سحاب - وهذي سالفه حسينه وقطوها خالد وهذي سالفتي

[سحاب نجد راعي شقراء]

السلام عليكم ورحمه الله وبركاته
يالله انك تحييهم كلهم كبيرهم وصغيرهم ذكرهم ونثاهم وليا حيا كثر وليا كثر تنثر وليا تنثر تزبر :D يقولنه العجزات منول :p
تكفون لا تعيبون علي عدوها مراهقه متئخره :j
هذي سالفه حسينه ياجعل ربي يسعدها ويمتعها متاع الصالحين امين
هذيك ملاك من الطيبه والحبابه جعل ربي يوفقها
اذكر ونا صغير روحتني امي جعلها للفردوس وبيي وخيي وجدي ونا ونتم وكل مسلم امين
روحتني امي قالت لي رح ونا امك لحسينه وقلها كذا وكذا منيب معلمكم لو تطيرون وش امي قايله لي وش عليكم مني بعد:D
المهم رحت يم بيتهم وطيقيت الباب قالت من عند الباب قلت افتحي انا حجاب :p لا لا ماقلت انا حجاب قلت سحاب تدرون ليش قلت انا حجاب ذكرت اغنيه ايام الاسطوانات والبكم منول يغني حجاب بن نحيت يقول
طرقت باب الهواء جيت اتعرف عليه
قالولي من عند الباب قلت افتحو انا حجاب
هذي اغاني منول كلها خرطي
ولا يقول
يخي خل الشفر يمشي على هونه
ونقظي الوقت مع مدعوج الاعياني


هههههههههههههههه تذكرتهم منول يجعصون اهل الشفرات التكاسي
تدرون وشلون يجعصون يصير السواق والي راكب متكين على التكايه الي بينهم وصايرات روسهم جنب بعض هذا التجعيص منول ههههههههههههه

نرجع لحسينه جعل ربي يسعدها ولولا ان انحن نحبها كان مانجيب طاريها

ويوم طقيت عليها وقالت لي من قلت انا سحاااااب قالت تعال ادخل وذكر يوم فتحت الباب يصير قبالي المجبب كني هلحين اشوف السواري او العمدان بس نسميها منول سواري وعلى يساري درج يرقا للقهوه فوق ورقيت ولا هذي حسينه قالتي يالله انك تحيي سحاب قلت طيب ماعرفت ارد عليها
وقالت لي تعال اقعد فيذا وقعت وشوي ولاي اسمع قطو في المجبب تحت او عند باب السوق منداخل يقول ميو ميو ميو قالت حسينه ياخالد تعال تعال انا فيذا ومادريت الا بذاك القطوالي وش كبره يوم رقا علينا فوق ثمن قالت له حسينه تعال ياخالد ويجي عندها ونا متفنجله عيوني وشلون يدري ان اسمه خالد هههههههههههه

عاد انا يوم كبرت وصرت عود ابا اعلمكم بسر شريت قطوه:j ايه قطوه ومعها شهاده ميلاد سويسريه ومعها شهاده صحيه بعد
تصدقون انا ماعندي شهاده ميلاد والقطوه عندها هههههههه
لا وخل اعلمكم وش اسمها اسمها برثني والله العظيم اني صادق
ايه يوم كبرت انهبلت زود مدري وش بلاي الناس تعقل وتركد ونا مغير انهبل زود :hot:
الله يحللك ياحسينه وقطوك خالد تعالي شوفيني انا وقطوتي برثني مغير فيها البيت الا قلت برثني جك تركض تقول لاحقها احد
وبصراحه قطوتي قمه في الجمال هناك الشعر الطويل وهناك العيون الخضر بس يحق لها تدلع - خل اعلمك مره كنت رايح عند خالتي الي ماتت جعلها للفردوس وذكر ذا الكلام ليله خميس يومن الخميس له كارن ماعطل منول ولا هلحين صار كنه اربعاء وماصل بعد
المهم يوم جت الساعه يمكن وحده ونص بالليل وجيت للبيت ولا فيه عندباب الكهرب حق السياره يجي عشرين قطو والله العظيم اني صادق ولاهن مجتمعات اشكال وحجام والوان مثل الي جالسين يتفرجون على فلم في السينماء ولا قطوتي مقابلتهن
هذي الغيره وماتسوي شافو ذالي شعرها مغطي عيونها وشافو ذا الجمال وستنكرو بعذرهم يجتمعون يناظرونها كلهن قطاوه براميل زباله وش جاب لجاب فرق السما عن الارض اثر قطوتي طالعه وراي يوم اطلع ماشفتها وصكيت باب الكهرب وتوهقت عند ذا الماصلات

