ذكريات زمان المدرسه لاكن اثره الى هالحين

[لورن]

السلام عليكم ورحمة الله وبركاته
اخواني واخواتي في هذا المنتدى الرائع
زمان المدرسه اول كان التعليم وخصوصا المعلم له وضع خاص ومهابه ولو تشوفه بالشارع تقل يبي ياكلك من الخوف منه والا اذا شفته مع شارع هجيت مع شارع ثاني
:mad::mad::mad::mad::mad:
يالله السلامه وكان بعض المدرسين وليس كلهم مجرمين بمعنى الكلمه وخوذو هالسالفه وانتم احكمو:(:(:(
يوم من الايام كانت الحاره توه تزفلت واول مره نشوف هالزفلت وهالمكاين وهالقار الحار اللي يرش بالأرض قبل
وخبه اللي يقول ايزين بالسيكل كذا واللي يقول اباخذ من القار وادهن الجنط حق السيكل وهاتو كلن يجيب من راسه فكره
وهذا وحنا بالمدرسه مادرينا الا يوم طلع هالطاعون الغثيث ( المدرس )وقال شوفو يبي يرشون القار وماعندنا الا بكر وبعده اجازه الاسبوع
والله ثم والله اللي يجي يوم السبت ورجليه به نقطة قار والله لا اجلدة لحد ماينتفخ
:eek::eek::eek::eek:
ووقفه وبالمشله ( الفلكه) لاربط رجليه واني لا ازين وافعل واترك
اللهم ياكافي يوم دب الرعب والخوف بقلوبنا وقامت ركبنا ترقل وقلن هالحين وشلون نبي نمشي بالشارع
خلصت المدرسه ورحنا لبيتنا يوم صارالعصر واثر ريحة القار واصلتن الى اقصى البيت
ياربيه وش انزين
اناضر الشارع خلي موالله اللي يمشي
قلت الشكوى لله نصبر الى بكرا ويفرجه الله
ومطوالك ياليل جاء الصبح نبي نلعب نبي اناقز مافيه الا انا
رحت للجيران وصوت من فوق الجدار يخاله وردة علي ام رفيقي قالت ياوليدي لاتطيح شف الجيره ماقالت وراك ماوراك المهم
جاء رفيقي قلتله وش الدبره قال وش الدبره امش انا ادبرك وصلنا الباب قال اشوف ايدك مسك ايدي ورحنا نركض بوسط القاروقال لايهمونك هو مدرس بالمدرسه ولهوب بالسوق
انا صدقته
رحنا وجينا وكل شي زيناه واستانسنا
جاء اليوم الموعود ورحنا للمدرسه بالعاده باب المدرسه يفتح كله وهالمره مافتح الا الباب الصغير
وش عندهم
واثر ابن هالحلال هالطاعون يفتش من (؟؟؟؟؟؟؟؟؟؟؟) على رجلين الطلاب اللي ماشي بالقار او لا
واللي منك نشبه
واثر رجلينا انا وخويي غاديات تقل ساجة مولع بطرفه سود
مايمدينا نرجع وصلنا الدور
قال منب قايللكم لاحد يطلع ويمشي على القار ؟؟؟؟؟
( الله يطيربك بليس واشلون تبينا نمشي او تبينا شغل بساسه مع الجدران)
المراد صفنا مع بعض الطلاب والله واجد قلنا موت مع المسلمين رحمه جابنا للفصل وتعال انتم وانتم وجميع اشكال التهزيء اخر شي قال عندي لكم عقابين
الاول لإنكم ماسمعتو كلامي ( الله يبلاك يا؟؟؟؟؟؟؟؟؟ ) والعاقل يفهم
والثانيه علشان يتأدب غيركم
تدرون وش سوى هالمهبول يجيب الطباشير ويحط كل مابين اصبع واصبع طباشيره ثم يضغط اصابعك بكل ماأوتي من قوه الين تصير اصابعك تقل رجل دجاجه مذبوحه وتخيل الدجاجه وشلون تصير رجله اذا ماتت
ماخلص ياخذ من الطباشير ويمسك حلمت ديدك ويقبصك ماتدري الا الدام ناقع
( انا ادري ان واحد منك الان وهو يقرا يقول اوالله مجرم )
لاخذ النهايه
يجمع اصابعك تقل ربطة مساويك ثم بالمسطره الخشب مع روس الاصابع ضربه وحده ثم يتنفخن
دارة الدنيا وقبل رمضان بالصدفه مدعو لزواج وشفت هالطاعون مع مدرس اخروالله هالمدرس الاخر اني سلمت عليه وقبلت راسه تقديرا واحتراما لمكانته وحسن تعليمه
قالى ماعرفت هذا ترا ه من المدرسين اللي درسوك
قلتله هذا ماعرفه
قال نسيت قلت لاوالله مانسيته لاكن ماعرفته مدرسا واعرفه جلاد
قال الطويعين راحت على ماراحت عليه
ايه من عندك والله
لولا شرهت الناس كان لادقك لحد ماتنسى اسمك
ومعذرة على الاطاله
ودمتم في رعاية الله

[عبود البجادي]

الله يا دنيا اول مررة انضرب بالفلكة يوم كنت باول ابتدائي كنت نذل مابوه حد مثلي في النذاله وبعد الفلكه غديت رجال مؤدب :D:)

[لورن]

هلا اخوي البجادي شفت لوانا مخطي كان قلعتي ولاكن على ايش كل هالضرب

[عدم الانحياز]

وعليكم السلام ورحمة الله وبركاته
اخوي لورن الله يعطيك العافية على سرد هالقصة والتي لمست فيها سرداً
فكاهياً اظن انك تملك الكثير منه ولو لم تعطه حقه من الابراز هنا

