مشكلة لديتر الفتك ينقص والحراره ماترتفع

[فتك الجنوب]

السلام عليكم ورحمة الله وبركاته


عندي موتري فتك 2006 تنقص مويه لديتر بكثره مع العلم ان الحراره طبيعيه ماترتفع على الربع غير اذا وقفت ترتفع واذا مشيت ترجع طبيعي على الربع سبق ان ارتفعت عليه الحراره نهايه شهر ثمانيه وغيرت (لديتر مويه ـ طرمبة مويه ـ بلف حراره ـ تماتيك مروحه ـ غطاء لديتر بدون سسته ـ وغطاء القربه الاحتياطيه بسسته ــ موية لديتر فوكس اخضر) جميع القطع وكالة وزبطة حرارته ماشاء الله
قبل يومين اكتشفت النقص زودته 3 علب مويه ابو ريالين ورحت عليه مشوار 450 كيلو وزودته بعدها ثلاث علب وسافرت عليه وزودته في الخط علبه كامله ابو 4 ريال شيكت عليه الحين مانقص باقي لني رحت عليه مشاوير بسيطه ماهي بعيده
ياليت الي قد مرت عليه المشكله يفيدني قبل ما اروح للورش
واذا هو راس خربان كيف اتاكد بدون ما افكه


اسف على الاطاله

[ابوسند9]

وعليكم السلام
يبغى لك تفحص اشياء واجد وبتركيز ,ويستحسن والسيارة توها واقفه ,وبا النهار وبعد يكون معك كشاف قوي
طبات السرندل
القربة اللي بجانب الاديتر ,, من الجوانب ومن الاسفل ,,وفيها عدد 2 لي شيك عليها تمام
برضو شوف فيه ما صوره بجانب السلف ,جايه بعرض المكينه من اول السرندل الى اخره
برضو فك غطاء المكينه البلاستيك وفيه لي ماء داخل للدعسه
برضو شيك على ليات الهواء الحار والداخله لداخل السيارة جهت البطاريه
برضو شيك على الاديتر لا يكون هناك فيه تنسيم ,,وخاصة من اسفل الصدام اما بسبب حجر
وما ذكرته اعلاه يكون احينا على شكل تبخير للماء ويبغى فحص دقيق
واخيرا والصباح والسيارة بارده افتح غطاء زيت المكينه ,,وشوف الغطاء من الخلف هل عليه نقط بيضاء ام لا؟

[فتك الجنوب]

يعطيك العافيه على الرد وسوف يتم الفحص على النقاط الي ذكرتها

[SGL]

أبو سند الله يعطيه العافية ماقصر عطاك العلم
ﻻكن عندي زياده على كلامه عندنا ددسن كان ينقص مثل موترك وكان الخلل من طرمبة الماء تهرب عند المشي فقط أو عند تشغيل الموتر

[ابوسند9]

أبو سند الله يعطيه العافية ماقصر عطاك العلم
ﻻكن عندي زياده على كلامه عندنا ددسن كان ينقص مثل موترك وكان الخلل من طرمبة الماء تهرب عند المشي فقط أو عند تشغيل الموتر
الله يعافيك
نعم كلامك سليم
واذا فيها تهريب راح تلاحظ اثار الماء على الطرمبة من الاسفل

[فتك الجنوب]

بفحصها اذا حصلت لي فرصه لني مرابط على الحد وماعندي وقت
لكن دعواتكم لنا بالنصر او بالشهاده



يعطيكم العافيه ويبيض وجيهكم

[راعي الجيب2]

الله يحفظك واخوانك المرابطين في حلكم وترحالكم ان شاء الله

شيك على اهواز الماء خصوصا الصغيرة اللي توصل للدفاية

[زياد علي]

احيانا يكون في الرديتر او الخراطيش تنسيم وتتبخر معه الموية دون ان تلاحظ اي قطرة تهريب اوقد تكون السخانة

[فتك الجنوب]

الله يعطيكم العافيه ماقصرتو
بطلع أبها يوم الثلاثاء وبشيك عليه والله يسرها