أبوعبدالرحمن99
05/09/2015, 07:48 PM
السلام عليكم و رحمة الله و بركاته ،،
وصلني هذا النص على هيئة وصايا في ستة عشر وصية و وجدتها منسوبة للشاعر عبدالله علوش ،، و الأبيات كلها حكمة فأردت أن أشارككم بها
اترك مسافة كافية بينك وبين الآخرين
بعض البشر ودك حدود المعرفة معهم سلام
و اصمت ولاتحرص على كثر الكلام، الصمت زين
واللي سكوته ساتره يمكن يعريه الكلام
و اذا تكلمت احذر تْكون اطول المتكلمين
السالفة لاطولت يضعف معاها الاهتمام
و امزح ومزحٍ باللسان اخير من مزح اليدين
مزح الرجال العاقلة على حدود الاحترام
و اضحك ولاتضحك برفع الصوت ، رفع الصوت شين
من الأدب والذوق عند الضحك ضحكك بابتسام
و اكرم ، وبيبان الكرم واجد، ولا يحتاج دَين
وترى الرجال اكرامها ماهوب في كثر الطعام
و احلم ولا تعجل ،ولا تغضب ، ولا تشري بدَين
وشاور ولو رايك معك ، لا شرت عداك الملام
و اذا شريت بدين لاتبطي على المتجملين
كلٍ حلاله غاليٍ عنده لو انه مايسام
و لاجاك مديونك معه بعض الوفا وبعضه لحين
فأستد باللي جاك، وش دراك ، لله الدوام
و ترى التغافل فيه لذة وانشد المتغافلين
وإن جات كلمة توجع اطلقها مع اسراب الحمام
و ارضى ليا جاك الرضا ،لو العذر ماهو سمين
وترى التسامح ميزة السادة رفيعين المقام
و اصدق معَ نفسك وتلقى نفسك مْن الصادقين
والنفس خيل ابليس لاتعطيه طوعك واللجام
و ليانصحت انصح خفى ،لاتفضحه فالحاضرين
ترى الرجال يقودها لين الحكي قود الخطام
و اذا تسولف عن طموحاتك مع المتفرغين
كنك تسولف للنصارى فالحلال وفالحرام
و العمر ماهو فرصةٍ وحدة ولاهو فرصتين
مع كل مطلع شمس لك فرصة وخطوة للأمام
باقي و لا زالت تعلمنا الليالي والسنين
العلم خير من الجهل والنور جلاي الظلام
و سلامتكم .
وصلني هذا النص على هيئة وصايا في ستة عشر وصية و وجدتها منسوبة للشاعر عبدالله علوش ،، و الأبيات كلها حكمة فأردت أن أشارككم بها
اترك مسافة كافية بينك وبين الآخرين
بعض البشر ودك حدود المعرفة معهم سلام
و اصمت ولاتحرص على كثر الكلام، الصمت زين
واللي سكوته ساتره يمكن يعريه الكلام
و اذا تكلمت احذر تْكون اطول المتكلمين
السالفة لاطولت يضعف معاها الاهتمام
و امزح ومزحٍ باللسان اخير من مزح اليدين
مزح الرجال العاقلة على حدود الاحترام
و اضحك ولاتضحك برفع الصوت ، رفع الصوت شين
من الأدب والذوق عند الضحك ضحكك بابتسام
و اكرم ، وبيبان الكرم واجد، ولا يحتاج دَين
وترى الرجال اكرامها ماهوب في كثر الطعام
و احلم ولا تعجل ،ولا تغضب ، ولا تشري بدَين
وشاور ولو رايك معك ، لا شرت عداك الملام
و اذا شريت بدين لاتبطي على المتجملين
كلٍ حلاله غاليٍ عنده لو انه مايسام
و لاجاك مديونك معه بعض الوفا وبعضه لحين
فأستد باللي جاك، وش دراك ، لله الدوام
و ترى التغافل فيه لذة وانشد المتغافلين
وإن جات كلمة توجع اطلقها مع اسراب الحمام
و ارضى ليا جاك الرضا ،لو العذر ماهو سمين
وترى التسامح ميزة السادة رفيعين المقام
و اصدق معَ نفسك وتلقى نفسك مْن الصادقين
والنفس خيل ابليس لاتعطيه طوعك واللجام
و ليانصحت انصح خفى ،لاتفضحه فالحاضرين
ترى الرجال يقودها لين الحكي قود الخطام
و اذا تسولف عن طموحاتك مع المتفرغين
كنك تسولف للنصارى فالحلال وفالحرام
و العمر ماهو فرصةٍ وحدة ولاهو فرصتين
مع كل مطلع شمس لك فرصة وخطوة للأمام
باقي و لا زالت تعلمنا الليالي والسنين
العلم خير من الجهل والنور جلاي الظلام
و سلامتكم .