ونا لغيزي ناحرٍ فيه راضي ...الحل:شجرة الرمرام..حله:سعيداخومبارك/radhiy1399

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز مسند لحبيبنا القادم ( راضي ) radhiy1399


بعض الحجا تعطي خطوطٍ عراضي=نمونةٍ فيها الجزاله صدوقه
وراضي يسوق اللي بها مايخاضي=الا الذي بالغطو تنبظ عروقه
ونا لغيزي ناحرٍ فيه راضي= ياعل رجله للغطاوي يسوقه
عن حيةٍ لا ماغشاها انقراضي=اسمٍ لها بعض الخلايق نطوقه
اسمٍ لها تصريف امرٍ وماضي=حيه لها وقفات ماحدٍ يفوقه
مزبن هزيمٍ مايبيها تقاضي=لكن بغاها فزعةٍ له فروقه


مع تحيات ابو ماجد

منتديات مكشات . خيمة الالغاز

[ابو ماجد 2]

الاخوة الافاضل
اخونا راضي كانت له رمعه ولكن ادرجها مع لغزه وحبيت ارد عليها هنا



بالنسبه لغزك اللي اسندته لي ان والله دوب شفته هلحين ولا درسته زين لكن ربما الحزم ابو العزم.....
وان شاءالله ارجع البيت واتفصّل فيه
ياهلا يالغالي
شرفتنا
والرمعه ماصادت الحل
وانتظر مرماعك القادم
تقبل تحيتي وتقديري

[radhiy1399]

عليكم السلام ورحمةالله وبركاته
الله يعطيك العافيه ومشكور على القصيده الجزله والتي لايمكن ان تطلع الا من شاعر جزل والحقيقه انا ماني شاعر بقدر شعراء هذا المنتدى انا فقط احاول محاولات شعريه وخواطر بسيطه

بالنسبه لغزك اللي اسندته لي انا والله دوب شفته هلحين ولا درسته زين لكن ربما الحزم ابو العزم.....
وان شاءالله ارجع للبيت واتفصّل فيه والله يهئ لنا الرمعه الموفقه واكرر شكري لك شخصيآ ولجميع شعراءنا الاعزاء واعضاء المنتدى الكرام واتمنى اكون عن حسن ظن الجميع وشكرآ

[ابو ماجد 2]

اخوي راضي
نحن هنا قطعنا شوطا بلغز الحروف
وهنا قصدت بقولي تصريف امر وماضي
يعني بقسمتك المسمى يظهر لك التصريفين
مثال
سلسال
سل امر برفع السيف مثلا
سال فعل تاتي بمعنى سال السيف اي رافعه

[سعيداخو مبارك]

ميزتك يابوماجد بحاضر وماضي
شاعرن بدع الغطاوي ماتعوقه
جانا سهيل والشجر بدابه ابراضي
وراعي الصيد ذا وقت يشوقه
ورمعتي من عقب مرماع راضي
لكن راضي يبي يسيح عروقه

[ابو ماجد 2]

عليكم السلام ورحمةالله وبركاته
الله يعطيك العافيه ومشكور على القصيده الجزله والتي لايمكن ان تطلع الا من شاعر جزل والحقيقه انا ماني شاعر بقدر شعراء هذا المنتدى انا فقط احاول محاولات شعريه وخواطر بسيطه

بالنسبه لغزك اللي اسندته لي انا والله دوب شفته هلحين ولا درسته زين لكن ربما الحزم ابو العزم.....
وان شاءالله ارجع للبيت واتفصّل فيه والله يهئ لنا الرمعه الموفقه واكرر شكري لك شخصيآ ولجميع شعراءنا الاعزاء واعضاء المنتدى الكرام واتمنى اكون عن حسن ظن الجميع وشكرآ

ياهلا بك اخوي راضي
الجزاله انتم اهل لها
وانت ماشاء الله قدمت لنا لغزين لايمكن ان يظهرا الا من متمرس بالشعر والالغاز الله يزيدك من فضله
وما زلنا ننتظر منك كالالغاز السابقه سبك وحبك
شرفتنا
والرمعه تم الرد عليها
وانتظر مرماعك القادم

