل ماتعنيه الكلمه
وتراي مزود الكيله على شانك
مالك لوى يالغالي

[ابو ماجد 2]

أو يمكن :

الفعل والفاعل

تحياتي


مالك لوى
وابعد عن القواعد وما يتعلق فيه

[عطري]

و عليكم السلام و رحمة الله و بركاته

صح لسانك ملايين يالزعيم.

غالي و مسند على غالي.

الذيب ما شاء الله ، إن نظم لغز أو رمع يبهر.

في لغز الهيل رمعة كانت على نار هادئة ، حيث إن

الدعوى فيها طبخ و نفخ و حكاكة و قدور.

أما في لغزك - ما شاء الله- ما عطانا فرصة حتى نطلع على ما جاء

فيه ، و كأنه ناب عن الغائب ، و سد مسد الجميع.

جاري التفكير ، الله يعين،،،

[نجم القوافي]

صح لسانك يازعيم واعتلا شانك
غالي وأسندت على غالي
ورمعه من الجوال
معنى سيارة في معجم المعاني الجامع - معجم عربي عربي

سَيّارة ( اسم ):
الجمع : سَيّارات
السَّيَّارَةُ : القافِلَةُ يوسف آية 19 ( وَجاءتْ سَيَّارَةٌ فَأَرْسَلُوا وارِدَهُمْ ( قرآن )
السَّيَّارَة : مَرْكَبَةٌ آلِيَّةٌ تَسيرُ بِمُحَرِّكٍ مُحْرِقٍ لِلْبِنْزينِ تُستَخْدَمُ لِلرُّكوبِ والنَّقْلِ
مؤنَّث سيَّار
سيَّارة أُجْرة : تاكسي ، سيارة لنقل النَّاس مقابل أجرة ،

[عطري]

السلام عليكم

مساك الله بالخير نجمنا الوضاء.

سعدت يرؤية معرفك.

كيف أحوالك يالغالي ؟

[نجم القوافي]

وعليكم السلام ورحمة الله
حياك اخوي عطري الغالي
وأسعد الله أيامك ورحم الله والديك
وأبشرك بخير

[عطري]

وعليكم السلام ورحمة الله
حياك اخوي عطري الغالي
وأسعد الله أيامك ورحم الله والديك
وأبشرك بخير



اللهم آمين.

بشرك الله بالجنة .

[ذيب الفقارة]

مساء الخير

عطري

مساء الخير

نجمنا المحبوب نجم القوافي

.............................

ويش ها الشيء المزدوج ؟!

تحياتي

[ذيب الفقارة]

غير بدل ياالزعيم البيت الاخير حتى تضبط الرمعة اللي ماهي عجلة

حتى نقول : فريق

هههههههههه

تحياتي

[ابوماريا]

صح السانك يابو ماجد
ماشاء الله عليك رائع وممتع دائما

وأبو عدنان يستاهل الله الغانم

مرور تقدير وجاري التفكير

[النبهاني]

وعليكم السلام والرحمه
صح لسانك زعيمنا وقدوتنا
لغز كايف معنى وطرق ومسند ومسند عليه يعني من مجاميعه
وانا اقول يابو عدنان بس لو يزود نقطتين كان اقول
تقويم
قمري وشمسي
لكن مازلت افكر فيه وبكل جديه

[راعي العجراء]

صح السانك يابو ماجد مليون

وعزيز من اسندت لغزك اليه ويستاهل جدي ذيب

ونحلول مع المحاولينا

كعبين

يجون سوا ويرحون سوا

بس هذا يمين وهذا شمال من القدم ومختلفين بالحجم والشكل

وانا موجه كعبيني الى جادة الطريق الى الضلع

واسلم وسلم ومع السلامه مع السلامه

[ابو اسامه 2]

وعليكم السلام ورحمة الله وبركاته

صح لسانك يا الزعيم وبيض الله وجهك
غالي ومسند على غالي

يتجلى الابداع ويظهر متربع وملك وزعيم الالغاز في هذا اللغز
ليذكر الجميع بمن هو الزعيم

انه ابو ماجد يا سادة

جاري التفكير على قدم وساق

[ابو ماجد 2]

و عليكم السلام و رحمة الله و بركاته

صح لسانك ملايين يالزعيم.

غالي و مسند على غالي.

الذيب ما شاء الله ، إن نظم لغز أو رمع يبهر.

في لغز الهيل رمعة كانت على نار هادئة ، حيث إن

الدعوى فيها طبخ و نفخ و حكاكة و قدور.

