حرارة ددسن 2013😢

[كاشت الليل]

السلام عليكم يالربع

وانااخوكم معي ددسن 2013 خطوط وارد العيسى

وعندي مشكله بحرارة السياره

المشكله هي لامسكت خط بالنهار تكون الحرارة بالنص تماما وبالليل تكون ثلث
ولاصار الموتر واقف بالنهار المكيف ماعاد يبرد والحرارة تكون عالنص

افيدوني يالربع تكفون علما ان الموتر ماشي 70الف

[aklubiam]

غير غطاء الراديتر + بلف + تاكد من كلتش المروحه وغسل الراديتر من قدا بمويه ضغط عالي.

[صاروخ الغطغط]

كيف الاستخدام شخصي او تفحيط وهل الموتر محافض عليه
قد انتقطع السير عليك . اذكان قد انقطع السير عليك وبعدها اترتفع الحراره شيك على مكرة السير وياليت توضح بداية ارتفاع حرارتها

[اليوسف2012]

اخوي تاكد اولا من عدة امور
1- تماتيك المروحة المفروض مع هالحرارة يكون شابك وله صوت واضح علشان يلحق يبرد المكينة اذا كان ماله صوت احتمال يكون خربان وطريقة فحصه اذا احترت السيارة فوق الثلث افتح الكبوت وخل واحد يطفي السيارة وانت عينك للمروحه اذا استمرت في الدوران بعد طفية السيارة المشكلة منها اما اذا وقفت مع وقوف المكينة مابها شي سليمه

2- شيك على سير المروحة لا يكون مرتخي زيادة
وهذا الارتخاء كثير يحدث في الددس البخاخ ويسبب تفويت في كهرباء الدينمو وزيادة الحرارة

3- حاول تشيل البلف كحل مؤقت للتجربة
وانت جرب تركب بلف ددسن موديل 97 صدقني راح يفرق بالحرارة

في النهاية اخوي سيارتك ددسن و مابها الا العافية والددسن مايعرف الحرارة من خبرة سنين

[FAHAD1000]

نفس المشكلة

[كاشت الليل]

كيف الاستخدام شخصي او تفحيط وهل الموتر محافض عليه
قد انتقطع السير عليك . اذكان قد انقطع السير عليك وبعدها اترتفع الحراره شيك على مكرة السير وياليت توضح بداية ارتفاع حرارتها
الاستخدام شخصي يالغالي ويوم يمشي ويومين واقف ولا قد صار به مشكله ابدا والحراره من يوم اشتد الحر بديت اعاني منها

[كاشت الليل]

اخوي تاكد اولا من عدة امور
1- تماتيك المروحة المفروض مع هالحرارة يكون شابك وله صوت واضح علشان يلحق يبرد المكينة اذا كان ماله صوت احتمال يكون خربان وطريقة فحصه اذا احترت السيارة فوق الثلث افتح الكبوت وخل واحد يطفي السيارة وانت عينك للمروحه اذا استمرت في الدوران بعد طفية السيارة المشكلة منها اما اذا وقفت مع وقوف المكينة مابها شي سليمه

2- شيك على سير المروحة لا يكون مرتخي زيادة
وهذا الارتخاء كثير يحدث في الددس البخاخ ويسبب تفويت في كهرباء الدينمو وزيادة الحرارة

3- حاول تشيل البلف كحل مؤقت للتجربة
وانت جرب تركب بلف ددسن موديل 97 صدقني راح يفرق بالحرارة

في النهاية اخوي سيارتك ددسن و مابها الا العافية والددسن مايعرف الحرارة من خبرة سنين

بجرب الحلول اللي قلت لي والمروحه بصراحه ماعمري سمعت صوتها وبالنسبه للسير احيانها اسمع له صوت لاشديت شوي ع الموتر

[صاروخ الغطغط]

الدادسن ماتحتر ابدا
بس قد حصل موقف احترت علينا وطلع السير يفوت من مكره طرنبه المويه او الدينمو وغير مكره وزبط

[اسهيل]

اخوي ركب مراوح كهرب وتدعيلي عند واحد في السلي شغله مررره حلو واعرف واحد ركب لددسن 13 صارت الحراره ماتعدى الخط الاول

[salih100]

لا تركب مراوح كهرباء ولا شي لانك والله واعلم موب حق تطعيس

ابداء بالاسهل

شيك على السير بعد مشوار يعني اذا احتر وتمطط موب وهو بارد

غير بلف الحراره او شيله

غطاء الرديتر

تماتيك المروحه شيك عليه مع اني استبعده لانها في الخط ترتفع

والاقرب والله اعلم يا بلف يا سير

[يالبى الهلا]

الددسن معروف بصوت عالي للمكينة اكيد الخراب مروحة المكينة ماتشبك في الحرارة المرتفعة
الشباب اعطوك الحلول وخاصة طريقة أخونا اليوسف 2012

[alharbi15]

الددسن من 2005 وهي تحتر
أفضل حل غير المروحه إلى 8 ريش وترتاح من الحنه ويفرق معك بالمكيف

هذا الموضوع راح يفيدك

http://www.mekshat.com/vb/showthread.php?p=10537818

[efi4500_2002]

سيخ الاديتر و إن شاء الله تمام حصلت معي في 2007 و هي جديده ما مشت 100 الف

[هاوي بلادي]

سيخ الاديتر مع التاكد انه كوع الحراره سليم

وكذلك غطاء الرديتر

[يالبى الهلا]

غير غطاء الاديتر أصلي أكثر مشاكل الحرارة من الغطاء مايوضح أثناء توقف السيارة