ذهبت للعضيب وتفاجأت بالتالي!

[مدرس بالغصب]

السلام عليكم

معي باترول 95 فحصته عند العضيب لاني كنت اعاني من رجه شديده بالدركسون ولكني تفاجات بكثرة الاعطال حسب كلامهم
هل هم يبالغون عادة والا كلامهم صحيح
كم تكلفة هذه القطع يااهل الخبره مع التركيب
ووين تنصحوني اسويها
ولكم جزيل الشكر



http://store1.up-00.com/2015-09/1441549976491.png
http://im53.gulfup.com/v2Ijd1.png

[السيل يدربي]

غير مساعد الدكسون وذراع الدركسون فقط اذا فية فضاوة واجد وجرب قبل ماتغير شى

[يالبى الهلا]

اذا كان كل هالاعطال فهي أعطال لابد من إصلاحها لان اذا اهملتها بتخسر أكثروا وأكثر
فالأفضل مادام معك الورقة اوالفحص تصلحها في ورشة ثانية
وتبدأ في إصلاح الصوف الانة ممكن يروح الدفرنس ًوعليك الحساب

[الحربي 591]

نصها مالها علاقه مع الرجه ولا تسبب رجه الا اذا انت طلبت فحص كامل ؟

[مدرس بالغصب]

ماذا عن السعر لو تفيدوننا

[ابوسند9]

يا خي العضيب لاعب با العالم لاعب
اخوي خذ العلم وخلك ذيب وانزل اسفل السيارة وافحص بنفسك والشغله ماهي اختراع قتبله ونا قريت الورقه وها الاشياء راح تكلفك واجد ومع هذا الرجه ممكن ماتروح
المساعدات اذا مافيها تهريب زيت فهي سليمة
مساعد الدركسون ,لف الدركسون يسار لين يمغط المساعد للاخر وشوف بيت المساعد اذا فيه تهريب زيت لو خفيف فهو عطلان
نجي للرمان انت عندك صوت با السيارة؟ اذا مافيه صوت لا تغير
والصوت اذا فيه تهريب عندك شي بسيط خلها وما منها خوف
جلد عمود سحب امامي , يقصد الرباطات ,هذي تجي 4 ربلات وبنفس العمود خلف عدد 4 هذا لازم تغيرها واللى ما تستفيد شي وها الربلات اذا تشوفها انت انها مهتريه فغيرها
ذراع الدركسون اخاف تغيره وما يطلع منه الرجه وهو غالي
لذا رجة الباترول انواع
فيه رجه مع الحفر الصغيره وهذي سببها ربلات البنهارد وركز وانت تسوق على الطريق
وفيه رجه مع الفرامل وهذي لازم خرط هوبات امام
وفيه رجه من 60 الى 120 وهذا اما ترصيص او كفر محبل وجنط مطعوج ,,

[مدرس بالغصب]

شكرا من القلب على التفاعل
مااعانيه هو رجه شديده من الحفر او المطبات تستمر فترة بعدين تروح

[أحمد محمد1429]

بالنسبة للرجه الشديده اللي تنفظ السياره واللتي تأتي عند عند أقل مطب فا يوجد موضع في المنتدي ولا تكلف اصلاحها مائة ريال

[الحميضاني]

السلام عليكم
اهوي صارت معي رجه قويه حيل كل السياره ترج حتى ما تقدر تمسك الدركسيون من قوتها وغيرت ربلتين يركبن بالعمود اللي يركب فيه مساعد الدركسيون وراحت ولله الحمد كلفتني 200 ريال مع الربل

[ابوسند9]

اذا غير ربلات البنهارد
شوف فيه امام الدفرنس الامامي عمود ممتد ,, جهة منه راكب با الدفرنس وجهه راكب با الشاصي ,,وطرف من مساعد الدركسون راكب بهذا العمود ,, هذا العمود فيه ربلتين كبس ,, بدلها با اصلي ولعلمك الوكاله تبيع العمود كامل ولايوجد عندهم ربلات ,, لذا شوف لك موزع لنيسان وراح تحصل الربلات لوحدها
وللفائده الربلات من الخارج عند الفحص شكلها سليمة 100 % لكن من الداخل مهتريه
اذا من اردي الاول اعلاه ,,العضيب راح يكلفك 5000 ريال ولن ولم راح تطلع بنتيجه مع العلم انه غير اسفل السياره كامل
اذا انت تحتاج ربلات ب 120 ريال وشغل يد ب 100 ريال

[MSAN]