أما في لغزك - ما شاء الله- ما عطانا فرصة حتى نطلع على ما جاء

فيه ، و كأنه ناب عن الغائب ، و سد مسد الجميع.

جاري التفكير ، الله يعين،،،


ياهلا بعطرنا الفواح
صح بدنك
وابو عدنان ماشاء الله بالفعل
رماع بداع واذا تداخل امتاع
الله يطول بعمره على الطاعه
شرفتنا يالغالي وفي انتظار مرماعك

[ابو ماجد 2]

صح لسانك يازعيم واعتلا شانك
غالي وأسندت على غالي
ورمعه من الجوال
معنى سيارة في معجم المعاني الجامع - معجم عربي عربي

سَيّارة ( اسم ):
الجمع : سَيّارات
السَّيَّارَةُ : القافِلَةُ يوسف آية 19 ( وَجاءتْ سَيَّارَةٌ فَأَرْسَلُوا وارِدَهُمْ ( قرآن )
السَّيَّارَة : مَرْكَبَةٌ آلِيَّةٌ تَسيرُ بِمُحَرِّكٍ مُحْرِقٍ لِلْبِنْزينِ تُستَخْدَمُ لِلرُّكوبِ والنَّقْلِ
مؤنَّث سيَّار
سيَّارة أُجْرة : تاكسي ، سيارة لنقل النَّاس مقابل أجرة ،


ياهلا بنجمنا المحبوب
مفتقدينك يالغالي
صح بدنك يامثرينا بمراميعه
مالك لوىيالغالي
ولاحظ ان الاثنين باسم واحد ومختلفي الشكل وملفاهم جميع لكن تلاشيهم متفاوت
اضافة الى لعب الحروف لتحديد الرمعه
انتظر مرماعك القادم

[ابو ماجد 2]

مساء الخير

عطري

مساء الخير

نجمنا المحبوب نجم القوافي

.............................

ويش ها الشيء المزدوج ؟!

تحياتي


يامساء النور
ننتظر منك ذبحته
واللغز تراي وضعته وفي بالي انت وتألقك بالرمعات العجله

[ابو ماجد 2]

وعليكم السلام والرحمه
صح لسانك زعيمنا وقدوتنا
لغز كايف معنى وطرق ومسند ومسند عليه يعني من مجاميعه
وانا اقول يابو عدنان بس لو يزود نقطتين كان اقول
تقويم
قمري وشمسي
لكن مازلت افكر فيه وبكل جديه


هلا بك يابو جار الله
صح بدنك يالغالي
واللغز دامه للمختار لازم نحسن اختياره ولعلي وفقت فيه ان شاء الله
التقويم مالك لوى
ولا تنس اني تطرقت للشكل الا ان كنت تقصد التقويم ( الروزنامه )
عموما هذا قديييييييييييييييييييييييم وحاااااااااااااااااااضر

[ابو ماجد 2]

صح السانك يابو ماجد مليون

وعزيز من اسندت لغزك اليه ويستاهل جدي ذيب

ونحلول مع المحاولينا

كعبين

يجون سوا ويرحون سوا

بس هذا يمين وهذا شمال من القدم ومختلفين بالحجم والشكل

وانا موجه كعبيني الى جادة الطريق الى الضلع

واسلم وسلم ومع السلامه مع السلامه


صح بدنك يالغالي
شرفتنا بمرورك العطر
مالك لوى
وتراي ماقلت يروحون سويه ولكني قلت
واثنينهم لا ماتلاشوا سويه

[ابو ماجد 2]

وعليكم السلام ورحمة الله وبركاته

صح لسانك يا الزعيم وبيض الله وجهك
غالي ومسند على غالي

يتجلى الابداع ويظهر متربع وملك وزعيم الالغاز في هذا اللغز
ليذكر الجميع بمن هو الزعيم

انه ابو ماجد يا سادة

جاري التفكير على قدم وساق


هلا بالمذهل
صح بدنك وبياض الوجه يكسيك
كلت لي بمكيال زايد عن حقي لكن طبعك كذا كريم
شرفتنا ايها المذهل

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز مسند الى صاحب الرمعه العجله ( ذيب الفقاره )
واليوم ماشاء الله مبهر بمراميعه الله يديم عليه