وبس هذي سالفه حسينه وسالفتي

وفي النهايه اقول
سبحان الله والحمد لله ولا اله الا الله والله اكبر عدد خلقه وزنه عرشه ومداد كلماته ورضا نفسه

[Al3rands]

اثرك متطور قطو وامها برثني بعد ولاجل شيباتك والحاظرين ابنزل اول موضوع لي والظاهركلكم يتامى ابتعلم بروسكم الحلاقه

[قوافي ( أم نهار )]

عليكم السلام ورحمة الله وبركاته
حياك الله ابو نوره
ماشاء الله قطاوتك كشخه 😊
.قطاوتنا كنت اسميها اسامي تجيب العمى ..
واخيرا عرفنا حسينه ..
ابداع متميز وفقك الله
تحياتي وتقديري واحترامي

[سحاب نجد راعي شقراء]

اثرك متطور قطو وامها برثني بعد ولاجل شيباتك والحاظرين ابنزل اول موضوع لي والظاهركلكم يتامى ابتعلم بروسكم الحلاقه

ههههههههههههههههههه كل انحن يتاما وتعلم وخذ راحتك يالغالي بس كنك ابطيتا :D

[سحاب نجد راعي شقراء]

عليكم السلام ورحمة الله وبركاته
حياك الله ابو نوره
ماشاء الله قطاوتك كشخه 😊
.قطاوتنا كنت اسميها اسامي تجيب العمى ..
واخيرا عرفنا حسينه ..
ابداع متميز وفقك الله
تحياتي وتقديري واحترامي


ياهلا والله ومرحبا بالغاليه قوافي

هذي سالفه حسينه الي صجيتكم فيها :D

[بوابراهيم ع]

وعليكم السلام ورحمة الله وبركاته
الله يحييك يا الغالي
سوالفك دوم مملوحه يا سحاب يا الله عسى عمرك
والله يعطيك العافيه

[عدم الانحياز]

وعليكم السلام ورحمة الله وبركاته
حياك ياسحاب نجد رعي شقراء - دايماً ما يكون الانس وسعت الصدر قريبة منك ومصاحبة لك الله
يزيدك من فضلة - لكن ياخوي احس هالسالفة حطمت الصورة النمطية اللي في الذهن ورسمتها من خلال
سوالف سابقة الفلاح البسيط المتلهف للحياة البسيطة والفلاحة والدواعيس والطاية والباحة و... و.... الخ

عموماً انت ذكرتني يوم تقول
(يوم جت الساعه يمكن وحده ونص بالليل وجيت للبيت ولا فيه عندباب الكهرب حق السياره يجي عشرين قطو والله العظيم اني صادق ولاهن مجتمعات اشكال وحجام والوان مثل الي جالسين يتفرجون على فلم في السينماء ولا قطوتي مقابلتهن هذي الغيره وماتسوي شافو ذالي شعرها مغطي عيونها وشافو ذا الجمال وستنكرو بعذرهم يجتمعون يناظرونها كلهن قطاوه براميل زباله وش جاب لجاب فرق السما عن الارض)

