الطير ماينقز على الدس ؟؟

[al-7rbi]

السلام عليكم ورحمة الله وبركاتة
جمعه مباركه
اخباركم وشو علومكم المهم ماطول عليكم

يالربع انا عندي وكريه مصفيه بس جاتني مشكله فيهآ
الطير ماينقز على الدس اول يوم بديت معها ماكانت تجي بالمره رحت جوعتها يوم ودعيتها بالمجلس على الدس وجاتني من 5 امتار بعدين 6 والخ
الين صارت تجي من بداية المجلس الين نهايته ورحت طلعتها بالحوش لانه وسيع وقلت بعد ماتجي بالحوش اطلع بيهآ البر ..
حطيتها باول الحوش وقربت منها 5 امتار يالربع جبت العلف الي هو قمريه وحطيتها بالدس واصوت عليها تصفير وهي ماهي معطيتني وجهه كآنهآ متعشيه قبل 10 دقايق
اتلفت فوق يمين يسآر وشو الحل والله من يوم جبتهآ ماتبي تنقز على الدس بالحوش رغم اني 5 امتآر ووشو الحل يالربع اقعد معاها ساعتين بالحوش ماتبي تنقز مره
ولآ هي يم العلف والحين لي يومين مجوعها نفس الطريقه ماتبي تجي بالمره ..

والله يعطيكم العافيه والمعذره على الاطاله

[سالم الصقار]

أخي الكريم،
يكون وزنها زاد من الأيام الماضية، حاول تنقص وزنها هذا أول شي للوزن المناسب اللي تنقز فيه على الدس،
ثم بالنسبة لوضعك الحالي، ابدء معها من مسافة قصيرة جدا لو نص متر، وعطها كمية قليلة جدا من العلف على النقزة الأولى، ثم ارجع للخلف، مسافة أطول وهكذا، لا تبدي معها بمسافة طويلة، وإن شاء الله أمورك تمشي، لكن في المقابل خلي العملية كلها لا تتجاوز الثلاث محاولات أو أربعة على الأكثر، ولا تعرض عليها الأكل أكثر من عشر ثواني لين تجاوبك.

[حمد الجربوعي]

السلام عليكم ورحمة الله وبركاته



بالنسبه للطير دائما يختلف اختلاف كلي عن وضعه لاصار في المجلس راح يعطيك اشياء تبغيها منه

بس اذا طلعته برا في حوش ولا في البر راح يكون فيه صعوبه شوي لانه يطري له يوم كان وحش ويتغير عنده الوضع ويصير فيه اختلاف في نقزته وفي دعوه



فلا تستعجل على الطير واذا مانقز حاول تعطيه نسير على الدس وتخليه يتعود وبعدين تبدا المرحله بالتدريجي مثل مابديتها في المجلس بس احرص انك تنقزه مرتين او ثلاث بس ولا تزيد عنها لان بعض الطيور يمل ولا يحب انه ينقز اكثر من مره انت الهدف من كل هذا انه يتعود عليك وياكل من الدس وينقز ولما تجيه مايطير منك فلذالك خلك حريص وخل صدرك وسيع وبإذن الله تشوف النتيجه



دمتم

[al-7rbi]

بيض الله وجهيكم يالربع ماقصرتو
الطير قريب أخذته من المربط ومصفي ماشاء الله لكن أختلفت علي طبوعه شوي ومن ناحية وزنه الحمدلله تمام لأني لا أنا الي أقصر عليه بالعلف ولاني الي أزيده... فالمجلس يوم أدعيه ما يطول يجي على طول لكن برى يتلفت ثم ينقز علي وبسرعه يغير أتجاهه ويروح على الجدر أرده على الوكر ثم أخليه يهدأ وأعيد الكره ينقز يم العلف لكن أذا أقبل علي يختلف ويرتفع للجدر كأن داخله خوف أو شيء، رأيكم ياجماعة الخير

[قناص502]

زمان اخوي كان طيره مثل اطباع طيرك اللحين

اذكر خلاه يوم ونص ماعطاه شي
واغلب الوقت يومه مجوعه كان عنده وحوله
بعد ماخلص يوم ونص جرب يعطيه العلف يبيه ينقز على الدس الطير ماجا

قرب له حيل يوم انتبه للعلف نقز واعلفه شوي ماتنذكر بس ذواقه وخلاه كمل به اليوم الثاني