كأن اللغز وقفت مراميعه نزيده بيت لعله يبيده


لغزٍ ولو سويت حصنه منيعي=رميه وجدرانه جميعه هويه
( عجلةْ ) ابو عدنان وقعه فضيعي= برض القصيم أوذا أذاني دويه
ياذيب لغزي جاك خايف هليعي=يقول ذا ذيبٍ يخرّع عويِّه
شاف الذي مِنِّه يهاب الشجيعي=قتل الحجا جمعا بليَّا رويِّه
هذا ولغزي رمعته بالسريعي=حتى ولو جدران حصنه قويِّه
اللغز عن اثنين لفيوا جميعي=واثنينهم لا ماتلاشوا سويه
الاسم واحد بسْ لا لا تضيعي=بالشكل هذا مختلف عن خويه
إلهم ذكر حاضر وماضي يشيعي=غطوه بوصفي يافتى مرتويِّه
اربع نقط بين الوطا والرفيعي=وخمس الحروف ياللي لحله نويِّه
مروا على مجنون مروا لكيعي= مروا ابدوي ياذيب مروا ابدويه


مع تحيات ابو ماجد

منتديات مكشات . خيمة الالغاز

[ابو ماجد 2]

هالمسيكين تقل مالكم به خاطر
زدناه للتوضيح ولا يزال يعيش حالة جفاء وهجران

[ذيب الفقارة]

أما الآن مالي به حيلة

لكن البيت الأخير ربما يوصل لنتيجة

اشارة لقصة نحاول نتذكرها وما هي غريبه علي

لكن المخ مسكر

تحياتي

[ابو ماجد 2]

أما الآن مالي به حيلة

لكن البيت الأخير ربما يوصل لنتيجة

اشارة لقصة نحاول نتذكرها وما هي غريبه علي

لكن المخ مسكر

تحياتي


حياك يالغالي
والابيات الاضافيه على وجهها ولم ترتبط بقصه

[ذيب الفقارة]

صباح الخير

حيرتنا بالحروف والنقط والا قلنا انه مشط الشعر

تحياتي

[عطري]

صباح الخير

حيرتنا بالحروف والنقط والا قلنا انه مشط الشعر

تحياتي



صباح القماري و الحباري و الأرانب.

ما شاء الله يا أبا عدنان ؛مغِّيرٍ فطورك ، ما غير شوي و حنيذ و ندي من هالنعم ، جعله بالعافية.

و حنا ما غير فول و مسلوق و شكشوكة.

[عطري]

هالمسيكين تقل مالكم به خاطر
زدناه للتوضيح ولا يزال يعيش حالة جفاء وهجران




السلام عليكم

صباح الخير يا وجه الخير.

هالعملاق الكل يفكر به ،و الدليل عدد المشاهدات.

تكفى لا تقرب ، أبو عدنان - ماشاء الله - ما سلمت الألغاز منه و انت ما قربت وشلون لو قربت .

صحيح أني مشغول لكن سأحاول في كل فرصة تأتيني بإذن الله.

[ف ف]

اسعد الله صباحك بكل خير يازعيييم

وش قولك بهالرمعه اللي تقرقع
تعليم

[ابو ماجد 2]

صباح الخير

حيرتنا بالحروف والنقط والا قلنا انه مشط الشعر

تحياتي


ياصباح النور ياراع العجله
مالك لوى
ولا تنس لفيوا جميعي
وتلاشوا لكن بوقت متفاوت

[ابو ماجد 2]

السلام عليكم[/center]

صباح الخير يا وجه الخير.

هالعملاق الكل يفكر به ،و الدليل عدد المشاهدات.

تكفى لا تقرب ، أبو عدنان - ماشاء الله - ما سلمت الألغاز منه و انت ما قربت وشلون لو قربت .

صحيح أني مشغول لكن سأحاول في كل فرصة تأتيني بإذن الله.


هلا بعطرنا الفواح
والله ان راع العجله يخوف بالفعل
وهاللغز زايد عياره من شانه
وعدد المشاهدات ليس معيار فأحيانا يصير متواجد اكثر من مشاهد فتجدني اعمل كل شوي تحديث انتظر مشاركة لاحدهم
وبهالحاله مع كل تحديث تزداد عدد المشاهدات
نسال الله ان يعينك ويثيبك على ماتقوم به
ومتى مافضيت نفرح بتواجدك

[ابو ماجد 2]

اسعد الله صباحك بكل خير يازعيييم

وش قولك بهالرمعه اللي تقرقع
تعليم

ياصباح النور
مايقرقع بالصدر طشه اما يقرب المماع او يكون الحل او على الاقل تفتك من التفكير فيه
مالك لوى
ولاحظ اني قلت بالنهايه يمروا المجنون والبدوي والبدويه وهؤلاء قد لايكون مرهم التعليم وبالذات المجنون

[ذيب الفقارة]

طيب رمعة زايدة حرف ماشي

جديدان

تحياتي

[ابو ماجد 2]