بسالفة حصلت وانا سببها ويهناك سلامة برثني واحمد ربك لأنك بتشوف صورة مغايرة من الوحشية واستغلال الفرص المواتية بكل بشاعة وانانية مفرطة - ما تقول كل سنة انجح علشان اروح للديرة ولا تو عيني في هالدراسة كلها الا الروحة في العطلة الكبيرة للديرة انجح علشانها واتأدب علشانها واكل علشانها واشرب علشانها المراد واختصاراً رحت هاك السنة ولا كل واحد من الشله له حمار اكرمكم الله وابد يصبح يروح ويمسكة وتبداء مرحلة من مراحل الحياة اليومية بل قل المعاناة اللحظية للراكب والمركوب طردي بهالخليان وروحة وجيه وهن والله وحش لكن ياخوي طاولهن الطويل عقبها ملن الوحاشة نعود على موضوعنا وصلت وابي اختار لي مركوب طيب ما فيه كلام واخوك شره ما هو كلش يعجبة المهم والله يعينا على المهم وانا اتخير هاك الجحشة المدحدحه المكتزه اللي لونها لا هوب اسود ولا اشقر ولا فيراني ياخوي فيها شعرات وشعرات بيدجانية دبساء اي والله وخذ هاك اليوم طردي بهذلتنا وبهذلت حمير الربع (الله يكرمكم اوذيتكم بالحمير وطاريهن) المراد ركبتها شوي وكل شوي ماحط امسى الليل واطلقناهن كالعادة وطول ليلي ما غير اهوجس متى يصبح الصبح ابي افشح على ظهر الماخوذة ودرهم بي سوات غيري من سنناي اصبحنا ومن صباح الله خير وحنا ما غير نطورح فيها يوم اضحى الضحى العالي في صكة الحر ولا حنا ما سكينها واكمل عليها هاك اليوم بين روحه وطوحه ومثل امس وكل مساء خير اطلقناهن وامسينا والهاجوس معها هي بتنطرح ولا لا اخاف افلس المشكلة به غيرها لكن اخوك ياويله على العسرة اللهم ياكافي وبعد البقية لك عليهن وكلٍ عايفهن اللي اعرج واللي برجله قوطية واللي منقطع ذنبة واللي اعور - هذا بليا الا اقبلت عليهن ولاها في وسط القطيع فارقه شوع وبوع ولون المهم والله يعيننا على المهم اصبحنا وامسينا واصبحنا وامسينا وحنا على هالمسحوب طردي لين تفتك صدورنا وحسيت بالضغط علي وعلى ربعي ذبحتنا وعيت تطيع يوم جا هاك اليوم مقبل مسيان قلت يالربع انا عندي راي انا باربط هالماخوذة في شجرة ولا جاء الصبح صبحتها مربوطة بحبلها ونرتاح من الطردي اعوذ بالله طار قلبي من صيحتهم فرحين بهالراي المبارك حتى حميرهم اللي يناهق واللي يرفع على الخلفيات من الوناسة قلت هذا الراي المبارك اللي اتفق عليه الراكب والمركوب والله واروح لهاك الشجرة واربطها ونتجه للنوم هاك النومه الهنية اللي ما ذقتها من بداية الزيارة صحيح فيه هواجيس عندها وحولها بعد ولكنها هواجيس وردية بالسهالة والوناسة وضمان الكدلك ملبق في البايكة بالعربي اطق باصبع وضامن اني ماني بقاعد بها على قولتهم واصبحنا وفي كل صباح خير (الا هاك الصباح الله لا يعاقبني) انطلقت اسابق الريح ولا همني فلان ولا فلنتان ما احتريتهم وما احتاج احد ضامن كل شي اعوذ بالله والله ياجالي صدمه وروعه اني ما اضن احد يستطيع ان يتوقعها ياخوي يا دافع البلا جايها بلا متوحش جاعل ظهرها دمة واحده ونتوش انتوش تروع والعلباء ما هي صريه بس ما هي مثل الظهر ولاها تافلة العافية وما كلة تراب ما هي مثل العادة والله ان بها وبها لكن متغيرة حيل حيل طايح سرو راسها وطرى علي كلاب قل ذياب لكن يوم ما تكلها الا في الظهر وش لعنتها اخيك ولد مدينة وما من خبرة المهم بعد التقصي عن مرتكب هالفعله الاجرامية اتضح انها بقية قطيع الحمير الاخرى فقد كانت ترغب دائما قي نسب الطيبة وتعيي ولا طاعة لهم ورضخت للنسب الطيب الا بعد ان ربطها الفقير الى الله اخيك في الشجرة ولم تستطيع فعل شيء واثرها طول ليلها تكابد ليل ارنب ولك ان ترى الانفة من ذاك الصغير فلا يمكن ان يركب على ظهرها مرة اخرى بعد هذا الفعل الشنيع اللي ما فيها خير حتى وان كانت مغصوبة هههههههههههه وسلامتك وسلامة الجميع

اعتذر - طولت واحتليت مساحة كبيرة في متصفحك ولكني ماعهدتك الا وسيع صدر مرحب بكل ميانة

ودمتم سالمين

[ام الدجيجات]

وسع الله صدرك بالعويفيه
باللاهى وشهو قطوو حسينه
خالد هو جنى أو وشهو
ياخى الأولين كلهم مخاوين مدرى كيف يجيهم المخاوى يمكنه يطير على عسيب ويلقف بهم
ياليتك سألت حسينه وش ها البس

[سحاب نجد راعي شقراء]

وعليكم السلام ورحمة الله وبركاته
حياك ياسحاب نجد رعي شقراء - دايماً ما يكون الانس وسعت الصدر قريبة منك ومصاحبة لك الله
يزيدك من فضلة - لكن ياخوي احس هالسالفة حطمت الصورة النمطية اللي في الذهن ورسمتها من خلال
سوالف سابقة الفلاح البسيط المتلهف للحياة البسيطة والفلاحة والدواعيس والطاية والباحة و... و.... الخ