[ابو ماجد 2]

ميزتك يابوماجد بحاضر وماضي
شاعرن بدع الغطاوي ماتعوقه
جانا سهيل والشجر بدابه ابراضي
وراعي الصيد ذا وقت يشوقه
ورمعتي من عقب مرماع راضي
لكن راضي يبي يسيح عروقه

لغزنا من مرمعك شيف امتجاضي = مابقي له بالثرى الا عروقه
وين خشيرٍ دشته فيها انقضاضي=عل راضي حين رازه مايعوقه

[ذيب الفقارة]

مساجلات روعة ورمعات مغطاة

يمكن

كنكان

تحياتي

[ابو ماجد 2]

مساجلات روعة ورمعات مغطاة

يمكن

كنكان

تحياتي


هههههههههههههههه
انا وسعيد اخو مبارك احيانا تواجه واحد ملامح وجهه متأكد انك تعرفها واسمه قريب على لسانك مع ذلك ضيعته
وسعيد اخو مبارك نهجه وطريقته احس اني اعرفه لكن عجزت استرجع الذاكره
على العموم هو فارس التلميحات
هي على وزنية كنكان لكن انتظر الذباحه
ولا تنس اوصافها

[ابوماريا]

صح السانك يابو ماجد
غالي ومسند على غالي
سامحني اكتب وانا متلطم بالسيارة بطريق جدة
هههههه
قر قد

[radhiy1399]

ابوماجد امريكان فيها امر وماضي وعلى وزن كنكان بس مذكر ولاهو اسم دارج

[radhiy1399]

ههههههههه اتعبتنا يابوماجد بس اليوم ان شاء الله ينحل

[ابو ماجد 2]

صح السانك يابو ماجد
غالي ومسند على غالي
سامحني اكتب وانا متلطم بالسيارة بطريق جدة
هههههه
قر قد

صح بدنك يالغالي
هلا بالمثالي
متلطم وبالسياه وتكتب
الله يهداك خابرك راعي سرعه
ههههههههههههههههههه
ماانسى يوم ننتظرك على العشاء وزهمت عليك قلت باقي ثلاثمائه وخمسين كيلو على عنيزه
ومنها قدرنا انك بحدود الساعه 11 عندنا على اساس ممشاك 130
بعد ساعه الا ربع زهمت عليك قلت باقي 300 كيلو
اثر معدل سرعتك حوالي 80 كيلو بالساعه
ههههههههههههههههههههه
تروح وتعود بالسلامه
والرمعه ماصابت يالغالي

[ابو ماجد 2]

ابوماجد امريكان فيها امر وماضي وعلى وزن كنكان بس مذكر ولاهو اسم دارج

هلا بك اخوي راضي
والمعذره انا اخطأت معك ماكان المفروض اجيب لغز الحروف الا من بعد ان تتعايش مع اجوائها
مالك لوى
والامر والماضي على نفس الفعل
سلسال كنكان دشداش حصحاص رقراق زلزال نسناس
انتظرك بمرماع قادم ولا تنس الوصف الملمح له باللغز

[ابو ماجد 2]

ههههههههه اتعبتنا يابوماجد بس اليوم ان شاء الله ينحل

انتظرك يالغالي
ولا تنس آخر بيت

[ذيب الفقارة]

طيب ما تنفع

غرقد

تحياتي

[ابو ماجد 2]

طيب ما تنفع

غرقد

تحياتي


طاب فالك
تصريف الفعل نفسه وليس من فعلين مختلفين
يعني يكون على هالنحو
زلزال

[radhiy1399]

انا قاعد افكر برمعةخشخاش
كفانا واياكم شرها لانها حيه وسم ... بس خشخاش مذكر مهي مونث (حيه)

[radhiy1399]

تحملنا يابوماجد توي عليمي بالغاز الحروف ههه

[radhiy1399]

صراحه لغزك هذا درس كبير استفدت منه وتجربه لم يسبق اني مريت بها فعلا تجربه اضافت لي الكثير

