استفسار عن الجير

[عاشق شاهين]

السلام عليكم
والله حبيت اسئلكم عن جير التفريخ يقولون انه زين
شرايكم
شكرا

[عيناوي]

الجير فعله طيب..وش عاد لا جاك تفريخ!!

[عاشق شاهين]

مشكور ياعيناوي بس يقولون جير التفريخ مايرتفع نفس جيرالطبيعة

[althepsrhan1]

كيف الحال يالطيب الصراحه ماشي مثل الوحش للكن في هذا الوقت تريدلك طير سريع لقلة الصيد وللخوف من ضياع الصيد والاهم للمحافظه على الطير الوحش ، المهم ان شاري طير جير تفريخ من فالكون سنتر من دبي من سنة 1999 وهو جرناس ست سنوات وفي بدايته ماكان الصراحه يرتفع وراء الحمامه او البطه او حتى الطياره المدعى ولكن طياره على التلواح شي عجيب وفي طرشه للربع الخالي كنت اقنص به ارنب وكان مجرم في صيده وكمل مده وهو يدمي صوايده من الارانب الى ان حصلنا يول كراوين وكان عندنا تبع وحش صاد 3 من السبعه وتعب وبعدين قلت بجرب الطير على الكراوين والصراحه صيده فيهن خلاني اتعلق في الجير اكثر صاد الاربعة كراوين كلهن في جبد السماء ويمكن حظي مع هذا الطير كان جذيه حتى الحبر كان صيده بهن اروع وانصحك اخوي تشتري من مزرعه طيورها مشهوره وياكثر هذي المزارع وشكرا

[محمد الفهيد]

كل طير يبي له تعب
وخاصه الجير لأن بعضها عاشت في شبك ما ارتفعت
فأنت لازم انك ترفعها مع الوقت لين تقوى