الرجة الي مع الحفر اسمها
death wobble
ابحث عنها في قوقل

٨٠٪ سببها مساعد الدركسون
١٠٪فضاوة في ذراع الدركسون
١٠٪ ربلات البنهارد


بالتوفيق

[آآآبو سعود]

اذا غير ربلات البنهارد
شوف فيه امام الدفرنس الامامي عمود ممتد ,, جهة منه راكب با الدفرنس وجهه راكب با الشاصي ,,وطرف من مساعد الدركسون راكب بهذا العمود ,, هذا العمود فيه ربلتين كبس ,, بدلها با اصلي ولعلمك الوكاله تبيع العمود كامل ولايوجد عندهم ربلات ,, لذا شوف لك موزع لنيسان وراح تحصل الربلات لوحدها
وللفائده الربلات من الخارج عند الفحص شكلها سليمة 100 % لكن من الداخل مهتريه
اذا من اردي الاول اعلاه ,,العضيب راح يكلفك 5000 ريال ولن ولم راح تطلع بنتيجه مع العلم انه غير اسفل السياره كامل
اذا انت تحتاج ربلات ب 120 ريال وشغل يد ب 100 ريال


اخوي ابو سند البنهارد وش بالضبط ﻻن اسمه غريب هو عمود الدركسون وﻻ وش ﻻهنت

[فتك08]

العضيب للاسف اشتهر بداية الامر و كثرت فروعه
لكن النتيجة
غلاء فاااااااااااحش و كذب و دجل من بعض العمالة
لان بعض الفروع اسم فقط
اغلبها ماله علاقة بالرجة
و لو هو واثق من نفسه حدد لك السبب

[وطن العزة]

العضيب مثله مثل المنصور عندنا بالدمام تطلع من عنده بمقاضي بيت
ولا يشخص لك المشكله بس فحص شامل

بالنسبه لأسعار القطع تو مغير للباترول 98 و قس ذلك على موترك ممكن يكون أرخص

ذراع أمامي أصلي من الحميدان ب 340


ربلات عمود البنهارد أصلي ب 110

http://im87.gulfup.com/vueTSL.jpg (http://www.gulfup.com/?q5eCT9)




لا يغرك شكلها نظيف لاكن تكون متآكلة من الداخل


http://im87.gulfup.com/ytXcZl.jpg (http://www.gulfup.com/?hFOGaV)


مساعد دركسون جبريل ب 100




أخيرا شلت الوردات حقت الرمانات وعددهن 4 إثنين بكل جهة




http://im87.gulfup.com/Gr6iQo.jpg (http://www.gulfup.com/?M6sZ98)



http://im87.gulfup.com/RZXKxe.jpg (http://www.gulfup.com/?VkTFlK)


http://im87.gulfup.com/3Cz9Bv.jpg (http://www.gulfup.com/?6yTblk)


http://im87.gulfup.com/FMRSra.jpg (http://www.gulfup.com/?ZrAuij)


والحمد لله ارتحت من الرجه أو النفضة اللي يسمونها death wobble بالإضافة رعدة الدركسون من 80 إلى 100 اختفت


تكلفة القطع 550 ريال و شغل اليد حول ال 200 ريال

المهم شيك أول شي على الذراع اذا فيه فضاوه أو جلد الركب متقطعه غيره كامل وريح راسك و نصيحه الشحم لا يقرب الجلد و الربلات من برى يا تشحم داخل البلف ولا بلاش

[ابوسند9]

ابو سعود
العضو العزيز وطن العزه كفى ووفي
عمود البنهارد كما في الصوره الثانيه
واخوي وطن العزه انت الغيت الوردات ,لكن المشكله با المستقبل راح يكون الضغط على الرمان ,وبكذا تلف الرمان
لذا دائما اقول ,,السيارة معك له سنين مافيها رجه ,,وفجاءه جاء عندك رجه ,,اذا ابحث عن السبب

[K.S.A.A]

ياسلام عليك يابو سند . ماشاء الله تبارك الله , كل ماقريت موضوع وعزمت أرد على صاحبه ألاقيك راد عليه بنفس الكلام اللي في خاطري وأزود بعد . وفق الله الجميع

رجة السفاري بهذلتني مثلكم . كان معي سفاري موديل 99 والعجيب أني لما فكيت رمان الركبه حصلته بدون ورد من بلاده.
وسويت وزن للرمان وغيرت جميع العضلات والربلات وبالأخير ماراحت.

وخذه رجال وراح عليه للقصيم وصلحه بورشة هناك وزان ولله الحمد . لكن ما أدري وش سوت الورشه فيه.

المهم أن الموتر زان بعدها ولله أستخدمته سنه زي الحلاوه ثم بعته.