[ابو ماجد 2]

انا قاعد افكر برمعةخشخاش
كفانا واياكم شرها لانها حيه وسم ... بس خشخاش مذكر مهي مونث (حيه)

هلا بالغالي
ماقصرت خلك على هالوزنيه
وخشخاش على اساس انها نبتة الخشخاش انثت
فانت تقول حقل مذكر لكن على اساس مدينة حقل تتعامل معها بالتأنيث
تدري لم يبقى لك الا مطابقة البيت الاخير وهو مبني على معلومه تتداولها العوام الله اعلم بصحتها
لذلك
اقول لك
انت ومبارك اخو سعيد
كفووووووووو كفووووو
وبشكل ادق
هي
شجرة الرمرام
واليك سبب ماالمحت اليه بقولي منصى هزيم

للرمرام قصة مشهورة تناقلها الألسن
وهو أن عراك نشب بين ورل وحية فتقوم الحية بلدغ الورل فيذهب الورل مباشرة الى نبات الرمرام ويحك بجسمه داخل اغصان الرمرام الذي يوجد فيه زوائد شوكية ثم يذهب مرة أخرى الى الحية ويعيد العراك فتلدغه فيعود الى نبات الرمرام وهكذا حتى قضى على الحية ولم يحصل له أي أذى.

[ذيب الفقارة]

كفوووووووووووووووو كفوووووووووووووو كفووووووووووووووو

أخي الغالي

راضي العنزي

كفووووووووووووو كفووووووووووووو كفوووووووووووووووو

أخي الغالي

سعيد أخو مبارك

الحل هو كما ذكرتما

رمرام

وصح لسانك زعيمنا وفارسنا

أبو ماجد

تحياتي

[ذيب الفقارة]

هههههههههههههههههههههههههههههه

هههههههههههههههههههههههه

ههههههههههههههههههه

أبو ماجد

سعيد أخو مبارك والا مبارك أخو سعيد .......... حيرتنا

.................................................. ...

منذ زمن بعيد كان تحضير الطلاب مسند لفراش المدرسة

كانت الاسماء مسجلة في سجل كبير

الفراش لم يكن يعرف القراءة لكنه يعرف أسماء أبائنا

مثلا طالب اسمه محمد عمر علي

يقرأه : عمر علي وياويله إذا ماقال حاضر

تحياتي

[ابو ماجد 2]

كفوووووووووووووووو كفوووووووووووووو كفووووووووووووووو

أخي الغالي

راضي العنزي

كفووووووووووووو كفووووووووووووو كفوووووووووووووووو

أخي الغالي

سعيد أخو مبارك

الحل هو كما ذكرتما

رمرام

وصح لسانك زعيمنا وفارسنا

أبو ماجد

تحياتي


صح بدنك يامختارنا
ويستاهلون الكفو
من لمح ومن صرح
سعيد اخو مبارك وراضي

[ابو ماجد 2]

هههههههههههههههههههههههههههههه

هههههههههههههههههههههههه

ههههههههههههههههههه

أبو ماجد

سعيد أخو مبارك والا مبارك أخو سعيد .......... حيرتنا

.................................................. ...

منذ زمن بعيد كان تحضير الطلاب مسند لفراش المدرسة

كانت الاسماء مسجلة في سجل كبير

الفراش لم يكن يعرف القراءة لكنه يعرف أسماء أبائنا

مثلا طالب اسمه محمد عمر علي

يقرأه : عمر علي وياويله إذا ماقال حاضر

تحياتي


هههههههههههههههههههههههههههههههههههههههه
آه يالعود
وانا اقول ترميعه ماهو على اول اثرك يالمفتري تدور على الزلات ماتدوِّر المراميع
ههههههههههههههههههه
ان قاله الله تجي لك زلة ماتنترقع
حوبةً للعود الضعيف اللي انت متقعدٍ له
المشكله حصلت بسبب اني ابارك لهم بالحل فخطمت عندي مبارك قبل سعيد
وبعدين ماخطيت كلهم اخوان لبعض
تذكرت شايب يستشهد بالآيه