طيب رمعة زايدة حرف ماشي

جديدان

تحياتي


طاب فالك يالغالي
انا بنيت الاسم على مسمى مفرد
ولكن من شان ابعدك او اقربك ذكرت انهما اثنين والشهره يالغالي لواحد اكثر

[ف ف]

قولك بالتطعيم

ينتهي بالخمس سنوات الاولى للاطفال


بس البدوي ماهقوتي انه طعم قبل ههههههه

[ابو ماجد 2]

قولك بالتطعيم

ينتهي بالخمس سنوات الاولى للاطفال


بس البدوي ماهقوتي انه طعم قبل ههههههه

في لغز الواسطه توجهت توجه طيب ولم انوه على اساس ان اللغز توه
اما الآن فأقول خلك على هالتوجه
وشف اللي مر عليهم كلهم بالبيت الاضافي
والمعنى واضح مروا على الكل

[ابو ماجد 2]

ابو ثامر
تراي كل شوي اسوي تحديث انتظر القاضيه
يمكن معلوماتك انهما واحد وليس اثنين
ارمع يالغالي لاتتردد

[ف ف]

هلا وغلا

لك مني كل ود ومحبه

هذا انا اقلب المخ وكل ماطرت رمعه يخالفها بيت دورنا غيرها

لكن الله يسوقها مني او من هواميرنا

[ف ف]

اقرب مالهاصفه او فعل للانسان عموما



مدري تحليل

[ابو ماجد 2]

هلا وغلا

لك مني كل ود ومحبه

هذا انا اقلب المخ وكل ماطرت رمعه يخالفها بيت دورنا غيرها

لكن الله يسوقها مني او من هواميرنا

ياهلا ومليون هلا
يمكن صاد عن بالك لكن يبقى لك فضل التوجه

[ابو ماجد 2]

اقرب مالهاصفه او فعل للانسان عموما



مدري تحليل

مالك لوى
وكنت اقصد بالتوجه اي اي ربط مااعنيه بمرحله عمريه

[مريسان]

السلام عليكم
صح لسانك يالخليل ابوماجد الدؤلي
غالي ومسند على غالي
لغز متكتك ( التيكي تاكا ) يازعيم سهل ممتنع
جاري التفكير

[ابو اسامه 2]

وش رايك يا الزعيم بـ

انياب
خاصة الاسنان اللبنية للطفل
تحياتي لك

[ناصر العلي]

وعليكم السلام ورحمة الله وبركاته
صح لسانك ياابوماجد
وغالي ومسند على غالي
مايصير
اليافوخ

[ابو ماجد 2]

السلام عليكم
صح لسانك يالخليل ابوماجد الدؤلي
غالي ومسند على غالي
لغز متكتك ( التيكي تاكا ) يازعيم سهل ممتنع
جاري التفكير

هلا بالمتربص هلا بالمتختل
هلا بالغالي
شرفتنا يالغالي
واللغز اخذ من الايضاحات مااخذ
يعني مابقى الا ..............
لكن اكيد ضايع عن اليال

[ابو ماجد 2]

وش رايك يا الزعيم بـ

انياب
خاصة الاسنان اللبنية للطفل
تحياتي لك


آآآه يابو اسامه
والله اني قلت انهاه
لكن الرمعه تحضر وتغيب
الناب ليس على كل حال يلفون جميع

[ابو ماجد 2]

وعليكم السلام ورحمة الله وبركاته
صح لسانك ياابوماجد
وغالي ومسند على غالي
مايصير
اليافوخ

ابو علي
والله اني اقول لو كان ابو علي موجود كان انهاه خاصة بعد توجه ابو ثامر ماهو قصورر بالباقين لكنها احاسيس
كفووووووووووووووووو كفووووووووووووو كفوووووووو
نعم
يافوخ
واليافوخ اثنين الامامي والخلفي
مع المولود ساعة مولده ثم ياخذون بالتلاشي
الخلفي اسرع بالتلاشي
اللغز فكرته قديمه وكان بهالصيغه

يابو اسامه لغز الالفين أعده=ياعله يشمل كل عضوٍ نوده
نشده لهذا ويضا هذاك نشده=بس العشم تاتي حلوله خفيفات
اللغز يابرج الابراج هيّن=قالوا مثلث قيل شكله معيَّن
لاهو بكف هذا وهذايزيّن=يصغر ويصغر مع مرورٍ للاوقات
يابو محمد ون بغيتن ازيده=شي امعروف من وقوت بعيده
مع البشرلا ماتوانى يفيده=مسلم وايضا مخلفين الديانات
مع ذا وذي ياصاحب العرف موجود=وقت على ماقيل معروف محدود
فترة وجوده يعطي صاحبه مردود=لغزٍ ولا ظنيت حمل الزيادات


