ضعف النور في اليوكن هل السبب الدينمو

[عبدالرحمن الحربي]

السلام عليكم ورحمة الله

عندي يوكن 2012
صار عندي النور ضعيف جداً

يعني شغال لكن ما كأنه شغال ابداً

اذا شغلت العالي يشتغل بكل بشكل سليم

امبير الكهرباء اول ما اشغل السيارة يطلع في 14 ويتعدها شوي

ثم اذا مشيت رجع للوسط ( 14 ) ثم يميل ويصير تحت 14 لكن ما يصل 10

رحت كهربائي قال لازم نجرب نغير الدينمو

قلت طيب افحص قال مايبان معنا لأنه إليكتروني !!!!!!!

قلت كلامك ماهو منطقي اغير دينمو بي 1000 ريال بدون فحص


ماهو رأيكم ماهي المشكلة وماهو الحل

[يالبى الهلا]

ركب على نور الوكاله كتاوت

ب 45 ريال

بيفرق النور معك واجد

مع اسلاكة يجي كامل مع الكتاوت عند الكهربائي
الدينموا الكهرباء اذاضعيف مايشحن البطارية والنور يؤشر ويضعف وتسمع لة ونةاوحنة صوت

[الذاهب]

وعليكم السلام ورحمة الله وبركاته
ليه تغير دينمو
انت تحتاج تغيير فحمات الدينمو فقط

[1824]

يا اخوي لا تسوي أي شيء فقط غير انوار جديدة للواطي بس عمرها بدا ينتهي وطبيعي خصوصا اذا تستعمل السيارة بالليل كثير ينتهي عمر النور وتراه الدنمو حق السيارة الكتروني بالكامل ويتحكم به كمبيوتر السيارة لو في مشكلة بالدنمو كمبيوتر السيارة يكتبك يوجد في مشكلة في نظام الشحن ولاكن دام ما في الطبلون معناتها المشكلة في مكان الكمبيوتر لا يتحكم فيه وهو شمعات الانوار غيرها بشمعات وكالة نفسها بالظبط وشوف كيف النور بيكون بالتوفيق لك ولا تنسى تنظف الاسطب نفسه تلمعه ترى يفرق بعد ورد خبر بعدها بالتوفيق لك

[الكشات وافى]

شيك بس على السير لايكون مرتخي

وعلى روس البطاريه احتمال تكون ممولحه وماتوصل كهرب بالشكل الصحيح

[ابو صالح 871]

شيك ع البطاريه