حقيقه سعدت خلا قرائتي وتشوقت الى النهاية وهنا كانت الصدمة

النهاية بئيسه بكل ما تعنيه الكلمة ومحزنه الى ابعد درجة وقد اثرت في كثيرا لعدة اسباب
فارجو ان يتسع صدرك لطرح وجهة نظري مختصرا

بدون الدخول في اي تفاصيل وبدون محاولة للاقناع بل وبشكل مباشر ومنطقي ، هل الاباء اليوم
هم اباء الامس هل اعمام اليوم هو اعمام الامس هل اخوان اليوم هم اخوان الامس
ياخي كان العم يربط ابن اخاه في السارية بعد ان يعاقبة ضرباً ووالله ما يجرا احد على فكه احتراماً
لعمه اذا فهذه هي لغة ذاك الجيل ولا افرض القبول بها .............. ولكن
آسى على اخي لوران ان يحمل بين جنباته ما يحمله على معاملة معلمة بهذه الصورة
وجهة نظر - لك الحق في قبولها - كما لك الحق في رفضها
وان اردت ان امسح مشاركتي من متصفحك فهذا حقك
ولك مني المحبة والتقدير
دمت بخير

[لورن]

اخوى عدم الانحياز والله ان كلامك صحيح وعلى الراس والحمدلله صدري وسيع جدا لاكن الخطا لايعدل بخطاوهذا شي قليل جدا مماعمل هذا المدرس هل تصدق ان طالبا فقد عقله بسببه هل تصدق انه كسر يد طالب اثناء العقاب واشياء واشياء فرق ان تعاقب لخطا حدث او ان تعاقب من دون سبب من غير شيء حدث وعلى فكره تراه طرد من التدريس لسوء خلقه
ودمت برعاية الله وحفظه

[الحربي حاتم]

قصة جميله . ولكن جيل أول غير جيل هلحين أول الجميع يعتبر مربي . فالمدرس مربي والعم والخال والجار والصديق والقريب ولا غضاضة في ذلك ولا من مشكلة بل الكل يعتبر للكل والحي يعتبر عائلة واحدة . آآآآآآآه على زمان مضى وعلى زمن أول وجيل أول نقضت جروح وذكريات قديمة لجيل ولزمن مضى ولناس كانت قلوبهم طيبة ولزمن الطيبين رحم الله من سار لله منهم وذخر لنا الباقين وأمد في عمرهم .

[بدائع11]

اخي لورن شكراً على السرد الرائع والجميل
ولاكن كثير من ترك العلم والسبب منهم على شاكلت هذا المعلم واعمالهم الاجراميه

[مريقب العيفار]

وانا اقرا كلامك اقول وين الاباء عن مثل هالمهازل

صحيح يعاقب لكن بسبب

اما بدون سبب فعقلا وش دخله

ذكرتني برفيق لي يقول ان مدرس جلده لانه شافه بسيارة النقل مطلع راسه

[لورن]

صحيح اخوي بدائع 11 الكثير الكثير من من نعرف مثل ما تفضلت
فهل من الانصاف ان نقارن هذه العينة المريضة مع احترامي لأراء من علق على الموضوع
بالمعلمين الذين يستحقون التقدير وتقبيل الرأس على مافعلوه وما خلدوه في اذهاننا لأنهم كانو يعاقبون ليعلمو الطلاب ويرتقو بهم

[أبو فراس]

كانوا يضربوننا وكنا نحبهم لاننا نعلم حبهم لنا الا ما ندر

[fahedsul]

وانا بالابتدائي كان عندنا مدرس رياضيات اقشر
مرة من المرات شفته بالسوق بشهر رمضان وخفت منه بديت اتغبا وراء امي ههههههههه بس الصراحة كان حقير :mad:تخيلو لو تكتب بالدفتر وتزيد بحرف عن حدود تسطير الورقة يرمي الكتب بوجهك

[بندرالوشمي]

ههههههههههه مبدع بالسرد والاسلوب يحمس

[Al3rands]

الحمد لله كنت حبيب بالمره لا وشاطر حتى الفراش يحبن واقوم بحركات التميلح قدام مدرسة البنات واخيرااكتشفت كل هالخوف والحب اثر الوالد الله يرحمه مدير التفتيش بادرة التعليم

[hightech]

مدرسين اول فيهم الطيب وفيهم التعبان
كان عندنا مدرس زرع فينا الرعب والخوف وكان مجرم بمعنى الكلمة وأحيانا بعض المدرسين
يستنجد فيه
اقسم بالله أني مازلت وكثير من زملائي ندعي عليه
كان يستخدم جميع الوسائل بمافيها البقوس والرفس والعقال طبعا الفلكه وكان من اجرامه
انه مايستخدم احد يساعده في الفلكه لان الطالب يفلك نفسه بنفسه لانه مجرد انزال رجليه
يكون راح في خبر كان
الرزيزا
مجرم على شكل مدرس الله لايوفقه

[قوافي ( أم نهار )]

عليكم السلام ورحمة الله وبركاته

((التزم بالحياديه والرد لا يخص ولا يعم واحترامي لمعلمينا ولمعلماتنا ))

حياك الله اخي لورن

بصراحه لا نعرف من نلوم ،هناك جمله تشعرني بانها سبب التفريط أو بالاصح هي سبب العقوبه الشديد اللتي كان ينزلها المعلم او المعلمه بالطالب قديما :

(لكم اللحم ولنا العظم)

وربما الاجتهادات الخاطئه والعقوبات الصارمه من باب لا يفل الحديد إلا الحديد

لا الومهم ولا أوأيدهم ولكن بالتأكيد كان هناك الافضل

اشكرك اخي لورن دائما متميز

تحياتي وتقديري واحترامي