عندي رجه

[ظغط عالي]

السلام عليكم ورحمة الله وبركاته

يسعد صباحكم اخواني كيفكم اليوم يا اخوان انا غيرت جوزات لسيارتي فوق وتحت يسار
ولما غيرتهن خليته يفك العمود المردان عشان يغير المشاحم وهو فصل العمود من بعضه
وركبه وصار الموتر يرج على 80 وقبل مافيه اي رجه ىسبق إن رصصت العمود هل له وزنيه خاصه هم يقولون نوزنه نحط الصليط مقابل الصليب وش المكشله ولا عندهم ترصيص بنجران
يوديني الرياض إذا ما ان انحلت المكشله سيارتي لاندكروزر كي اكس ار 2000 6سلندر تماتيك افزعوا لي 0559220019

[ظغط عالي]

استغفر ولا رد وين العوارف

[يالبى الهلا]

مادام فصل العمود لابد من وزنة بميزان مختص بة كمبيوتر يرجعة شدبلد
إذا مغير ربلات فوق وتحت الوضع يختلف تحصل الرجة

[ظغط عالي]

سلمت يالبى ربلات ايش قصدك

[يالبى الهلا]

جلد مقصات تحت وفوق

[ابوسند9]

وعليكم السلام
ارجع للورشه وخليه يتاكد من تركب الجوازت لايكون ما ركبت كويس ,واذا هو فاك اذرعة الدركسون تاكد من الوزنيه
الشي الاخر هناك رجه با الدركسون اي الكفرات
وهناك حره ,,اي رعشة بالبدي .
فا اذا فيه رجه بالدركسون اي الكفرات فا العمود ماله دخل با المشكله
واذا رجه با الدركسون والكفرات جرب تسوي ترصيص للكفرات

[ظغط عالي]

الرجه بالموتر من 80 الى 120 وتوقف بعدها يسلك الموتر حيرتي وانا

على وجه سفر للرياض رحت للخميس حصلتهم نصابين ترصيص بـ450
حراميه هل تنصحني اركب عمود 2008 وصله وحده

[ابوراكان تبوك]

عمود الكردان له رصاصات لابد ان تتقابل مع بعض

90% المشكله خطأ في تركيب العمود

[ظغط عالي]

ركبوا الرصاصات على بعض ويقول ذي وزنيت العمود

[ابوراكان تبوك]

ارجع لنفس الورشة وخله يتأكد من الصليب اذا انه فكه

احيان يكون سبب قلب الصلبان عن محلها الاول يسبب رجه وهذا حدث معي سابقا

وبالمره افحص الصليبات كلها اللي فيه خشون في الدوران اثناء تحريك الفلنحه ع شكل دائري غيره مباشره

اصلا الرجه ماجت الا من بعد ما فكيت العمود فالمشكلة فيه

الجويزات حقات اللاند ليس لها وزنه فما اعتقد نهائي ان الرجة بسببها الا الرمان لانهم يفكوه يسبب رجه + ونه والونه ليست موجوده في المشكله

[ظغط عالي]

ابيض وجه يابو راكان يقولون لازم ترصيص ولا في نجران كله ترصيص