تكفون ياهل الفتك فزعتكم

[Alonezi55]

السلام عليكم

عندي فتك مشكلتي اذا استخدمته مدة ساعة وبعدها وقفت يجلس امبير الضغط يرتفع وينزل
ولايقبل البانزين ويطفي الين يبرد الموتر وبعدها يشتغل عادي

وثاني شي عندي امبير الحرارة يرتفع مع تشغيل النور اذا كانت السيارة ساخنة
ووقفت خمس دقايق يبداء يرتفع مع تشغيل النور امشي ينزل اطفي النور ينزل اشغيل المكيف الخلفي يرتفع اطفيه ينزل تكفون ماخليت ورشة ماوديته لها ولا ضبط حتى الظفيرة فكوها كاملة ورتبوها وضبطوها ونفس المشكله موجوده

ملاحضه السيارة لاتعاني من حراره بالماكينه وتم فحصها وبخصوص ارتفاعه ونزوله بشكل سريع مع النور او المكيف

[ابوسند9]

وعليكم السلام
السيارة عندك قير عادي او تماتيك؟ وكم ماشي؟
وعلى العموم راح اشرح لك اللي اقدر عليه ون شاء الله الشباب ما يقصرون
المشكله الاولى
حاول قدر المستطاع دائما انك تفتح السوتش وتنتظر حتى تطفى لمبات الطبلون ومن ثم تشغل ,من شان ما يتعطل عليك كتاوت الطرمبه
نجي للمشكله
فك هوز او خرطوش فلتر الهواء وشيك عليه تمام لا يكون مخروم , واذا مخروم لف عليه تيب
واذا فكيت الخرطوش راح تشوف لهات في الثلاجه دائرية ,حاول تنظفها ببنزين او اي منظف وتحركها بيدك ,اذا شفت حركتها ثقيله ,هنا جيب شوي زيت وضعه في عمود اللهات
وبرضو شيك على حساس فلتر الهواء اللي با القربه القى عليه نظره لايكون عالق فيه او ساخ او شعر وريش , واذا تشوفه متسخ انفخه بهواء شي بيسط ومن بعيد وانتبه من التنظيف بهواء قوي ,لانه حساس على اسمه
كذلك لايكون عندك فلتر الهواء قديم او متسخ لان الفلتر يسوي البلاوي بالفتك
اذا سويت اعلاه ,وكل شي تمام
هنا شغل السيارة , وحاول تحرك فيش واسلاك الحساس بيدك ,مع التحرك ان صفى المحرك فعندك الفيش فيه مشكله او متوسعه الاسنان
برضو شوف بنهاية خرطوش الفلتر جهت المكينه يمين وانت واقف عند رفرف السائق افياش حساس الدعسه والدعسه فيشين حاول تحركها بيدك والسيارة شغاله وفي حال عدم الاشتغال
واذا بعد الفحص اعلاه سليم
فيبقى عندك اما صفاية بنزين , او طرمبة بنزين ,لكن من شان ما تخسر قيمة الطرمبة , في حال عدم الاشتغال
انك تفحص هل الطرمبة تدفع بنزين ام لا,,اما انك تفك هوز الطرمبة من عندك المكينه ,وموقع الهوز اعلى دينمو السيارة ,فيه هوزين صغار فوق بعض اعتقد السفلى هو حق الطرمبة والاخر هوز الراجع للتانكي ,او انك تفك هوز صفاية البنزين با الشاصي بجانب القير
اما المشكله الثانيه
خذها قاعده الفتك ,كلما كان حجم البطاريه كبير كلما سلمت من مشاكل الكهرباء
لكن انت شوف كيبل البطاريه (-) فيه كيبل خارج للبدي وكيبل خارج اعلى المكينه ,,شيك عليها تمام لاتكون تحتاج شد ,وبرضو شيك على اصابع البطاريه لاتكون مملحه ,واذا فيها املاح سخن ببريق مويه حاره واسكبها على الاصابع
واذا اعلاه سليم , شيك على فيش الدينمو ,لايكون اسنانه متسوعه ويتحرك
برضو جرب تسوي اشتراك للسيارة من سيارة اخرى وتخليها على الاشتراك ربع ساعه ,وبعدين شغل , وشغل النور والمكيف وشوف امبير الحراره مع عدم فصل الاشتراك من السيارة الاخرى ,لان هذه الحاله تحدث بالفتك لكن نادره جداا لكون البطاريه اما صغيره او ضعيفه
واذا ما اتغير شي اعلاه فا احتمال عندك الدينمو فيه مشكله ,وللفائده فيه دينمو المكسيما تجاري وعملي ب 300 ريال
وجميع ما ذكرته لك اعلاه ما تحتاج ورش وما تستاهل ورش واشتغل بنفسك افضل

[Alonezi55]

الله الله السيارة قير عادي وماشي ٣٩٠ الف وبيض الله وجهك يابوسند وبجربها الجمعه اكون متفضي له واوافيكم بالناتج لاهنت يالامير

[Alonezi55]

ابوسند ولا عليك امر امبير الضغط لاوقفت يرتفع فوق الواحد بشوي وبعدين يبداء ينزل او ادعس بانزين وينزل بسرعه

هذي بعد طلعت جديده عندي

[الرحال7724]

افحص الدينمو وبإذن الله بتظبط معك

[Alonezi55]

لا هنت يالرحال وبيض الله وجهك بيتم الفحص والله يكتب الي فيه الخير

[ابوسند9]

ابوسند ولا عليك امر امبير الضغط لاوقفت يرتفع فوق الواحد بشوي وبعدين يبداء ينزل او ادعس بانزين وينزل بسرعه

هذي بعد طلعت جديده عندي
ما يامر عليك عدو
امبير ضغط الفتك
هذا شي طبيعي لان الاجواء عندنا تعرف الحرارة فوق 48 , فنظام الفتك ,اذا وقفت, امبير الضغط يكون فوق الواحد , وهذا نظام موجود با الفتك من شان تبريد المحرك ,
فا انت با الخيار اما تنتظر حتى ينزل الضغط
او انك تدعس دعسة البنزين دعسه للاخر وبسرعه حتى ينزل
واللى انا مطبقه بها الاجواء ادعسة كم دعسه وبسرعه حتى ينزل الضغط وبعدين اطفى السياره
نصيحه امبير الفتك , مهما يكون ,ما يشتغل , يرتفع وينزل, يتحرك, عطلان ...الخ ,
الزبده لا تعطيه وجهة وما جاك يمي

[Alonezi55]

الله يبيض وجهك يابوسند طلعت المشكله الحساس نفسه حق امير الضغط

بس مشكلة الحرارة اذا حر الموتر والمكيف شغال وهو واقف ترتفع اطفي المكيف اشغل النور ترتفع اطفيه تنزل ذي المشكلة تجلط

[Alonezi55]

للمعلوميه السيارة لاتعاني من اي مشكلة بالماكينه وحرارتها طبيعيه وضغط الماء بالليات مافيه

[فتتتكك]

سلام عليكم ... يالربع عندي استفسار بسيط عن الفتك باب واحد من موديل 2012 وطالع ...
هل يوجد توانك بنزين كبيره الحجم؟؟؟
واللي قد حط تانكي بنزين غير حق الوكاله يفيدنا
وألف شكر

[SGL]

للمعلوميه السيارة لاتعاني من اي مشكلة بالماكينه وحرارتها طبيعيه وضغط الماء بالليات مافيه

أخوي ياليت تجرب بطارية ثانية ولو تفكها من موتر ثاني لاتشتري فقط أبيك تجرب وشف الإمبير يضبط أو ﻻ وردلنا خبر