ومن بعدها الطير صار على ماتبي ولو عاند كمل به لاتعطيه الا ذواقه لين ينقز على الدس

[قناص502]

وكلمة حق اقولها بعض المرابط وليتهم ماهيب ذاك الزود على الطير

[al-7rbi]

أي والله صادق بخصوص المرابط ياقناص، يعني تشور علي أقطع عنه العلف فتره؟

[قناص502]

من معاشرتي لراعين الطيور شرواك وشروا الموجودين هذا اللي اشوفه

[أبو العنود1]

اقترح رح لمكان بالبر وتكون الارض رمليه افضل لان تكون رابطه بسبب عشان ماايتأذا طيرك والارض تكون تحته طريه لو راح يمين او يسار وطال عمرك قبل الغياب بنص ساعه اجلس بالضلال وفرع له شوي وهو على كفك ولا تعلفه وخله يشوف شوي وان كفخ برقعه وخله لين قبل الغيبه بعشر دقايق وخل المسافه متر فقط بينك وبينه وادعه وان عيا ماجا برقعه ووده للبيت وخله لثاني يوم وبنفس الاسلوب الاول وان عيا برقعه وده للبيت الثالث ادعه وان جى خله ينسر نسرتين ورجعه لماكره وادعه لين ينقز 4 مرات وخله ينسر كل نقزه نسرتين
وبعده خذه للبيت وعطه خمس نسرات وكل يوم زود المسافه لمدة اسبوع وانت على نفس النسر لين يصير خاتم بااصبعك وبعدها نعلمك وش تسوي

[ابرق الحرار]

وعليكم السلام ورحمة الله وبركاته

ماقصروا الاحوان كفوا وفوا ولكن انصحك شنذر الطير عند صقار له خبره وبعده ان شاءلله الامور طيبهه

[al-7rbi]

اقترح رح لمكان بالبر وتكون الارض رمليه افضل لان تكون رابطه بسبب عشان ماايتأذا طيرك والارض تكون تحته طريه لو راح يمين او يسار وطال عمرك قبل الغياب بنص ساعه اجلس بالضلال وفرع له شوي وهو على كفك ولا تعلفه وخله يشوف شوي وان كفخ برقعه وخله لين قبل الغيبه بعشر دقايق وخل المسافه متر فقط بينك وبينه وادعه وان عيا ماجا برقعه ووده للبيت وخله لثاني يوم وبنفس الاسلوب الاول وان عيا برقعه وده للبيت الثالث ادعه وان جى خله ينسر نسرتين ورجعه لماكره وادعه لين ينقز 4 مرات وخله ينسر كل نقزه نسرتين
وبعده خذه للبيت وعطه خمس نسرات وكل يوم زود المسافه لمدة اسبوع وانت على نفس النسر لين يصير خاتم بااصبعك وبعدها نعلمك وش تسوي

الله يعطيك العافيه ماقصرت كفيت ووفيت
الطير الحين صار يجيني بالحوش من 5 امتار او 6 لكن اذا ابعدت عنه مثلآ 10 امتار
وادعيه يجي لامي بس يوم يقرب يرتفع فوق ويطير بس امسك حبله وارده للمقعد وزي كذا
هاذي مشكلتهه يوم يقرب لمي يرتفع فوق

[al-7rbi]

وعليكم السلام ورحمة الله وبركاته

ماقصروا الاحوان كفوا وفوا ولكن انصحك شنذر الطير عند صقار له خبره وبعده ان شاءلله الامور طيبهه


ان شاء الله.. مع ان الطير وزنه تمام الحمدلله

[أبو العنود1]

الله يعطيك العافيه ماقصرت كفيت ووفيت
الطير الحين صار يجيني بالحوش من 5 امتار او 6 لكن اذا ابعدت عنه مثلآ 10 امتار
وادعيه يجي لامي بس يوم يقرب يرتفع فوق ويطير بس امسك حبله وارده للمقعد وزي كذا
هاذي مشكلتهه يوم يقرب لمي يرتفع فوق


انت يوم يقرب ترفع ايدك او ثابته

الشي الثاني ان شفته ارتفع لا تشد الحبل تراك تملعه وتخرب الطير

خله يروح نهايته وخلك بمكانه ليانزل ناده ينقز لك ونسره وبرقعه عشر دقايق ورد ادعه رح يجي سهم لكن اهم شي يدك تكون ثابته ماترفعها ولا تسحبها وانا انصحك بالبر احسن لك عشان يتعود الطير على الدعو