عموماً انت ذكرتني يوم تقول
(يوم جت الساعه يمكن وحده ونص بالليل وجيت للبيت ولا فيه عندباب الكهرب حق السياره يجي عشرين قطو والله العظيم اني صادق ولاهن مجتمعات اشكال وحجام والوان مثل الي جالسين يتفرجون على فلم في السينماء ولا قطوتي مقابلتهن هذي الغيره وماتسوي شافو ذالي شعرها مغطي عيونها وشافو ذا الجمال وستنكرو بعذرهم يجتمعون يناظرونها كلهن قطاوه براميل زباله وش جاب لجاب فرق السما عن الارض)

بسالفة حصلت وانا سببها ويهناك سلامة برثني واحمد ربك لأنك بتشوف صورة مغايرة من الوحشية واستغلال الفرص المواتية بكل بشاعة وانانية مفرطة - ما تقول كل سنة انجح علشان اروح للديرة ولا تو عيني في هالدراسة كلها الا الروحة في العطلة الكبيرة للديرة انجح علشانها واتأدب علشانها واكل علشانها واشرب علشانها المراد واختصاراً رحت هاك السنة ولا كل واحد من الشله له حمار اكرمكم الله وابد يصبح يروح ويمسكة وتبداء مرحلة من مراحل الحياة اليومية بل قل المعاناة اللحظية للراكب والمركوب طردي بهالخليان وروحة وجيه وهن والله وحش لكن ياخوي طاولهن الطويل عقبها ملن الوحاشة نعود على موضوعنا وصلت وابي اختار لي مركوب طيب ما فيه كلام واخوك شره ما هو كلش يعجبة المهم والله يعينا على المهم وانا اتخير هاك الجحشة المدحدحه المكتزه اللي لونها لا هوب اسود ولا اشقر ولا فيراني ياخوي فيها شعرات وشعرات بيدجانية دبساء اي والله وخذ هاك اليوم طردي بهذلتنا وبهذلت حمير الربع (الله يكرمكم اوذيتكم بالحمير وطاريهن) المراد ركبتها شوي وكل شوي ماحط امسى الليل واطلقناهن كالعادة وطول ليلي ما غير اهوجس متى يصبح الصبح ابي افشح على ظهر الماخوذة ودرهم بي سوات غيري من سنناي اصبحنا ومن صباح الله خير وحنا ما غير نطورح فيها يوم اضحى الضحى العالي في صكة الحر ولا حنا ما سكينها واكمل عليها هاك اليوم بين روحه وطوحه ومثل امس وكل مساء خير اطلقناهن وامسينا والهاجوس معها هي بتنطرح ولا لا اخاف افلس المشكلة به غيرها لكن اخوك ياويله على العسرة اللهم ياكافي وبعد البقية لك عليهن وكلٍ عايفهن اللي اعرج واللي برجله قوطية واللي منقطع ذنبة واللي اعور - هذا بليا الا اقبلت عليهن ولاها في وسط القطيع فارقه شوع وبوع ولون المهم والله يعيننا على المهم اصبحنا وامسينا واصبحنا وامسينا وحنا على هالمسحوب طردي لين تفتك صدورنا وحسيت بالضغط علي وعلى ربعي ذبحتنا وعيت تطيع يوم جا هاك اليوم مقبل مسيان قلت يالربع انا عندي راي انا باربط هالماخوذة في شجرة ولا جاء الصبح صبحتها مربوطة بحبلها ونرتاح من الطردي اعوذ بالله طار قلبي من صيحتهم فرحين بهالراي المبارك حتى حميرهم اللي يناهق واللي يرفع على الخلفيات من الوناسة قلت هذا الراي المبارك اللي اتفق عليه الراكب والمركوب والله واروح لهاك الشجرة واربطها ونتجه للنوم هاك النومه الهنية اللي ما ذقتها من بداية الزيارة صحيح فيه هواجيس عندها وحولها بعد ولكنها هواجيس وردية بالسهالة والوناسة وضمان الكدلك ملبق في البايكة بالعربي اطق باصبع وضامن اني ماني بقاعد بها على قولتهم واصبحنا وفي كل صباح خير (الا هاك الصباح الله لا يعاقبني) انطلقت اسابق الريح ولا همني فلان ولا فلنتان ما احتريتهم وما احتاج احد ضامن كل شي اعوذ بالله والله ياجالي صدمه وروعه اني ما اضن احد يستطيع ان يتوقعها ياخوي يا دافع البلا جايها بلا متوحش جاعل ظهرها دمة واحده ونتوش انتوش تروع والعلباء ما هي صريه بس ما هي مثل الظهر ولاها تافلة العافية وما كلة تراب ما هي مثل العادة والله ان بها وبها لكن متغيرة حيل حيل طايح سرو راسها وطرى علي كلاب قل ذياب لكن يوم ما تكلها الا في الظهر وش لعنتها اخيك ولد مدينة وما من خبرة المهم بعد التقصي عن مرتكب هالفعله الاجرامية اتضح انها بقية قطيع الحمير الاخرى فقد كانت ترغب دائما قي نسب الطيبة وتعيي ولا طاعة لهم ورضخت للنسب الطيب الا بعد ان ربطها الفقير الى الله اخيك في الشجرة ولم تستطيع فعل شيء واثرها طول ليلها تكابد ليل ارنب ولك ان ترى الانفة من ذاك الصغير فلا يمكن ان يركب على ظهرها مرة اخرى بعد هذا الفعل الشنيع اللي ما فيها خير حتى وان كانت مغصوبة هههههههههههه وسلامتك وسلامة الجميع

