علبة الكتاوت في الفتك .. الشفره التي عجز عنها العلماء

[عاشق الخديدات]

مساكم الله بالخير


عندي فتك 2011 وطلعت عندي أعراض تعطل حساس الدعسه
فقلت نغير الكتاوت بما انه رخيص ونغير كذلك على طريقي كتاوت القير
المشكله مادري وين مكانهم الكثير اتفقوا على انها في العلبه اللي جنب فلتر الهوا بس العلبه فيها 5 كتاوت
رحت للصناعيه ماخليت ولا كهربائي ابيه يطلعه لي او يترجم لي المصطلحات اللي مكتوبه على غطاء العلبه بس ولا واحد عرف
أنا مدري ليه اهل الورش اذا شافوا الفتك كأنهم شايفين روزرايس :D سديق طلع سياره برى انا مافي شغل 4800:(

فقلت مال الصعيبات الا رجالها:good2:
صورت لكم العلبتين اللي بجنب فلتر الهوا واللي بجانب البطاريه
ونبي أحد يترجمها لنا وتكون مرجع للفتكاويه:)

العلبه اللي بجانب فلتر الهوا

https://pbs.twimg.com/media/CNFhBnbVAAEE8z5.jpg

وهذي صورتها من داخل

https://pbs.twimg.com/media/CNRestuUEAEvGqH.jpg

***************************

العلبه اللي بجانب البطاريه

https://pbs.twimg.com/media/CNFhBnwUwAEFZj3.jpg

صورتها من الداخل

https://pbs.twimg.com/media/CNRBKzIUAAAvbqT.jpg


المهم الأن إظهار مكان كتاوت الدعسه قبل كل شي
اذا تعرف مكانه ومتأكد لا تبخل علينا والله يجزاك عنا كل خير

والسلام عليكم

[ابوسند9]

وعليكم السلام
كتاوتات الدعسه هي بجانب فلتر الهواء وهي كا التالي
shift lock كتاوت تامين القير
eng cont كتاوت المكينه والدعسه وعددها 2
reverse lamp كتاوت لمبات الريوس
at cont كتاوت القير
يعني الكتاوت الاسود والبني والازرق جهت السائق هذي لا تغيرها , غير فقط اثنين ذات اللون الازرق والافضل تغير كل اللي لونها ازرق بما ان موديل السيارة 2011
وطبعا تتغير اذا الدعسه عندك ضعبفه وما تقبل الدعس

[عاشق الخديدات]

وعليكم السلام
كتاوتات الدعسه هي بجانب فلتر الهواء وهي كا التالي
shift lock كتاوت تامين القير
eng cont كتاوت المكينه والدعسه وعددها 2
reverse lamp كتاوت لمبات الريوس
at cont كتاوت القير
يعني الكتاوت الاسود والبني والازرق جهت السائق هذي لا تغيرها , غير فقط اثنين ذات اللون الازرق والافضل تغير كل اللي لونها ازرق بما ان موديل السيارة 2011
وطبعا تتغير اذا الدعسه عندك ضعبفه وما تقبل الدعس

لاهنت عزيزي على الترجمه
لكن بناء على الترجمه تكون كتاوت الدعسه واللي عددها 2
تكون البني واللي جنبه الازرق على طول (بناء على الترتيب المكتوب على العلبه)

صح والا لأ ؟

[عاشق الخديدات]

وبالمناسبه
الكتاوت الاسود هو أبعد واحد عن مقعد السائق
اتمنى تكون فهمت مقصدي

[ابوسند9]

نعم اخوي عاشق كلامك سليم ,
المسميات صحيحه ,,لكن انا اخطئت با الشرح
اي من جهت السائق
الاول للقير
الثاني للمبات الريوس
الثالث للدعسه
الرابع البني للمكينه
الخامس تامين القير
لكن انت قبل تشتري فك كتاوت الريوس وركبة للثالث ,الدعسه ,ان زبطت السياره اشتر جديد
وبغاك لو كلفنا عليك تفك البني وتشغل وتشوف هل لمبة المكينه تولع با الطبلون ام لا ؟وهل السيارة تقبل البزين ام لا؟

[خالد الفووزان]

في الكتالوج مكتوب شرح كل فيوز و كتاوت باللغة الانقليزية لان الكتالوج العربي فاشل فا ارجع للكتالوج و راح يبين معك كل تفصيل و اذا ما فهمت شي صور الاوراق و نترجمها

[عاشق الخديدات]

الله يعطيك العافيه ابوسند
بدلت الاوسط اللي في العلبه (الازرق اللي جنب البني)
وضبط الموتر كان عداده ينزل ويرتفع ويطفي لحاله
والبني عجزت افكه بصراحه حاولت اسحبه بكل قوه بغت تطلع كل العلبه :D


ياخالد الفوزان شكراً على مشاركتك
للاسف الموتر ماجاء معه الكتالوج : (

[محسن اليامي]

في الكتالوج مكتوب شرح كل فيوز و كتاوت باللغة الانقليزية لان الكتالوج العربي فاشل فا ارجع للكتالوج و راح يبين معك كل تفصيل و اذا ما فهمت شي صور الاوراق و نترجمها

الحين الكتلوج االي باللغه ال E يختلف عن العربي .لأن هو يجي واحد نص عربي والثاني E معقوله يختلف :eek:

[شغب007]

عذرآ ياصاحب الموضوع

هل لدبل شي موجود ؟ اقصد كتاوت من الي بالصور واذا فيه وين مكانه؟

واعذرونن على الدخله

[عاشق الخديدات]

مادري والله علمي علمك بس ماقد سمعت بكتاوت للدبل
فيه للقير نعم اللي هو اول واحد من الزرق