…:: | (( ما أفـضـل فـــراش بـــــر ؟ .. )) | ::…

[أبوالوليد]

السلام عليكم ورحمة الله وبركاته ..

حيا الله الطيور كلهم ..




بعد موجة الثلج اللي اجتاحتنا لا يد أن الشخص يحتزي بالبران ..
كنت قبل ما آخذ إلا بطانية وشيء يمشي الحال ..

وقررت أشري فراش .. لكن المشكلة ما أعرف الزين بهن ..!
ولا أدري عن أنواعهن ..

أفكر في شراء تنزاني .. لكن ما أدري هل له أنواع .. !؟
وهل فيه أفضل من التنزاني .. وعلى كم أقيامهن .. !؟


وأحبذ أن تكون اقيامهن معقولة .. مافيها مبالغة وفحش بالسعر ..





شكرا لكم ..



بردا سعيدا .. :D

[راس المال]

وعليكم السلام والرحمة
أجود شي التنزاني اللي مبطن من جوى بفرو تركي

وسعره مابين 150 _180 ريال هذا اللي بالغرابي
أتمنى أني أفدتك

[عجمي]

وعليكم السلام ورحمة الله وبركاتة

اخوي فية فراش الخليج ممتاز ولك وللزمن وسعرة 300 ريال

اخوك عجمي

[هاوي الله]

فراش السنيدي عند العليان على خط خريص وإذا ماعرقت في عز البرد ما أكون أنا فتى البران وسعره حول 300 بس عيبه إنه ثقيل شوي

[ابوعزيزm]

السلام عليكم ورحمة الله وبركاته

من ناحية الفراش
أولاً : نصيحة لا تأخذ فروا من داخل لأنه يجمع ترااااب ويصعب تنظيفة

ثانياً : في أنواع كثيرة لكن الأفضل من رأيي ومن خلال التجربة لابد أن يكون تنزاني أصلي ومن الداخل يكون مفرش عااادي (صيفي)

وفيه نوعيااات جميلة أشتريتها من السنيدي رااائعة تنزاني أصلي طبعاً عنده أنواع
فتى البران غريبة قيمته عند السنيدي مشتريها لواحد بتاريخ 19/12/1427هـ بـ 220 ريال فقط تنزاني أصلي ومن الداخل مفرش عااادي (صيفي)

[أبو ستري]

الدريويش في الرياض ...

[أبوالوليد]

شكر الله لكم يا أحباب ..
للمعلومية أنا أسكن في بريدة ..

سؤال آخر .. أيهم أفضل بالنسبة لجودة البضاعة ..
السنيدي أو المطرودي أو الدريويش .. !؟
على ما أظن أن الدريويش موجود ببريدة .. !؟

وهل أسعار السلع فيما بينهم بها تفاوت كبير .. ؟

وشكرا لكم ..

[الحر الاول]

السلام عليكم ...

أنا من رأيي أن فراش القاضي اسم على مسمى !!

( اسم تعشقه الصحراء )



وعلى ماأظن إن فيه منه 3 مقاسات
والمقاس الكبير سعره 320 ر.س

[أبوالوليد]

تسلم يا بعدي ..
لاهنت يالغالي ..

[راعي المستوي]

1- الدريويش _ بس تقيل شوس وكبير حجمه
2- القاضي_ خفيف و حجمة صغير
من تجربة ولك الاختيار

[الزيتوني]

السلام عليكم....


والله انا توني شاري الدريويش وجربته في البرد الي جانى بالعيد وبصراحه فوق الممتاز بس ترا شوي ثقيل

[mr guzai]

روح البطحاء عند حقين الرحلات وهم يخيطون لك واحد وتلقي جاهز فرو قيمته حوالي 70 ريال فقط ورهيب

[أبوالوليد]

وقع الإختيار على فراش تنزاني مفرش بلوستر ..
جيشي .. اشتريته بـ 250 ريال ..
وهناك مثله بـ 220 ريال .. والفرق المفرش الداخلي .. فراشي جيشي ..
والآخر عادي ..

جربته في الكشتة الماضية .. راائع جدا ..
ودافي أيضا ..

الله يطرح به البركة ..


بارك الله فيكم يا أحباب ..

[الخادم]

و الله كثرت الفرش و لكن فكر بالدفاء و شو الي تستفيد منة مدة طويلة

اعتقد الدريويش

[Mr.3BDULMAJED]

لا تاخذ الا تيقر الموجود بالغرابي سعره 200 مع المكاسر 190

[راعي ساموده]

والله ياخوي انا عندي الدريويش ممتاز بس الصراحه شفت فراش الصمان حق القاضي عند العليان سعره 241 شكله مسكت ولا دري عن دفاه بس الاشفته ماتقدر تقاوم انك تشتريه هههههههههههه

[بن نويشر]

عندي القاضي فراش بن كلب بـس غالي الله لا يعقله بـ 400 ريال (صيفي شتوي) ، وعليه سحاب من خفته وسهولته البزر الصغير يقدر يفتحه ويصكه زي براد أبوأربع ...