ابادة طائر الكرك

[هيوماكس]

السلام عليكم ورحمة الله وبركاته

انها قمة في الاباد والاسراف بعينه
هل سيعاقبون كما عوقب اصحاب الضبان سابقا؟
اترك لكم التعليق ولاحول ولاقوة إلا بالله

5p1ERT5Zj1U

https://www.youtube.com/watch?v=5p1ERT5Zj1U

[عاشق الأطلال]

يارجال ماخرب الصيد ووسعة الصدر الا هالاشكال ماصار تشديد وتفتيش الا من هالطريقة بالصيد اصبروا بتشوفون القرارات الجديدة من حماية البيئة

ورد هالقناصة عارفينه

[cz-fn]

فيه فرق بين هذي الطيور المهاجره والمستوطنه
المستوطنه صيدها طول السنه وهذي اللي لابد من عدم الاسراف فيها

المهاجره هذي اللي كلن ياخذ نصيبه لو يصيد مليون لان صيده فالسنه مره مديها تتكاثر بالرجوع وتاكد ان كل اللي صادو هالكميات مانقصو منه شي العابر اكثر من ماتتوقع

[عاشق الأطلال]

فيه فرق بين هذي الطيور المهاجره والمستوطنه
المستوطنه صيدها طول السنه وهذي اللي لابد من عدم الاسراف فيها

المهاجره هذي اللي كلن ياخذ نصيبه لو يصيد مليون لان صيده فالسنه مره مديها تتكاثر بالرجوع وتاكد ان كل اللي صادو هالكميات مانقصو منه شي العابر اكثر من ماتتوقع
يالغالي ندري الله يحفظك انه هالطيور مايأثر عليها الصيد ولو على المدى القصير لكن المشكلة في حماية الحياة الفطرية مثل هالامور تلفت نظرهم وبالمقابل راح يكون فيه تشديد وحنا في غنى عن بهذلة نقاط التفتيش
ياليتهم على الاقل مايصورون لكن الهياط مشكلة

[فهد33]

مافيه إبادة ولا شي إذا بيوكل ويوزع على الأهل والأقارب والخويا ويحفظ ياسلام لأنه وأنا خوك هذا طير مهاجر تأكد وأنت صايد ألف أنه مليون راجع لمكانه لا تظن انك خلصت عليه لو صدت 500 أو 1000 الخير واااجد ماشفت الأسراب وش كثرها تحجب الشمس اللي عليه خوف هو اللي محتمل ينقرض لو زاد الصيد عليه مثل الإحتطاب والرعي الجائر هذا عندك ملازم لك إذا وفرته نماء وزاد وهذا رأيي والله المستعان إن أصبت فمن الله وإن أخطأت فمن نفسي والشيطان ..
دمتم بود

[هيوماكس]

غلطان اللي يقول ان الطيور المهاجرة ماتنقرض
جميع الطيور معرضه للإنقراض سواء كانت مهاجرة او مستوطنة
مللنا من الاسطوانة المفبركة (المهاجرة لاتنقرض و.. و..)
ياعالم خافوا ربكم كرهتونا بالصيد
كل من صاد واحد واسرف بالحد المعقول جاهم واحد مدرعم ويطبل لهم
ولا استبعد انه يكون مثلهم.

[هيوماكس]

يارجال ماخرب الصيد ووسعة الصدر الا هالاشكال ماصار تشديد وتفتيش الا من هالطريقة بالصيد اصبروا بتشوفون القرارات الجديدة من حماية البيئة

ورد هالقناصة عارفينه


بيض الله وجهك
كفيت ووفيت وكلامك مثل ماشفت في محله

[cz-fn]

يالغالي ندري الله يحفظك انه هالطيور مايأثر عليها الصيد ولو على المدى القصير لكن المشكلة في حماية الحياة الفطرية مثل هالامور تلفت نظرهم وبالمقابل راح يكون فيه تشديد وحنا في غنى عن بهذلة نقاط التفتيش
ياليتهم على الاقل مايصورون لكن الهياط مشكلة

ويحفظك ربي ويسعدك
لو لفت النظر ماراح يسون شي واذا نزلوا عقوبات ماراح يطبقونها مجرد تخويف

القناص اللي يصيد مثل الكميه ماراح يصوره كامل يحدد مجموعه ويصور

[اتعلم]

غلطان اللي يقول ان الطيور المهاجرة ماتنقرض
جميع الطيور معرضه للإنقراض سواء كانت مهاجرة او مستوطنة
مللنا من الاسطوانة المفبركة (المهاجرة لاتنقرض و.. و..)
ياعالم خافوا ربكم كرهتونا بالصيد
كل من صاد واحد واسرف بالحد المعقول جاهم واحد مدرعم ويطبل لهم
ولا استبعد انه يكون مثلهم.