[سفاري سوبر]

نصيحه رح للبلاد جنبه ترى العضيب نصاب اعرفه زين انحش

[hmooody55]

انا جتني الرجه الي تجيك موتري 98

غيرت التالي
2 جلد عامود توازن الي شرحوا لها لك الشباب الي جهه راكبه بالدفرنس وجهه بالشاصي

4 جلس شداد او رباطات امامي

2 مسمار توازن امامي
2 مسمار توازن خلفي
لا تنسى الجلد حقت المسامير بعد ما اخذتهن وفكوا لقيتهن ناقصات ورحت اجيبهن

وبعد ذا كله ترصيص كمبيوتر و وزن اذرعه

شغل اليد 250 ريال

الشغل عند ميزان العضيب

بالنسبه للسعر بعد خصم خاص هذا السعر



تم الإرسال بواسطة iPhone بإستخدام Tapatalk

[alwali]

ابو سند
وش تقصد بالبنهارد اول مره اسمعها
لان مو طالعه الصوره عندي

[مريقب العيفار]

في مرة دخلت موتري عند ميزان مشهور

ونزل الفلبيني تحت وقام يعدد والمصري يكتب

كتب لي قائمة طويلة تحتاج تبديل

لكن ربي رحمني ورحت لميزان ثاني

طلع الخراب في قطعتين فقط

ووفرت قيمة قطع وشغل

[مدرس بالغصب]

كم تكلفة تركيب مساعد الدركسون وذراعه وجلد عمود السحب (اربع جلدات)
علما ان تكلفة القطع تقريبا 400 ريال

[كاشخ2009]

خذ الورقه العضيب ورح لمحل ثاني وصلحها اذا نويت التصليح
انا عميل لهم من 18 سنه بس الاسعار عندهم في ارتفاع ( مافيه هذا البلاد الا هذا الولد ) ههههههه
شف ميزان المجد او اي ميزان فيه فلبينيين
مثل : قبل شهر تقريباً تهريب صوفه عكس امامي يمين فقط لجيب لاندكروزر 250 ريال بعد المراعه اجره يد لديهم
وسويتها في الميزان خلفهم 120 ريال . طبعاً اتكلم عن الصناعية القديمة وفرعهم القديم - الرياض-

[كاشخ2009]

نصيحه رح للبلاد جنبه ترى العضيب نصاب اعرفه زين انحش

البلاد تابع للعضيب

وحاطينه لكزس ولاندكروزر
يعني صبه وحقنه كل واحد اخرط من الثاني

[nayf01]

فيه واحد من اشباب صار عنده رجة في سيارة ووداها للهديرس في النسيم وركبوها على الرافعه بخمسين ريال وكتبو له لستة قطع .

وانا عندي خلفيه عن السيارات وخاصة القديمة
اخذت السيارة وسقتها شوي ثم اوقفتها ونظرت حدرها ووجدت احد المساعدات ضارب
غيرناه في البيت وضبت السيارة .



اما ماذكر الاخ بشان الرجة اقول غير ذراع الدركسون وجرب والله اعلم

[مدرس بالغصب]

بعد ماتكلفت وشريت الاغراض رحت لورشة صغيره وشرحت له المشكلة نزل تحت السيارة وقال فقط جلد عمود التوازن ولاتحاسبني اذا ماراحت وفعلا غيرتهن وجربت السيارة وكل شي تمام
الجلدتين ب120
شغله مع الوزنيه ب100

[الحربي 591]

بعد ماتكلفت وشريت الاغراض رحت لورشة صغيره وشرحت له المشكلة نزل تحت السيارة وقال فقط جلد عمود التوازن ولاتحاسبني اذا ماراحت وفعلا غيرتهن وجربت السيارة وكل شي تمام
الجلدتين ب120
شغله مع الوزنيه ب100

.

احسنت صنعا
:good2:

.
.
.
.
.
.



كيف اللغه العربيه عندي:D:p

[ابوسند9]

بعد ماتكلفت وشريت الاغراض رحت لورشة صغيره وشرحت له المشكلة نزل تحت السيارة وقال فقط جلد عمود التوازن ولاتحاسبني اذا ماراحت وفعلا غيرتهن وجربت السيارة وكل شي تمام
الجلدتين ب120
شغله مع الوزنيه ب100
اخوي مدرس بالغصب,,اول شي ايش بسبب اختيارك لهذا الاسم ,,هههههههه لو بالخاص تقولي
تاني شي لكي تعم الفائده ,جلد عمود التوازن , فيه عمود خلفي , وفيه عمود امامي
فياليت توضح تمام من شان تعم الفائده