(إن ربكم الله الذي خلق السموات والأرض في ستة أيام ثم استوى على العرش)
فقال في سبعة ايام
عاد رد عليه اللي حوله مصححا في ستة ايام وليست سبعه
فقام مستهيشا وقال الله اكبر مافرقت عشان يوم تغلطني
طبعا قالها ببراءة الشيبان

[radhiy1399]

لغزك يابو ماجد شديدٍ وقاضي
صوغة خبيرٍ كاملٍ في طروقه

والشجره اللي علمها عند راضي
يجهل خصايصها وهذا يعوقه

لكنّ لغزك وافيٍ وافتراضي
انشهد انه وافياتٍ عموقه

كفو كفو
ابوماجد وسعيد
صح لسانك لغز دسم لا كن الجهل مني ااسمع بالرمرام واسمع بقصة الورل بس ماافكر انها خاصه بالرمرام

وكفوا سعيد اخو مبارك

[radhiy1399]

الحقيقه كلكم استفدت منكم والله يديم المحبه والصداقه وفعلآ مخالطة الرجال اللي شرواكم تزيد الرجل رفعه وقدر مشكوررين

[ذيب الفقارة]

هههههههههههههههههه

والله والله يا ابو ماجد انه يعاقب إذا ما قال حاضر

تحياتي

[ابو ماجد 2]

لغزك يابو ماجد شديدٍ وقاضي
صوغة خبيرٍ كاملٍ في طروقه

والشجره اللي علمها عند راضي
يجهل خصايصها وهذا يعوقه

لكنّ لغزك وافيٍ وافتراضي
انشهد انه وافياتٍ عموقه

كفو كفو
ابوماجد وسعيد
صح لسانك لغز دسم لا كن الجهل مني ااسمع بالرمرام واسمع بقصة الورل بس ماافكر انها خاصه بالرمرام

وكفوا سعيد اخو مبارك

الله يرفع قدرك اخوي راضي
وصح لسانك على الابيات وعلى الرمعه
والله اني حسيت ان معلومتك عنها لاتتوفر
وعلى العموم هي عند العوام وقد لاتكون صحيحه
يمكن مثل قولتهم القراد يولد من الرمث
والحقيقه انه قد يودع بيوضه الرمث
وقولهم حيوان الشيب ابوه ذيب وامه ضبعه
وعلميا ثبت انه لايمكن التهجين بين الاثنين
واول يقولون الجراد يظهر من فم الحوت بالبحر
لكن جهلهم بمواطنه جعلتهم يفسرون هالتفسيرات الخاطئه بغالبها
كذلك الطيورالمهاجره يحسبون انها تنزل من السماء
ولكن ماكل مايقوله العوام غير صحيح
كبرنا وكنا نضحك من قولهم ان العرجون يطلع من الرعد
وبالفعل العلم اثبت العلاقه الوطيده بين العرجون والرعد
الله يستر كثرت القرق وابو عدنان متقفين

[ابو ماجد 2]

الحقيقه كلكم استفدت منكم والله يديم المحبه والصداقه وفعلآ مخالطة الرجال اللي شرواكم تزيد الرجل رفعه وقدر مشكوررين

الله يحييك
والتواصل مع شرواك مطمع للخيمه
لكن نبي تشنيف آذاننا ببدعك
لاتواخذنا انت جزيل وحنا طماميع بالزين

[ذيب الفقارة]

صباح الخير أخي الغالي

راضي العنزي

الفايدة ان شاء الله حاصلة للجميع

ومن فضل الله ان هذه الخيمة دائما روادها

شرواك رجال يتمتعون برجاحة العقل وسمو التفكير

ونظامها لايسمح لغيرهم بالدخول

هنا مجلس نتبادل في الخبرات والمعلومات ولا يخلو من التفسح ببعض القفشات

تحياتي

[ابو ماجد 2]

هههههههههههههههههه

والله والله يا ابو ماجد انه يعاقب إذا ما قال حاضر

تحياتي


ههههههههههههههههههه
لكنها ايام حلوه رغم القسوه