عزيزي الطيور المهاجره لها علم شاسع ولا احد يقدر يحصيه ولها خطوط عديده فيه خطوط ماتمر المملكه اللي يمرنا نقطه من بحر ومافيه شي ماينقرض لاكن الطيور المهاجره نسبه بسيطه احتمالية انقراضها وبكلامي هذا لست مؤيد للصيد الجائر ولاكن لو اطلعت على المواقع الاجنبيه كذلك يصيدون انواع الطيور باعداد هائله
عن قناعه تامه اذا كان صيدهم بيؤكل كله ياجعله عافيه بالنسبه للكرك تمر اجوال بشكل كبير اسراب ان صح التعبير وبعضها يوقع وبعضها لا
الاسراف بنظري لو يصيد دخله واحده ولاتؤكل واذا 1000 وتوكل فهو غير اسراف
اتمنى ان تلقو نظره لصالات الافراح قبل كتابه موضوع والمزاينات والمهرجانات يحصل فيها كفر بالنعمه وليس اسراف فقط
المسأله ثقافه ووعي سواء اكتفيت بشي قليل او شي كثير وتحسن التصرف في كثرته
لفته بسيطه اذا موضوع التصوير ازعجكم اميتو الباطل بالسكوت عنه
ادعو الله ان يهدينا للطريق المستقيم وان ينصر اخواننا العسكر في الحد ويشفي المصابين ويتقبل الشهداء

[ابو تركي 500]

عزيزي الطيور المهاجره لها علم شاسع ولا احد يقدر يحصيه ولها خطوط عديده فيه خطوط ماتمر المملكه اللي يمرنا نقطه من بحر ومافيه شي ماينقرض لاكن الطيور المهاجره نسبه بسيطه احتمالية انقراضها وبكلامي هذا لست مؤيد للصيد الجائر ولاكن لو اطلعت على المواقع الاجنبيه كذلك يصيدون انواع الطيور باعداد هائله
عن قناعه تامه اذا كان صيدهم بيؤكل كله ياجعله عافيه بالنسبه للكرك تمر اجوال بشكل كبير اسراب ان صح التعبير وبعضها يوقع وبعضها لا
الاسراف بنظري لو يصيد دخله واحده ولاتؤكل واذا 1000 وتوكل فهو غير اسراف
اتمنى ان تلقو نظره لصالات الافراح قبل كتابه موضوع والمزاينات والمهرجانات يحصل فيها كفر بالنعمه وليس اسراف فقط
المسأله ثقافه ووعي سواء اكتفيت بشي قليل او شي كثير وتحسن التصرف في كثرته
لفته بسيطه اذا موضوع التصوير ازعجكم اميتو الباطل بالسكوت عنه
ادعو الله ان يهدينا للطريق المستقيم وان ينصر اخواننا العسكر في الحد ويشفي المصابين ويتقبل الشهداء




عزالله انك كفيت ووفيت وكلامك في محله
ولانبي يتشعب هالموضوع كلن يأتي يوم القيامه بحمله

[الشعله 105]

الله يعين يارب

[المهاجر.]

يا ليت يعاقبونهم ياليت حتى يكونون عبره لغيرهم من ناقصين العقول الجواعا
ياخي مدري وش يحسون فيه و بويش يفتخرون صادوه على ماء حطه له ثم اغتاله ماله فخر
ماهو موقع ماء من قبل اعتبره غيله مكروهه نذاله سمها ضعافه هباله همجيه
جوعا ها الشله مساكين يمكن يطعمون حارتهم
الصيد ذوق لنشاما ماهو اسراف مار وش علمهم الصيد والذوق مهبل في زمانهم

خط الهجره اللي هم متمترسين عليه وحاطين ماء السنين القادمه ما يجيهم ولا طير
ويشربون ماه .. قال ما تنقرض قال هه ..غباء

قال البلدان براء يصيدون بكميات هائله هههههه والله قلة عرف البلدان هذه اشجار وانهار
وموطن لطير اللي ما يمرك ولا تشوف رقعت وجهه الله يخلف بس .............

