وين أصحاب الخبره في ((المهدات))

[السنعوووسي]

بسم الله الرحمن الرحيم

مساكم الله بالخير الجميع

أنا ابي اعرض عليكم مشكلة تواجهنا في المهدات ونبي لها حل من الصحاب الخبره
وكل واحد يدلي برأيه

لا أحد يبخل علينا


: اللي حاب اللقا لها حل هي مشكله كثره السيارات في المهدات رغم أن السلق في بعض المهدات عددها قليل

واصحابها تشيلهم خمس سيارات فقط هذا أذا قلنا وااااااااااااااااجد

بس والله العظيم شاركت بمهد بحايل تدرون كم سلقه مشاركه مع العلم انه خاص وتحدي خااااااااص

اللي شاركو فيه اثنين وانا ثالثهم وعدد السلق اربع سلق فقط

بس الله لا يوريك مدري وش جابهم السيارات حوالي ألف سياره جايين يخربون بس ولا حتى بعضهم ما يعرف بالسلق شي

مدري وش جايبه ولا تقف المصيبه الا هنا وبس

المشكله أذا كان سلوقيك ما يطرد ويشوف هالسيارات والناس وراه رغم طيب السلوقي يحرمونك من المشاركه
لا وبعد حالات صدم السلق كلن يبي الضبي على يمينه او يساره ويصدمون السلق وهذا اللي يستفيد المشارك

رغم ان كل الغرض من الفكره المتعه والله المتعه والوناسه ولا لحم الضبي ماهو مطلب ولا حتى الجوائز
بس يثبت لك فعل سلوقيك بين هالسلق

وش رايكم في هالمشكله....

نبي حل الله لا يهينكم

وعندي مشكله ثانيه بالمهدات بس مابي ادخلها على هذي المشكله لانها مهمه ......

أخوكم / السنعوووسي

[ابو صاالح]

أي والله صدقت وياما صارت مشاكل بسبب الزحمه سلوقي اندعس وسلوقي انكسرت رجله بس ما اقدر افيدك لأني مانيب راعي مهدااات واسمحلنا يالغالي ويعطيييك العافيه على هالموضوع اخوك ابو صالح

[القـــناص]

اخوي السنعوسي

اذا كنت تبي الهدد منظم

اولا: لا تقول لأحد انه فيه هدد الا اللي يبي يشارك وحاول انهم يكونون اقل من 7

ثانياً: من الافضل ان يكون الهدد في احد ايام الاسبوع لان الناس مايكونون فاضين

ثالثاً: افضل انك تدور لك ظبي وتهد انت واخوياك وتريح بالك وصدقني هذي افضل طريقه

وانشاء الله اكون قد افدتك...

[السنعوووسي]

مشكور ابو صالح على ردك ومسموح

القناص حنا يوم نشارك مطلبنا التحدي ووناسه وتشوف سلوقيك هو الأول بين عشر سلق هذي الوناسه

اما ابي اطلع لحالي هين السلوقي ما عليه كلام بس نبي نتحدى ونشوف الطيب والردي

ما كل السلق واحد

يعطيك العافيه بس تصدق الظاهر حلك ما فيه إلى هو ((نأمل بحل جديد))

[القـــناص]

اخوي السنعوسي

اذا كان هناك تحدي

اطلع انت والرجال اللي متحديك

ويله شوفو الميدان ياحميدان

وهذا الحل مافيه غير كذا

وانا كذا مره حضرت هددات عندنا بالدوادمي

ماشاء الله اكثرها منظمه وقليل اللي يجي بها زحمه...

[القحطاني505]

صدقت والله ياخوي السنعوسي والمهدات مشاكلها واجد وانشاء الله تنحل

[السنعوووسي]

انشاء الله بس وين الأراء

[هاوي الاصايل]

اول شي مشكور على طرح هذا الموضوع الي مكره اغلب اصحاب السلق الطيبه بالمشاركه مالمهدات
ثانيا بالنسبه للحل فهناك اكثر من حل منها ماذكره بعض الاخوان وهي ان يكون الهدد مختصر بينك واخوياك او الي متحديك وهذي متعتها اقل من المهد الي فيه جماهير بس اكثر امان
وفيه حل ثاني عجبني هدد نظمه احد الاوائل إن لم يكن الاول بتنظيم المهدات بالسعوديه يمكن قبل 6سنوات وهذا الرجل اعرفه شخصيا وكان المهد بصياهد الرمحيه عند شعيب المستوي للي يعرفونه فكانت الفكره انه يجتمع اصحاب السلق في صباح اليوم بأحد الاستراحات بالرياض وبعدها يتوجهون للمكان الي بيهدون فيه مع بعض واذا وصلو توقف جميع السيارات ويركب اصحاب السلق والجماهير المرافقين لهم في سيارات ثانيه يسوقها ناس فاهمين وراكدين منعاً للتهور والحوادث الي تسبب المشاكل ويكون عدد السيارات الي تلحق السلق قليله وفعلا نجح الموضوع وكانت اغلب مهداته ناجحه ومنظمه,,,,
واتمنى التوفيق للجميع ودمتم بوووود,,,,,,,,,,,,,,,,,

[السنعوووسي]

مشكور هاوي الأصايل عز الله هذا حل ممتاز
يعني الأجتماع في مكان غير مكان المهد والسيارات بسواقينها الفاهمين جاهزين عند مكان الأجتماع
وبكذا راح يكون منظم بالفعل.
مشكور هاوي الأصايل

[abo_kaled001]

بسم الله الرحمن الرحيم

مشكور أخوي السنعوووسي على الموضوع اللي مشاكله واجد لكن اقتراح اخوي هاوي الأصايل بالاجتماع باستراحة أو مكان ويكونوا كلهم بسيارات محددة وما يبدأ المهد إذا كان فيه سيارات مو منكم ولكم جزيل الشكر.

[طارق الحربي]

رغم ان مالي بالسلق

بس حاول اذا تبي تهد لا تخلي يوم المهد بعيد خله قريب

يعني مثلا تحداك خويك اليوم هدوا بكرا او بعده بالكثير عشان ماتعطي لاحد فرصه ينتشر الخبر

[السنعوووسي]

مشكورين على المرور ابو خالد وطارق الحربي
الله لا يهينكم
وكل مهد له ضروفه

[القناص القطري]

السنعوسي الريجيل اللي اعرفهم يشترون هم وخوياهم ضبي ويهدونة على راحتهم لا دعس سلق ولا هرنات ولاهواش مع العالم ويريحون بالهم وشكرا

[السنعوووسي]

مشكور القناص القطري الله يعطيك العافيه

[سالمين سالم]

السلام عليكم يعطيك العافيه يا صاحب الموضوع فعلا موضوع صعب وسهل في نفس الوقت
اولا:كثرة السياات اوقلتها ما هو مهم المهم يكمن في منضم المهد (صاحب الضبي )يجب ان يعطي تعليمات قبل المهد لهل السلق وبعدها
يحدد سيارات خاصه عباره عن الشاصات الموجوده في المهد واتوقع ان اربع شاصات كافيه وكون صاحب المهد مستفزع بهم من خوياه الخاصين المتمرسين للمهدات واتوقع ان اللي جي للمهد جاي يبغى الوناسه والتفرجه اتوقع انشالله ان الجميع بيسمع كلام صاحب المهد بتقولي يمكن الشاصات تكون قليله اقول دساتن بتقوم بنفس المهمه ودعوى بالعربي عند صاحب المهد وشكراً