مشكلة كتاوتات الفتك

[المسلهم]

الاخوة الاعزاء

السلام عليكم ورحمة الله

مشكلتي بالفتك قير تماتيك

قبل شهرين تقريبا حصل معي عند التشغيل تشتغل الطرمبة وكل حاجة الا السلف يعني كأنك تشغل وانت حاطه بالd

غير الكتاوتات اللي بالكبوت جهة رفرف يسار واشتغل

امس وانا خارج من محل حصل نفس المشكلة

وهي دق سلف مرتين ضعاف كانه ضعف بطارية بعدين وقف السلف تماما

قلبت الكتاوتات اللي تحت الطارة واللي بالكبوت مانفع

بعد العشاء جبت سطحة وقبل مانشيله دقيت واشتغل على طول

وش المشكلة ؟ هل الكتاوتات خربانه او محتميات ؟

ونبي واحد يعلمنا وش شغلات الكتاوتات اللي بالصورتين

والله يجزاكم خير



http://www.mekshat.com/pix/upload05/images253/mk41613_gg.jpg





http://www.mekshat.com/pix/upload05/images253/mk41613_cc.jpg

[المسلهم]

الصورة الاولى
الاوسط من الخمسة لمروحة المكيف
واللي عن يمينه الاخضر التحتي صار لطرمبة التانكي الصغير
والحمد لله

[ابوسند9]

وعليكم السلام
كتاوت الطرمبة الاخضر اعلى واحد جهت اليمين , وحاول دائما تفتح السوتش وتنظر ثواني حتى تطفى لمبات الطبلون وهذا من شان ما يتكون كربون على الكتاوت ,وبكذا ما يوصل كهرباء ,ولو حدثت عليك المشكله مستقبلا فقط افتح السوتش واطرق الكتاوت وبعدين شغل
وللفائده الكتاوت اللي انت مغير الاخضر نفس القديم الازق اللهم ان الاخضر مسكر بسليكون من شان الغبار , والمشكلة ليست با الغبار ,انما با الكربون
وصدقني مشكلتك كما شرحت ليس لها علاقه بجميع الكتاوت بتتا
لذا مشكلتك كا التالي
اما وجود املاح على كيابل السالب اللي بالبدي او المكينه والخارجه من البطاريه او انها تحتاج شد
او ان كيبل الكهرباء الراكب با السلف يحتاج شد ,
او عندك السلف في اتربه ويحتاج تفليش وتنظيف بالبنزين ومن ثم تشحيم
او عندك ضعف بالبطاريه
تقولي لا السيارة ضبطت الان ونا اقول المشكله راح ترجع لك
اما الكتاوت اللي باالكبوت مالها علاه ,لكن للافائده بما ان القير اوتو ,,لو ضعف عندك العزم مستقبلا بدل او ولعت لمبة المكينه ,بدل الكتاوت البني والكتاوت الازرق اللي بجانب البني ,

[ابوسند9]

واذا تسمع صوت خرفشه اثناء التشغيل من السلف ,, فا انصحك تفك السلف وتعمل تنظيف للسلف قبل يخرب عليك

[المسلهم]

الله يعطيك العافية يابو سند وكلامك كله بمحله واستفدت منه جزاك الله خير