طريق القصيم - البجادية - عفيف - ظلم آخر الأخبار عنه وهل لا زال الطريق يشكل خطر أم لا؟

[راعي الدتسن]

السلام عليكم

لأهل الروحات والجيات أو اللي عنده تالي العلوم

علمونا تكفون عن طريق عفيف ظلم هل هو صار طريق زين ويمشي الحال أو انه لحتى الان خطير ومليان مشاكل وحوادث مفجعه ( ناوي ان شاء الله اروح للطايف ومنها انزل على مكة ) ومن الصعب علي اني اروح للمدينة ومنها لمكه ثم للطايف - الا إذا تبين انه مافيه طريق آخر أو أنه هالطريق مابعد ضبط -

افيدونا ياللي تعرفون ويعطيكم العافيه

[عدم الانحياز]

وعليكم السلام
اخوي انت على كل حال ابخص بوضعك
لكن ورى ما تروح للمدينة مع طريق ام الدوم - مهد الذهب اقرب للمدينة (مختصر) وتاصلها اول شي يوم ولا مثله
وتحرم من ابار على (على اعتبار انك بتعتمر) ومن ثم الى مكه ثم عمره وعلى الطايف تكمل هناك الايام الباقية برادات
وان بغيت تنزل للحرم قريب - الايام هذي حر وهو اهون من قبل والمدينة جايها مطر ومهد الذهب كذلك انا جايه قبل
يومين بروقها تلاعج ما شاء الله لكن ما واجهت مطر الا رش بسيط كان الخيال عليها من شرق -
راي وكما اسلفت انت ابخص
دمت بخير

[fahad2013]

كان زمان الطريق مكسر وبدون اكتاف طبعا من عفيف الى ظلم 150 كليو تقريبا الى السريع بين الرياض والطائف
لكن الان تحسن نوعا ما الطريق واصبح مع اكتاف لكن مازال مسار واحد
ولهم شغالين فيه اكثر من 4 سنوات ليصبح طريق مزدودج
وانصح بالممشى فيه فقط بالنهار وافضل بكثير من طريق المدينة البعيد

[شمطور]

الطريق متحسن كثير لا كان ممشاك بالليل انتبه فيه تحويلتين

[راعي الدتسن]

الطريق متحسن كثير لا كان ممشاك بالليل انتبه فيه تحويلتين

هل التحويلتين عليها علامات تحذيريه ؟

[بوريري]

يجاوبونك الاخوان مايقصرون

[بوريري]

والله اني مدري ي بوريري

[بوريري]

..السلام عليكم ورحمة الله وبركاته

[برق الجهمه]

هل التحويلتين عليها علامات تحذيريه ؟

متى خبرك بالطريق ؟

الان تم تجديده بالكامل ماعدا اجزاء بسيطه وفيها تحويلات عليها علامات تحذيريه
مسار واحد وجاري العمل بمسارين

سفراً سعيداً