هيوماكس اشكرك عنوان الموضوع قمه في الابداع

[ابو البر]

هاذا صيد هاذا
هاذا اسراف مع عدم الخوف من تبذير النعمه
اقسم بالله راح يجي يوم ونشوف الضب يدرس على انه من الحيونات المنقرضه
فا أنا اقول وانا بكامل قواي العقليه
(((((الله يجعله بسم أصفر يهري بطونهم )))))
الجهل دائما سببه الغباء

[الحربي حاتم]

الله يهديهم
واللي يقول المهاجر ماينقرض غلطان لأن القتل والصيد عليه في كل دولة ، وطعم الطير مافيه شي مغري لحمته كلها عصب وسلوك وسودا .

[جني نت]

مشكلة هؤلاء وامثالهم احساسهم بالنقص وكل مبتلي منهم يسد نقصه حسب بيئته

[مركز أميره]

اتمنى من دولتنا ومن أصحاب العقول المسارعه في وضع شروط صارمة صارمة صارمة على

1 الاحتطاب

2 الصيد الجائر

3 الرعي الجائر

والله مايحدث هو تدمير لبلدنا

خااااااصة الاحتطاب لان فيه كثير ناس تقص الشجره وهي خضراء وهذا لايخفى عليكم وحسبنا الله ونعم الوكيل

[أبو أنس ز]

الله المستعان..

[ابومعاذ z22]

انا ضد الا سراف بجميع اشكاله
بس ليه المبالغة في الوصف لو عديتها ماتحي ال15

[ارثمس]

حسبنا الله ونعم الوكيل
إن الله لا يحب المسرفين

[سمير الغامدي]

نسأل الله الا يعاقبنا بما فعله السفهاء يااااااخي صيد ما قلنا لا تصيد لكن بقدر حاجتك تزيد عن حاجتك هذي مسخره واستهتار البعض يقول الله الله اذا سمعت صوت السلاح معاد اقدر اوقف سلاماااات اركد وانا اخوك شوي.

[abu_ryan_500]

انا مع الاخوان اللي يقولون انه الصيد جائر، حتى الطيور المهاجرة معرضة تنقرض على هالشغل والتفنن والترزز قدام الكاميرات لو ما ينقرض بتقل كمياته تدريجيا وصار الصيد للتصوير والتفاخر كم فلان صاد ( يتفاخرون في برامج التواصل الاجتماعي )
وكلنا نشوف لنا سنين نصيد القميري قل والدخل بعد وكلنا نسمع عن بعض الناس انهم يصيدون الدخل بشبك ويبيعونه حتى وصل الامر يصدرون للخليج !!!
والله اننا نسمع عن ناس يسمونهم باساميهم اذا انتهى موسم الصيد واثر صيده بمئات الآلاف ويبيعونه على الخليج كله من الشبك وحتى كثير من الصيد يموت بالشبك ما احد فكه ، والله اننا استئجرنا مزارع للصيد كذا مرة ونحصل الشبك من اللي قبلها او من اهل المزرعة مشدود ، وشف عاد الكميات وأنواع الطيوم اللي ما سكتها الشبكه أشكال وألوان شي يوكل وشي ما يجوز صيده كل فاطس من هالعالم اللي ما تدرك ولا تقدر الأمور

انا صياد واحب الصيد بس ما ودي يجي يوم الواحد يطلع بعز الصيد ولا يلقى غير الحر والغبار
لو كل واحد اخذ حقه واللزود اللي يكفيه ما قل الصيد مثل اللي نشوفه الآن ( يعني صيد وارجع لك بمية دخله أو اكثرواعطي اهلك واللي تحب ) لكن لا ترجع وانت معبي فريزرات !!!
وهذا مقال بجريدة الوطن يحذر من الصيد الجائر

http://www.alwatan.com.sa/Local/News_Detail.aspx?ArticleID=199610&CategoryID=5

[ابن كديميس]

اللي بالسياره مايتعدى 30 كركه
الله يسعدهم وعليهم بالعافيه.
الصيد المعرض للانقراض المستوطن
المهاجر ماهو معرض للانقراض ولاكن المشكلة عندنا خط الهجره ضعيف والعبور فيه قليل وعلى هذا الصيادين اكثر منه.

