أبي كهربائي مجنون للاندكروزر مكيف بس عالطبلون

[رجل الطوف]

صباح الخيرات يالربع ..
فيه مشكلة جابت لنا لكرب .. مكيف اللاندكروزر 2009 يعطي هواء مع الطبلون فقط أو عند الرجلين أما من الفتحات اللي في الوجه ما يعطي هواء وديناه لورش كثيرة بس ما فيه أمل والوكالة يقولون يبي لك 7000ريال ونغير موزع ثم صلحوه ب450 ريال وقالوا لا تلمس زر التوزيع وإلا بيخرب ثم خرب من جديد بدون ما نلمسه .!
من عنده حل أو قد جرب أو يعرف كهربائي عبقري مجنون .. يسعفنا .

[ابوراكان تبوك]

حدد منطقتك

[رجل الطوف]

هلا ابو راكان ..
أنا بالرياض بس ما عندي مشكلة اسافر لأي منطقة إذا فيه حل واتراسل مع الكهربائي واشرح له المشكلة .

شكرا لك

[يالبى الهلا]

حلها بسيط الغ موزع الكهربا واجعله يدوي ثابتة على طول الوجه فقط من تحت الدرج بواسطة عصا صغيرة
كانت عندي بيوكن والموزع قيمته ٥٠٠ ب٣٠ ريال تم حل المشكلة
اللي صلح القطعة من خلال الطريقة

[h93313]

خليه يثبته لك من الريش ب ٥٠ ريال او انته دخل رأسك من عند الدواسه حقت البنزين وطاله ورا المسجل من فوق لتلقى ذراع حركه بشويش يغير معاك توجيه هواء المكيف

[ابو شادي تبوك]

السلام عليكم ورحمة الله وبركاته. انا عندي نفس المشكله gxr 2008 وماحصلت له حل . اذا حصلت حل لاهنت بلغني ...ياليت الاخوان اللي من تبوك يدلوني على كهربائي ممتاز

[ابوسند9]

خليه يثبته لك من الريش ب ٥٠ ريال او انته دخل رأسك من عند الدواسه حقت البنزين وطاله ورا المسجل من فوق لتلقى ذراع حركه بشويش يغير معاك توجيه هواء المكيف
نعم هذا الكلام الذراع
يبغى لك فني يفك جهاز تحريك التوجيه ,,وهو عبار عن جهاز صغير عباره عن تروس صغيره وفيها وايرات للتوجيه
وهذا الجهاز ممكن تحصله با الوكاله

[رجل الطوف]

يسعد لي جوكم .. أنا ما فيني من حثبر فيه .. أخاف أحورف واجيب العيد .. لكن بوديه للكهربائي واقرا عليه ردودكم .. يسعد لي جوكم ..

[ابو شادي تبوك]

الله يكون بالعون . ان شاء الله يصلحونه بسعر رخيص . ننتظر منك النتيجه . تحياتي للجميع ..

[efi4500_2002]

صارت معي نفس المشكله جت وقت الغبار العام إذا شغلت المكيف تسمع الموزع يغير ع الهوا ع الطبلون و إذا طفيت السيارة و شغلتها رجع طبيعي ما ما صلحته صبرت عليه اسبوعين و رجع طبيعي اتوقع من الغبار المشكله

[ابوراكان تبوك]

السلام عليكم ورحمة الله وبركاته. انا عندي نفس المشكله gxr 2008 وماحصلت له حل . اذا حصلت حل لاهنت بلغني ...ياليت الاخوان اللي من تبوك يدلوني على كهربائي ممتاز

روح ورشة الهليل ثاني او ثالث دخله يمين بشارع الشكمانات
فيها كهربائي اسمه ابو يوسف بيضبطها لك ان شاء الله
مشكلته ياكل اكل بالدراهم لكن هو عمده كهربائيين المكيفات في تبوك:good2:

[ابو شادي تبوك]

تسلم ابو راكان .ماقصرت بمر عليه اليومين .

[رجل الطوف]

الحمدلله على كل حال ..
سافىرنا على كل اللاند كروزرالمذكور ومكيفه الخربان وقدر الله نصدم ناقة وننلقب وحنا أربعة وسلمنا ولله الحمد .. وما عاد يحتج تصليح المكيف الله يعوض .

[يالبى الهلا]

الحمد لله على السلامة ومعوض خير والحديد بدالة حديد أهم شي سلامتكم
وكل شي مقدر ومكتوب والحمد لله على السلامة

[ابوراكان تبوك]

المهم الحمد لله ع السلامه وانا اخوك الحديد في قلعته والله يعوضك خير

[ابوطارش]

ياشيخ ماتخذ اقل من دقيه حركه بيدك من تحت

ومشكلتة اتربه وغبار انفخ بهوا ثم غسله بخار من داخل

[رجل الطوف]

الله يسلمكم جميعا .. ويعوض بخير من واسع فضله ..:heart::heart::type::type:

[ساقان]

اللاند كروزر 2006 وين مكان قفل الهواء الخارجي لانه مايقفل صح اكتروني وابي اقفله بيدي

[كاشت وحداني]

الحمدلله على سلامتكم
ومعوضين خير


أرسلت بواسطة iPhone بإستخدام Tapatalk