يابو اسامه راسي والذقن شابي=لكن لي في بدعَتْ اللغز عاده..الحل:الدش...حله:ناصرالعلي

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز مسند على ابو اسامه بعد اعتراضه على كوني شايب


يابو اسامه راسي والذقن شابي=لكن لي في بدعَتْ اللغز عاده
الياخطمت فكره اجهِّز ركابي=مافكها ياكود ترسي عماده
البارح البارح ولا احدٍ درا بي=جان الذي حكمه بمثلي سياده
هاجس غطو في تالي الليل دابي=جاب التي للعين تجفى رقاده
فكرةْ لغيزٍ ساع عرضه مصابي=رميه واخرى فيها فيها اباده
لا ياجديد الساح ماسوق خابي=وصفٍ ومبغى العود تلقى مراده
لغزٍ ولا هو خافيٍ للشبابي=اسم وسمي لا ماغشتهم لداده
ذا في ركوعٍ مايطوله ثوابي =لو هو غدى للغير عون العباده
ذا وجهةٍ له للسماء مايرابي=مع ذا ترى مجناه نوب القراده


مع تحيات ابو ماجد

منتديات مكشات . خيمة الالغاز

[ابو اسامه 2]

وعليكم السلام ورحمة الله وبركاته

صح لسانك يا ابو ماجد

صح لسانك يا زعيم الثقلين

لله درك وبيض الله وجهك

انت سيد الشباب بشهادة ناصر العلي يوم شافك

وسيد الالغاز بلا منازع ولا احتاج شهادة فانت نار على علم

وانت المعلم علمتنا الاخلاق و التعامل والالغاز والترميع

شجعتنا ووقفت بجانبنا كثييييير

احتويتنا بحبك وكرمك وكريم صفاتك التي تعلمنا منها ومازلنا ننهل وننهل من بحرك العذب


عطني بس الشيب - ان كان هناك شيب - وخذ شبابي مقابل اكون بقدراتك ودهائك ماشاء الله عليك

اطال الله بعمرك وحفظك لنا ولمن تحب

جاري التفكير في اللغز القمة

[ناصر العلي]

وعليكم السلام ورحمة الله وبركاته
صح لسانك ياابوماجد
وغالي ومسند على غالي
مايصير
الدش

[ابو ماجد 2]

يالربع لي رده وبالتفصيل متى ماتواجدت عند الجهاز
اللغز انهاه ابو علي
وانا قلت جديد الساح ابيه يغمض عنه لكن ابو علي ماعنده يمه ارحميني
ههههههههههههه
والظاهر ابو اسامه عارفه ولكن فضل ان يكون للمستجدين

[ناصر العلي]

ياابوماجد
والله اني احترت
صرت كل لغز لك اسأل نفسي اشارك والا مااشارك
عموماً ان اجزم ان ابواسامة ماكان يعرف الحل
تحياتي

[ابو ماجد 2]

وعليكم السلام ورحمة الله وبركاته

صح لسانك يا ابو ماجد

صح لسانك يا زعيم الثقلين

لله درك وبيض الله وجهك

انت سيد الشباب بشهادة ناصر العلي يوم شافك

وسيد الالغاز بلا منازع ولا احتاج شهادة فانت نار على علم

وانت المعلم علمتنا الاخلاق و التعامل والالغاز والترميع

شجعتنا ووقفت بجانبنا كثييييير

احتويتنا بحبك وكرمك وكريم صفاتك التي تعلمنا منها ومازلنا ننهل وننهل من بحرك العذب


عطني بس الشيب - ان كان هناك شيب - وخذ شبابي مقابل اكون بقدراتك ودهائك ماشاء الله عليك

اطال الله بعمرك وحفظك لنا ولمن تحب

جاري التفكير في اللغز القمة


هلا بالمذهل
بياض الوجه كاسيك يالغالي
رفع الله قدرك
ابو علي شاف الصبغ ماشاف ابو ماجد
ههههههههههههههههههه
العفو لا والله الا انت ماشاء الله بمثابرتك ومتابعتك وذكائك وتقصيك للمعنى وصلت الى ماوصلت اليه
وبالمناسبه اكبر واحد شفت عنده الفرق بين البدايات والآن هو انت
واسرع واحد يتبرمج بشكل ملحوظ بعالم الالغاز هو انت
وما تحقق ذلك الا كما اسلفت بذكائك الملفت وفطنتك
الشيب مقبل عليه لا تستعجل يالغالي
والفطنه والدهاء عندك ماشاء الله مايكفيك الله يخلي لك شبابك
شرفتنا يالغالي

[ابو ماجد 2]

وعليكم السلام ورحمة الله وبركاته
صح لسانك ياابوماجد
وغالي ومسند على غالي
مايصير
الدش


هلا بدكتورنا
صح بدنك يالغالي
كفووووووووووووووو كفووووووو كفووووووووووو
كفوووووووو
نعم
الدش
دش الاستحمام . دش الاستقبال
لله درك وصح لسانك ملايين

[ابو ماجد 2]

ياابوماجد
والله اني احترت
صرت كل لغز لك اسأل نفسي اشارك والا مااشارك
عموماً ان اجزم ان ابواسامة ماكان يعرف الحل
تحياتي


هلا بدكتورنا
تدري اين المشكله
احيانا اواجه زملاء لهم بدايات بالالغاز
ثم اذكر لهم مكشات
فيكون ردهم
حنا نتابع مكشات لكن انتم ماتنقربون الغازكم صعبه وان اتى سهل مايمدينا ولا نفكر فيه الا وهو مسدوح
لذلك احاول وبالذات الالغاز التي فيها تلميح لمستجدين الساحه ان تكون لهم وهذا ليس معناها حرمان البقيه من المشاركه
ولكن في امكانه التلميح مثل ماسوى سعيد اخو مبارك بلغز مراكش وايضا كان يعمد اليه ابو ذيبان الله يذكره بالخير
على العموم هو اجتهاد يمكن لم اوفق فيه
واما قولي ابو اسامه فأنا قلت يمكن عارفه ولم اجزم
بنيت على سهولة اللغز ودرايتي بأمكانياته اذا حط اللغز بباله

[ذيب الفقارة]

كفوووووووووووووووووو كفوووووووووووووووو كفووووووووووووووووو

دكتورنا الغالي

د / ناصر العلي

الحل هو كما ذكرت :

دش

وصح لسانك ملايين زعيمنا وفارسنا

أبو ماجد
تحياتي

[ابو اسامه 2]

يا هلا بالزعيم وصح لسانك

وكفو كفو كفو يا الدكتور

بالنسبه لي قريت اللغز ولا عرفت الاجابة :D

وتوجهت لصلاة الجمعة مباشرة

لكن الرمعه كانت غائبة الا كان انهيته ولا ادري انه للمستجدين :D

[ابو ماجد 2]

يا هلا بالزعيم وصح لسانك

وكفو كفو كفو يا الدكتور

بالنسبه لي قريت اللغز ولا عرفت الاجابة :D

وتوجهت لصلاة الجمعة مباشرة

لكن الرمعه كانت غائبة الا كان انهيته ولا ادري انه للمستجدين :D


هلا بك اكثر
ويستاهل الكفو دكتورنا
ياحبي لك اجل العود ضاربٍ اوعره
ضارب اوعره يابو اسامه اي شاطح