لاهل الخبره ارجو الافاده

[ابوخالد كشات]

سلام عليكم يالربع عندي سلقه عمرها 8 شهور بس مشكلتها مهب تسمع الكلام ابد اجيها مرتين بالاسبوع وان خذيتها بعيد عن العزبه وفكيتها ماترجع واذا فكيتها بالعزبه ماتبعد وهديت على جرابيع وتصيدهم بس مشكلتها اذا ناديتها ماتجي

[صياد الصحراء]

يقول المثل جووع كلبك يتبعك

[شاص صبيح]

رمها بام صتمة

[هاوي بندق]

جرب تجوعه وهد له وخله توالفك لاتاصل سنه وهي على الطبع هاذا وخلك
عند اكثر من مرتين بالاسبوع ماتوالفك كذا يمكن تروح وتخليك :D
بالتوفيق

[الشيخ]

توجد عدة طرق لتعليم الحيوان على اسم او امر
و اكثر الطرق نجاحا عن طريق التجويع الخفيف و لا تبالغ بالتجويع لانه قد ينعكس مفعوله
على سبيل المثال قلل كمية الطعام و الباقي خله معك و الكلب ما يبتعد عنك لانه ما شبع و يدري ان الاكل معك
و يحتاج وقت اكثر تقضيه معاه و سعة صدر و طولة بال الى ان يتعلم المطلوب منه
الكلب غالبا يكون مثل الطفل يحتاجك حواليه لكن يبي يتصرف على راحته
و بما انك تجيه مرتين بالاسبوع حاول تقضي معه وقت اطول و اذا تعلم على طريقتك بعدها تقدر تجيه مرة بالشهر و تلقاه ما نسى التدريب