[hani 66]

يا اخوان كيف الطيور المهاجره ماهي معرضه للانقراض .. هل سويت دراسه عن هالشي وعملت احصائيات ؟؟ وين ادلتك وين اثباتاتك ع كلامك ( ادله علميه ودراسات ) .. بالتاكيد ماعندك دليل

الكل قال نفس الكلام ع القمري .. وفي السنين الاخير الكل لاحظ انخفاض اعدادها

كفى استنزاف للحياه الفطريه ... لي متى وحنا نسرد اوهام وتخيلات واعذار واهمه عشان نرضي انفسنا

مانبي الفاس يطيح بالراس وتالي نفكر نتحرك .. نحتاج قوانين صارمه لردع المتخلفين و السفهاء

ونحتاج تثقيف الاجيال القادمه ع احترام الحياه الفطريه

[ريان البدراني]

لو مافيه تصوير مافكروا يصيدون هالكميه اللي يرحم زمان اول الصيد على قد الحاجه

[مطر وسم]

هذي الاشكال المتخلفه المسرفه بالصيد ليس قصدها حب للصيد وتلذذ بالطعم انما قصدهم هياط عند ربعهم وجماعتهم فقط

ناس جهله متخلفين

[ابن كديميس]

يا اخوان كيف الطيور المهاجره ماهي معرضه للانقراض .. هل سويت دراسه عن هالشي وعملت احصائيات ؟؟ وين ادلتك وين اثباتاتك ع كلامك ( ادله علميه ودراسات ) .. بالتاكيد ماعندك دليل

الكل قال نفس الكلام ع القمري .. وفي السنين الاخير الكل لاحظ انخفاض اعدادها

كفى استنزاف للحياه الفطريه ... لي متى وحنا نسرد اوهام وتخيلات واعذار واهمه عشان نرضي انفسنا

مانبي الفاس يطيح بالراس وتالي نفكر نتحرك .. نحتاج قوانين صارمه لردع المتخلفين و السفهاء

ونحتاج تثقيف الاجيال القادمه ع احترام الحياه الفطريه
عبوره على الجزيره العربيه قليل مقارنه مع الصيادين الان .
قبل 15سنة الصيادين اقل بكثير من الوقت الحالي .
وبختصار مايبغالها ادله وبراهين عشان اقنعك

[الهنتر]

صد بس يوم تعرض الصيد هو وشهوله هذا الي يقهرك التفاخر كل واسكت

[ملك الهوكي]

لا مو كل واسكت كل على قدك

وصيد ما يكفيك فقط بلاش من حركات ( صيد وفيد)


وبعض الناس الله يهديهم يعتقد إن المهاجرة ما تنقرض

لا يا عزيزي تنقرض إذا كان الصيد بالغباء هذا أكيد بتنقرض

الطيور تأتي من آخر الدنيا وتقطع القفار والقارات لتتكاثر وتنتقل من مكان بارد إلى بيئة مناسبة

ويأتي شخص متهور ويقضي على الحرث والنسل

الكل لاحظ انخفاض أعداد الطيور المهاجرة والأجوال إلا أنت تكابر

القماري الآن نادرا ما تشوفها والكل يعرف أن ايجاد الصيد زمان أسهل من الآن يا ترى ماهو السبب؟

قلة الطيور باختصار بسببك أنت وأشكالك

[ابو محمد 40]

ما اشوف اباده! والطير اصلا صعب صيده لكن تحبون المبالغه.

[هيوماكس]

طبل يامطبل بس لافات الفوت ماينفع الصوت
الله يهدي كل ضال ويعطيه عقل يفكر به
ويفرق بين الخطأ والصواب
. . .
شكرا للجميع على التعليقات سواء كانت سلبية او ايجابية

[خشكاري]

لا حول ولا قوة إلا بالله !!!!

عاد من زين لحمة الكرك علشان يصيدونه بهالكثرة

الله يهديهم بس هذا إللي أقدر أقوله

[الصيد هوايه]

صدقني لو مافيه تصوير ماصادو هذا العدد بعض الناس لو يصيد سمانه نزل لها مقاطع وصور في كل مكان

[حسن ابو طالب]

للأسف عندنا بشر يأكلو كل شي
واي كائن حي يمشي امامهم يصيديوه حتى لو مايبون يأكلوه
وبعدين دام انهم اكلو الضبع مااتوقع بيخلو شي ..
اغلب رحلات الصيد والقنص غرضهم تسليه في المقام الاول

[هيوماكس]

للأسف عندنا بشر يأكلو كل شي
واي كائن حي يمشي امامهم يصيديوه حتى لو مايبون يأكلوه
وبعدين دام انهم اكلو الضبع مااتوقع بيخلو شي ..
اغلب رحلات الصيد والقنص غرضهم تسليه في المقام الاول


ههههههههههههههه:D:D
كلام من ذهب
كفيت ووفيت يابوطالب