مكيف السوبربان

[tevo]

السلام عليكم
اخواني عندي سوبربان مديل 2009 مشكلته اول ما اشغل المكيف ونا ماشي يفصل الكمبرسر وتطفي لمبته وكذلك يفتح الهواء الخارجي وشوي ويشتغل ثاني لحاله ويصك الهواء الخارجي يسوي هذي الحركه كم مره وبعدها يضبط ولاحظت ان اذا مسكت خط ذبط اما اذا كنت بالحاره وامشي واوقف فهي تكثر .

[ابو صالح 871]

مرحبا اخوي تأكد من البطاريه قبل ماتسوي اي شي بالمكيف واذا بطاريتك قديمه غيرها
ترى يجي من البطاريه مشاكل كثيره خاصة اذا كانت غير اصليه يعني اذا ماهي السي ديلكو من الوكاله
لو استمرت المشكلة شوري عليك لايفحصه الا الوكاله حتى لو غالين تحمل زيادة سعر ولا كثرة خراب
تحياتي لك وعلمنا بالاخبالار على فكره البطاريه الكوريه حتى لو جديده وانبير قوي ممكن ماتتحمل زي السي ديلكو وبالتوفيق

[يالبى الهلا]

مشكلتك فيوز منحل اوضعيف تلامسة يفصل مع حركة الموتر
افحص علبة الفيوزات بالمكينة أثناء تشغيل المكيف وافصل واشبك واعرف مكان الفيوز المكيف وبدل جديد اصلي وكالة سعرة غالي لان الرخيص مخيس

[الحربي 591]

اذا الكرومبرسر يفصل ويرجع يشتغل

الفريون ناقص روح محل ممتاز وعبي فريون
وتراها صارت لي في تاهو 2008 واكتشفت انه يسرب وبعد كم يوم الكرومبرسر اذا شغلت المكيف يفصل ويشتغل بشكل متكرر مع لمبه الفرويون وافحص لي المكيف الحار طول عمري في الجموس واكثر شي خرب عندى لي المكيف الحار

[tevo]

ما اعتقد انه فريون لان اذا طلعت على الدائري مثلا ما عاد يفصل وتبريده ممتاز .
احتمال فيوز او بطاريه او سلك مرتخي بشيك عليها والله ييسر

[الحربي 591]

ما اعتقد انه فريون لان اذا طلعت على الدائري مثلا ما عاد يفصل وتبريده ممتاز .
احتمال فيوز او بطاريه او سلك مرتخي بشيك عليها والله ييسر

وش يضرك لو رحت تقيس بالساعه .؟:p

[الكشات وافى]

ما اعتقد انه فريون لان اذا طلعت على الدائري مثلا ما عاد يفصل وتبريده ممتاز .
احتمال فيوز او بطاريه او سلك مرتخي بشيك عليها والله ييسر




أحتمال كبير جدا تحصل المشكله من السير (( الغايش )) تبع المكيف

اذا لقيته متأكل أو مهتري تأكد أن المشكله منه

بالتوفيق

[برج الرياض 1]

السلام عليكم ورحمه الله

اخوي الغالي تاكد من علبة الفيوز الموجوده بالكبوت وافحص

وجرب انك ما تشغل المكيف اول ماتركب بعد ماتمشي شوي شغله وشف فيه فرق

[tevo]

السلام عليكم
شكرا للجميع ابشركم انحلت المشكله بعد ما رحت لمختص في التكييف وحبيت اشاركم الحال للفائده.
الحل حسب كلامه ان هذي منتشره بالجموس وقالي افصل البطارية واشبكها وفعلا فصلتها وبعد نص ساعه شبكتها والامور الان تمام والحين لي اسبوعين والامور تمام الحمد لله