الفزعه ياخوان .. سيارتي ماتشتغل فجأه

[برق العتيبي]

السلام عليكم ورحمة الله وبركاته ..
عندي مشكله ياخوان بسيارتي التيما 2010 ..
كانت معي زي الحلاوه وفجأه شغلتها وعيت لاتشتغل ..
شيكت عالبطاريه تمام و شيكت على الكهرباء برضوا تمام ..
سويت برمجه للريموت وطلع مو منه ..
مادري وش حصل للسياره فجاه وماخليت ورشه الا فحصتها يقولون ماندري وش مشكلتها ..
من مرت عليه المشكله او عنده معلومه او حل لهذي المشكله ياليت تفيدوني ياخوان الله يجزاكم خير ..
واللي يخبر ورشه ممتازه بالقصيم يدلني عليها لاني بالقصيم انا .. ومشكورين

[بن نويشر]

اللي فهمت ان الكهرباء جيدة وواصلة ، طيب شيكت على السلف ؟
حاول انك تضرب السلف بعامود حديد ثم شغل

[aklubiam]

غير حساس الكرنك وماجاك عندي حصلت قبل في التيما

[برق العتيبي]

الله يعطيكم العافيه عالردود وبنجرب نشوف الحلول الله ينفع بها يارب

[الصيادالمليح]

مثل ما ذكر الأخ .. عاين حساس الكرنك إحتمال يبي له تنظيف أو تغيير و يوجد حساسين للكرنك

[برق العتيبي]

الله يعطيكم العافيه و الله يجزاكم خير

[ابوسند9]

وعليكم السلام
اخوي برق بطلع اصلي وارد عليك بعد الصلاة ان شاء الله
وسؤالي لك ,هل السيارة تدق ولا تشتغل؟ ولمبة المفتاح با الطبلون هل هي شغاله والسيارة طافيه؟
وهل الدركسون قافل قبل التشغيل؟ والسياره تماتيك ام عادي؟ وموقعك با القصيم وين؟

[برق العتيبي]

مرحبا ابو سند ..
السيارة تدق *ولكن بس المراوح تشتغل
..
ماركزت بسالفة اللمبة .. ولكن
اذا شغلت السيارة (كل) التنبيهات تطلع لي
لمبات المفتاح والزيت وهواء الكفرات وكل التنبيهات تطلع
...
الدركسون مالاحظت عليه اي شي ..
...
تماتيك .. انا بالرس

[ابوسند9]

اوكي لك رساله على الخاص

[برق العتيبي]

تسلم اخوي ابو سند