المساعد الشخصي الرقمي

مشاهدة النسخة كاملة : وش الحل مع حرارة الباترول


زياد علي
11/09/2015, 02:39 AM
عندي الحرارة اولاطبيعية سواء مع المكيف او اثناء الوقوف في الازدحام

المشكلة لاطلعت البر وقعدت اعافر الموتر بطلعة بالنفود اوجبال ترتفع الحرارة الى النص وبعدها اطفي السيارة وسمع صوت الموية تطبخ الييين اخليها فترة تبرد ورجع اشغل
وعلى هلحال مع اي طلعة
الموتر باترول 99 ومركب له رديتر اردني وماء اصلي وغطاء اصلي
مالحل مع الحرارة وهل لها اضرار مستقبلا...!؟
M.305
11/09/2015, 04:51 AM
ارحب أبو علي ..
القير عادي أو تماتيك!
علتي مثلك .. لاحراره ولاشي بس لاطلعت نفود علني سنه كامله
اوزن ديلكو مسدس و شيك على مراوح وسيخ الاديتر وان شاءالله يسلك
الاضرار رأس مكينه ينشعر أو سرندل لاتخليه كذا اذا ارتفعت حرارة أمش به سرعه
60 تنزل حراره موتري تماتيك
وان تبي العلم بعه ابرك لك انا مغير 8 مكاين والتاسعه نص توظيب
مايخااااارج
يالبى الهلا
11/09/2015, 09:28 AM
ركب مراوح كهرباء مرسيدس خارجية بقاصل يدوي عندك
في زحمة الوقوف مع المكيف مع التطعيس شغل تنزل الحرارة غصب
فتك الجنوب
11/09/2015, 08:34 PM
عندك لديتر يحتاج تغيير لن عمره الافتراضي انتها

اذا ارتفعت الحراره وصارت المويه تطبخ دخل يدك على لديتر وتحسسه بيدك وتشوف كل شبك لديتر حار او لا
وامسك لي لديتر الي فوق والي تحت وشوف حرارتها واحده
فتك الجنوب
11/09/2015, 08:36 PM
صارت معي وغيرت لديتر وطرمبة مويه وبلف حراره وتماتيك مروحه وغطاء لديتر وزبط
عبقري91
12/09/2015, 03:54 AM
كل شي سويته خص بالحر. الي يطري على بالك والي مايطري
مانفع.
بالخط تنزل وبدون زحمه تنزل شوي لاكن زحمه ومعافر مع مكيف. تاصل حول النص او الثلث
ركبت مراوح خارجيه قويه حقت جيب نيسان فتك. حطيت ثنتين بفاصل
والحمد لله. ما اقولك انزلت مره بس حول الربع. فوقه بشرطه.
اهم شي جابت نتيجه
خرطة راس وزنت ديلكو غيرت اديتر شلت مراوح السوبارو وركبت بلد نظفة المكينه غيرت خراطيش غيرت بلف غيرت حساس حرارح.
فحصة طرمبة ماء غيرت ماء اصلي. عجزت عنها. بزحمه والمكيف. ونمره واحد وثاني ووقوف. بزحمه ترتفع حول النص
المهم ركبت مراوح خارجيه والحمد الله. جابت نتيجه
وترا عندنا حر يقطع القلب. السنه هاذي
سفاري سوبر
12/09/2015, 02:12 PM
اخوي شفت تماتيك المروحه
المسلهم
12/09/2015, 03:36 PM
نفس المشكلة
مريت راعي اديترات سعودي قال عندك الاديتر وركب لي اردني ولا استفدنا شيء يولفون
علما ان اديتري اصلي الله يخلف
يظهر لي وانا ماطبقتها انه من الثلاجة اللي قدام الاديتر من الخارج اظنها للمكيف تصير مسكره مايدخلها الهواء وبالتالي مايصل الى الاديتر
AL-OTAIBI
12/09/2015, 03:37 PM
غير موية الرديتر الى موية اصلية قبل تغير اي شي و تأكد ان نظام التبريد كله ما فيه تنسيم
زياد علي
12/09/2015, 10:57 PM
يعطيكم العافية
تم حل المشكلة لابد ولله الحمد
السبب تم تسييخ الرديتر وتم ملاحظة سدد في المسام لكثرة الاتربة وتم تنظيفة وتلحيم خرم وتغيير الغطاء الى النوع الاصلي +ماء رديتر اصلي
المهم جربت الموتر مع اطول طلعة وقلت يانا ياهو في عزالظهر وحرارة الجو كانت 43تقريبا
ولكن ماشاء الله ثبتت الحرارة على المستوى الطبيعي وهذا بدون تركيب اي مراوح اضافية

وشكرا للجميع على تفاعلكم وجعلها الله في موازين حسناتكم
أبو فراس
12/09/2015, 10:59 PM
انا كان عندي نفس المشكلة
وغيرت تماتيك المروحة وانحلت المشكلة وصار على الربع مثل اول