استفسار لاهل الجي اكس ... عطوني آرائكم

[راعي الميركور]

السلام عليكم ورحمة الله وبركاته

عندي إستفسار موجه للأحبه رواد وعشاق تويوتا بخصوص جيب جي أكس 91 الله يطرح به البركه طبعاً تعرفون 12 بلف

تعرفون عزمها مو زي عزم 24 بلف

ابي من أهل الخبره نصائح في كل شي يخص زيادة العزم طبعاً بعيداً عن الترهيمات القويه كمكينه وزي كذا

يعني تعديلات بسيطه أجريها على الموتر بحيث ماتأثر على الماكينه لانه موديل 91 ولاشريته الا عشان نظافة ماكينته ولله الحمد

وأستفسر عن الفرار لان مركب فيه فرار جهة اليسار فقط واذا فكيته اسمع صوت زي الجلجله هذا طبيعي او لا

ثانياً الموتر ماشي فوق 600 وش أفضل زيت تنصحوني فيه ويعطي عمر للموتر

وشكراً لكم مقدماً

[راعي الميركور]

٨٩ مشاهده

يالربع رأي منا ولا منا

[FJ USA]

عليكم السلام اما التعديلات لاعلم لي فيها واما الصوت الجلجله احتمال يكون من الكارونه الاماميه وبالنسبه للزيت عندك جي تي وتويوتا وكلها متقاربه غير وامش الله يرزقنا وياك

[ابوراكان تبوك]

صوت الجلجله هذا صوت عمود الدبل لانك ما انت متعود عليه بموترك وفرار واحد يسار يفي بالغرض

بالنسبة للزيت سوبر سبشل الذهبي جربه بنفسك وتاكد من كلامي زيت نظيييف جدا وممتاز للجيوب

وبخصوص العزم بدون ترهيمات لايوجد حلول الا بالترهيمات

لكن الامور العادية مهم جدا نظافة الصفاية + وفلتر الهواء + وبواجي واسلاكها تكون نظيفة + كلتش غير مضبوط غير ضعيف

هذا مالدي

[راعي الميركور]

شكراً لكل من مر من هنا

لا خلا ولا عدم أحبتي

ولا استغني عن طرح أي رأي ولو كان بسيط من أي عضو يمر من هنا

[ابوراكان تبوك]

صوت الجلجله هذا صوت عمود الدبل لانك ما انت متعود عليه بموترك وفرار واحد يسار يفي بالغرض

بالنسبة للزيت سوبر سبشل الذهبي جربه بنفسك وتاكد من كلامي زيت نظيييف جدا وممتاز للجيوب

وبخصوص العزم بدون ترهيمات لايوجد حلول الا بالترهيمات

لكن الامور العادية مهم جدا نظافة الصفاية + وفلتر الهواء + وبواجي واسلاكها تكون نظيفة + كلتش غير مضبوط غير ضعيف

هذا مالدي

كلتش مضبوط غير ضعيف*

[salih100]

اوزن الديلكو بمسدس الوزن وغير كلبريتر جديد وغير صفايه وبواجي وبتشوف كيف العزم ما يطيح ولا يضعف

[ateeq7]

مره شفت موضوع بخصوص اسلاك التاريض السوداء المشبوكه على البودي حق السيارة لو دبلتها يزيد عزم السيارة و يصفى التشغيل تحصلها سلك البطاريه السالب و عند الجير و جسم المحرك وخصوصا الموديلات القديمه ممكن الاسلاك فيها كربون او اكسده و الميزه في الكربريتر لا يحتاج اعادة برمجه الا اذا شفت الار بي ام مرتفع اوزن الديلكو والكربريتر بس

[راعي الميركور]

الله يعطيكم العافيه على المرور والمشاركه