ماء الاذيتر ينقص ولا ادري وين يروح بالفتك الفزعه

[غريب نجد]

السلام عليكم
معي فتك 2008 تماتيك
طلع براسي الشيب ومشكلته
ينقص الماء وسويت له الاتي
1- تغير غطيان الاديتر والقربه
2- تسيخ الاديتر
3- تغير تماتيك المروحه
4- تشيك كامل عند مكانيكي علي كامل الخراطيش كلها سليمه
5- فحص الزيوت القير المكينه كلها سليمه
6- فحص حساس الحرارة
7-تغير بلف الحراره
لايوجد اي اثر تهريب ابد ابد
والغريب في الامر امبير الحرارة يلعب معي بنفس اللحظة يرتفع وينزل بسرعه
وبعد اي مشوار خصوصا بالنهار اشيك علي الماء احصله ناقص كثير
وش العله فيه يااهل الفتك

[4200]

الله وأعلم تنديه من بعض الطبات ويتبخر ما تشوف له اثر من حراره الماكينه يمكن الطبات الي بين القير والماكينه

[يالبى الهلا]

فيه درس من دروس مشرف الخيمة أصيل حجازي كيف تكشف تهريب الاديتر
للاسف ما اعرف الرابط ولكن ابختصر لك الشرح
تضيف بودرة نيلة الملابس الزرقاء مع الماء في الاديتر وسوف تلاحظ التهريب بكل سهولة ويسر

[h93313]

أكيد التهريب عندك من الطبات
ادخل تحت السيارة وتفقد الطبات اللي بالمكينة

[وطن العزة]

اذا الاديتر ينقص والقربة فيها ماء لكن ما توفي الاديتر

شيك على نفس القربه احتمال تلقى فيها كسر أو خرم من جهة فلتر الهواء بسبب دفاشة بعض البناشر يوم يفك الفلتر
وبكذا ينقص عندك الماء أو يتبخر ولا يبين معك التهريب

لازم تفكها و تفحصها و إن شاء الله سهالات

[ابوسند9]

وعليكم السلام
انت تشوف النقص ,من وين من الاديتر او من القربه ؟ وكم تقريبا كمية النقص ؟
وعلى القربة هي المسئوله عن تغذية الاديتر في حال النقص
وانت شيك على طبات السرندل تشيك مضبوط لانه احينا يكون تبخير وما يبين ,يعني الافضل تشيك والسيارة توها واقفه
وبرضو شوف فيه ماصورة مويه ممتده بعرض المكينه من عند السلف شيك عليها

[ابوسند9]

نقطه اخيره ,,الصباح قبل تشغل افتح غطاء المكينه وشوف هل الغطاء عليه نقط بيضاء

[غريب نجد]

اشكركم جميعا علي التفاعل
وسويت اغلب ما ذكرتم
وابشركم لقيت وين يروح الماء صار بالمكينه
فتحت غطا المكينه اليوم الصبح وطلع فيه بياض كله رحت للورشه قال لازم يفك الراس
والحمد لله علي كل حال