تشخيص مشكلة

[سهيل 10443]

:)الاخوان :good2:اصيل و:good2:بدوي السلام عليكم واسعد الله اوقاتكم
عندي باترول شاص 2013 ولما وصلت من مشواري مرورا بعقبة ساقين وطفيت سمعت صوت ونة من غطيان توانكي البنزين وفتحت غطيان التوانكي وكان البنزين يثور ثوران تقول بركان في التوانكي ومن بعدها املي التانكي وما ياخذ وقت الا ورايح منه الربع وفيه ريحة بنزين اذا وقفت بجنب السيارة.
تحياتي للجميع

[يالبى الهلا]

١-فية بلف أسفل التانكي حق خروج التنسيم تاكد لايكون مسدود من تراب اوغبار
٢-عندك بنفس الغطاء التانكي بوسطه تحصل سبرنق بلف
اذا كان معلق يحجر الهواء داخل التانكي غير الغطاء باصلي

[الحربي 591]

الظاهر انه عيب في الجيوب

اكثر من جيب شاص و لاند فيهم هالمشكله

[السيل يدربي]

تاكد من عدم وجود تهريب فى الموسير او الليات من والى التانكى وصولا للمكينة ويكون التشييك عندما تكون السيارة باردة وتقوم بفتح السوتش بدون تشغيل السيارة وتشيك على التهريب حيث ان جميع الوصلات تعرضة لضغط عالى بسبب الضغط الموجود فى التانكى بالاضافة الا ضغط طرنبة البنزين .بلاضافة الى ماذكرة الاخوان

[ابوسند9]

وعليكم السلام
افتح الكبوت وراح تحصل بجانب الشمعه اللي امام السائق علبة دائريه سوداء , شوف فيه عدد 2 لي , شيك عليها لاتكون مفصوله وشوفها ممتده فوق المكينه شيك عليها تمام
الشي الاخر اذا عندك تهريب من اغطية البنزين ,بدلها با اغطية جمس موديل 98 اصلي ,لان اغطية شد بلد تكسب هو وتهرب البنزين

[سهيل 10443]

الكرام:يالبى الهلا،الحربي591،السيل يدربي،ابوسند9 شكرا جزيلا على اهتمامكم
فكيت التانكي الرئيسي وشيكت على البلف والليات وكل شي تمام وغيرت الغطا جديد من الوكالة وهذا ثاني غطا اشتريه لانها تتكسر .التانكي لايوجد فيه رداد فقط في التانكي الاحتياطي ،شيكت العلبة الدائيرية ولياتها في الكبوت وتمام . ياليت فيه بديل للغطيان لانها سيئة ولا تتحمل وحجرب اللي ذكرت ياابوسند9.
الان انتظر النتيجة بعد الغطا الجديد وساوافيكم بالجديد.