واللي حله اخذت ذاكرتة مثلنا تمسح
ههههههههههههههه
اللي حله انت يابو علي
وهذا رابطه

http://www.mekshat.com/vb/showthread.php?t=565240

http://upload.wikimedia.org/wikipedia/commons/thumb/b/b3/Gray197.png/280px-Gray197.png

يزداد الضغط على رأس الجنين في نهاية مرحلة الحمل وعند الولادة لذلك يولد الطـفل وشكل رأسه على شئ من الغرابة
أو يكون بعيد عن المألوف (بيضاوي الشكل تقريبا) ثم يعود إلي وضعه الدائري فيما بعد،كذلك يلاحظ وجود مكانين في أعلى

و وسط الرأس لا يوجد بهما عظم ،و يدعى هذان المكانان باليافوخين ، اليافوخ الأمامي و اليافوخ الخلفي.

ليافوخ الخلفي: يكون مثلث الشكل وينغلق بعد حوالي 6 إلى 8 أسابيع .

أما اليافوخ الأمـامي :فهو الأكثر اتساعاً وعلى شكل معين "كما في الصورة (1)" ويختلف حجمه من طـفل لأخـر

وينغلق بعد 15 إلى 18 شهراً

[ف ف]

كفوووو ثم كفووو يادكتور ابو علي


وصح كلك يابو ماجد على هالغز المتكتك ع قولة مريسان ههه


ماالله كاتب ننحره ههه

[ذيب الفقارة]

هههههههههههه

الحين تذكرته

لكن الكبر شين

كفووووووووووووووووو

د / ناصر العلي

[ابو ماجد 2]

كفوووو ثم كفووو يادكتور ابو علي


وصح كلك يابو ماجد على هالغز المتكتك ع قولة مريسان ههه


ماالله كاتب ننحره ههه

صح بدنك والف شكر لتفاعلك مع اللغز
للمرة الثانيه يكون لك فيها فضل التوجه لكن ماراد الله تنحره
ذكرتني ابو جار الله مرت عليه فتره ماغير يمهد للحل

[ابو ماجد 2]

هههههههههههه

الحين تذكرته

لكن الكبر شين

كفووووووووووووووووو

د / ناصر العلي


ههههههههههههههههه
هلا بالغالي
انا يمكن احسن منك شوي
يعني وانا اضع اللغز اتذكر اني كد وضعت عليه لغز لكن صياغته والافكار التي بني عليها سابقا ناسيها
لذلك اضع لغزي بدون ماارجع له لعله يظهر بثوب جديد غير متأثر بأفكار سابقه

[ابو اسامه 2]

آآآه يابو اسامه
والله اني قلت انهاه
لكن الرمعه تحضر وتغيب
الناب ليس على كل حال يلفون جميع



المشكله والله ان لي يومين قاعد ابحث في النت عن مراحل تطور الاطفال

لكن

اللغز الثقيل يحتاج رجل كبير زي الدكتور

كفو ومليون كفو يالدكتور وصح لسانك يا الزعيم

[ابو ماجد 2]

المشكله والله ان لي يومين قاعد ابحث في النت عن مراحل تطور الاطفال

لكن

اللغز الثقيل يحتاج رجل كبير زي الدكتور

كفو ومليون كفو يالدكتور وصح لسانك يا الزعيم


هلا بك يابو اسامه
احيانا الواحد يصد عنه المرماع وهو ماحصل معك انت والاخوان بهاللغز
اللغز يمكن ثقيل بصيغته قبل الاضافات والردود
شرفتنا
ويستاهل دكتونا الكفو

[ناصر العلي]

[CENTER]ههههه
الله يرحم الحال يااابوماجد
يقولون زود مع الحمى مريرة
انا بحالة مايعلمة الا ربك
بلانا الله بشركة صيانة تمشي على ورا
الله يعدله والا يبدله
وكفوك الطيب يالغالي
[/تحياتيCENTER]

[ناصر العلي]

الغالين
ابوثامر
ابوعدنان
ابواسامة
الله يبيض وجيهكم
وكفوكم الطيب يااهل الطيب
دمتم بخير

[ذيب الفقارة]

كفوووووووووووووو كفووووووووووووووو كفووووووووووووووو

دكتورنا الغالي

د / ناصر العلي

الحل هو كما ذكرت

يافوخ

وصح لسانك ملايين زعيمنا وفارسنا

أبو ماجد

تحياتي