اعتذر - طولت واحتليت مساحة كبيرة في متصفحك ولكني ماعهدتك الا وسيع صدر مرحب بكل ميانة

ودمتم سالمين



تراي توي شايف ردك وربي يشهد

ياهلا ومليون مرحبا ومسهلا

القطوه مهيب لي انا لا لواحد من عيالي وكلامي عن القطوه مووووبطي بس مهوب مره
والثانيه طال عمرك انا من صغري بحكم اني عايش في مزرعه تلقا الحيوانات الاليفه عايشه معنا في بيوتنا ومزارعنا اجل خل اعلمك كان عندي في نخلي حول الف دجاجه وحمام ويجي 200 من الغنم النجد هذا اعتبره طبيعي من خلقنا الله وهن معنا

نجي لسالفتك ههههههههههههههههه
تراك انت سبب هتك عرض الحماره وطولها بعد
اجل تربطها او تقيدها وهي فاخره الجمال وتبي الحمير يخلنها وهذي نتايج افعالك راحت فيها جميل جمال وصارت دمار

سالفتك ممتعه وفيها حسايف وندم ههههههههههههههههههههههههههههه يوم ماينفع الندم

[حمد69]

وعليكم السلام ورحمة الله تعالى وبركاته
هلا بعميمي سحاب ... يا زينك وزين سوالفك
كم انت رائع ... ترى سوالفك ارجع اقراها اكثر
من مرة...
خصوصا و أنت متخصص في عجايزلوجيا
وتجيب لنا من زمان الطيبين..
الله يحفظك ويطول بعمرك في طاعته ويحسن خاتمتك..
قول آمين...
آمين يارب

[سحاب نجد راعي شقراء]

وعليكم السلام ورحمة الله تعالى وبركاته
هلا بعميمي سحاب ... يا زينك وزين سوالفك
كم انت رائع ... ترى سوالفك ارجع اقراها اكثر
من مرة...
خصوصا و أنت متخصص في عجايزلوجيا
وتجيب لنا من زمان الطيبين..
الله يحفظك ويطول بعمرك في طاعته ويحسن خاتمتك..
قول آمين...
آمين يارب


ياهلا والله ومرحبا ومسهلا ياحمد الغالي

ياجعل ربي يحبك وملائكته امين ويسعد قلبك

شرفتني جعل ربي يحفظك

[ام الدجيجات]

ترينى زعلت ياسحاب
وراك ترد على الكل والجميع وأنا لا
إلحق ترينى زعول مااااااااااااااره
ماينعرفلى طب
الهمام بس رد على سؤالى تريه مره مهم
أدور المخاويه على كل عوشز

[سحاب نجد راعي شقراء]

ترينى زعلت ياسحاب
وراك ترد على الكل والجميع وأنا لا
إلحق ترينى زعول مااااااااااااااره
ماينعرفلى طب
الهمام بس رد على سؤالى تريه مره مهم
أدور المخاويه على كل عوشز


ياهلا ومرحبا يم الدجيجات
والله العظيم ان كاني مارديت عليك فنا ماانتبهت

كلش ولا ام الدجيجات تزعل

وحقك علي والسموحه يالغاليه

[ام الدجيجات]

ياهلا ومرحبا يم الدجيجات


والله العظيم ان كاني مارديت عليك فنا ماانتبهت


كلش ولا ام الدجيجات تزعل


وحقك علي والسموحه يالغاليه



يافديتك تبشر بدجيجتن سمين أسويها لك مريقتن صفراء:D:D