نصيحتكم بخصوص بواجي واسلاك بواجي سوبربان 2007

[3zyiz]

السلام عليكم
اخواني عندي سوبربان LTZ2007
قبل سنتين فكيت الفصلة الى 220
وعدلت تسارع القير من 70% الى 50%
السيارة ماشاءالله تبارك الله عزمها حلو
http://images.buysellsearch.com/image/orig/5ecf50e110aa455129709a32bcadf156/2007-chevrolet-suburban.jpg

الأن انا احترت في البواجي ودي اغيرها لأني من شريتها قبل 3 سنين من صالة سيارات امريكية ما غيرت لا بواجي ولا اسلاك بواجي
ا
هل تنصحوني بنوع معين من البواجي ؟
وهل تنصحوني اغير اسلاك البواجي او اتركها مثل ما هي ؟

8 pcs NGK G-Power Plug Spark Plugs 1995 Chevrolet Suburban 1500 5.7L V8 Kit nm
http://i.ebayimg.com/00/s/MTIwMFgxMjAw/z/~EEAAOSweW5VewBY/$_12.JPG
8 pcs NGK V-Power Plug Spark Plugs 00-14 Chevrolet Suburban 1500 6.0L 5.3L ma
http://i.ebayimg.com/00/s/MTIwMFgxMjAw/z/DIAAAOSwl8NVeyBq/$_12.JPG
Spark Plug Wire Set-Custom MSD 35659 fits 71-74 Chevrolet C20 Suburban 5.7L-V8
http://i.ebayimg.com/00/s/MTQxMlgxNTAw/z/PPAAAOSwyQtVi~rV/$_12.JPG
12192364 New Set of 9 Spark Plug Wire Chevy Van Suburban Chevrolet C1500 GMC
http://i.ebayimg.com/00/s/MTIwMFgxMjAw/z/YXcAAOSwHnFV4TFx/$_57.JPG
Taylor Cable Spark Plug Wire Set of 8 New Chevy Suburban Chevrolet C20 74202
http://i.ebayimg.com/00/s/MTE4N1gxMTg3/z/O6YAAOSwd0BVwwFq/$_12.JPG

[حسين السبيعي]

اخي العزيز ارجو من الله ان يبارك لك في سيارتك ويعطيك خيرها ويكفيك شرها وارجو منك عدم التهور في السرعه اما بخصوص البواجي فتصحك NGKالرديوم عمرها طويل وتعطي اشاره صحيحه

[alwali]

وين فكيت الفصله
ولازم ابرمج القير بعد

[1824]

اخوي السرعة ما منها فائدة ودمار للمحرك وقيرك وحياتك ولكن على العموم بالنسبة للاسلاك افضل شركة اسلاك هي MSD ممتازة جدا بلا منازع وبسعر ممتاز والبواجي اما تأخذ بواجي الوكالة المصنع حق موترك مافي احسن منها او بواجي PULSTAR وهذي لا تباع هنا في أمريكا فقط ولا ليس لها وكيل هنا وغاليه سعر البوجي الواحد حوالي 60 ريال وانا افضل بواجي الوكالة كونها اريديوم والوكالة تنصح بتبديلها كل 5 سنوات معناتها ممتازة جدا بالتوفيق لك

[الحربي 591]

ناوي تطير ما شاء الله عليك

[3zyiz]

الله يجزاكم خير يا اخوان
صدقوني انا ما تهمني السرعة لا تفكروني متهور !!
الله يرضالي عليكم
كل سالفة التعديل بسبب اني اواجه ثقل في السيارة بالمناطق الجنوبية خصوصا الجبلية منها لما تطلع طلوع ثقيل تحتاج دعسة خفيفة عشان تعطيك قوة دفع للمحرك وتخفف ثقله .. غالبا تكون السيارة محملة عفش مثل
قبل التعديل كنت اطلع مثلا طلعة الهدا من مكة الى الطايف والاحظ العزم يثقل
اتضح ان السبب :
1- عدم وجود مبرد قير
2- ثقل العزم في المكينة والقير بسبب الحمولة والعفش

اضطريت للتعديل عشان تخف الدعسة معي في الطلوع . هذا بالنسبة للشفا .. ولكن لو نضرنا لمناطق اخرى مثل منطقة الباحة !! فيها انفاق طويله وفيها طلوع ثقيل وخصوصا لما اطلع رحلات في اماكن بعيدة يمكن اذا فيكم احد من اهل الباحة يعرف مواقع الشلالات والأودية جهة العقيق ووسط الباحة وما جاورها .. ايضا جبال شدا الي كنت اخذ المسافة بالساعات وتقدر 3 ساعات طلوع تقريبا والأن مع تطويرها تناقصت المسافة الى ساعتين او اقل
كل هذا يحتاج عزم للسيارة خفيف
ومهما استخدمت من سيارات فأنا من عشاق السوبربان في الحل والترحال

من كم يوم شريت مبردين قير لسيارتي وسيارة زميلي عن طريق امريكا ووصلتني
ولا ادري وين اركبها بصراحة ما لقيت الشحص المناسب والثقة وبالسعر المناسب

باقي لي البواجي ما غيرتها من 3 سنين من شريت السيارة الى اليوم .. فقلت بجيبها من امريكا افضل
ايضا ياليت تفيدوني عن الفحمات للسوبربان مكينة 1500 LTZ وش الأفضل الي ممكن اجيبها من امريكا
بارك الله فيكم

[3zyiz]

وين فكيت الفصله
ولازم ابرمج القير بعد

ما ودي اخذ ذنبك وانا اخوك هههههه
بس فكيتها عند واحد سوري في الصناعية بالرياض مخرج 17
اعتقد الحين كل من هب ودب يفك الفصلة
وفيه واحد مصري بمخرج 18 بالدائيري الجنوبي مقابل شركة نادك يفك الفصلة ويبرمج خرائط التاهو واليوكن الأمريكي .. بس انه متزمت وسعره ما ينزل ريال .. وكل كلامه ان البرنامج غالي والاشتراك بـ 7 الاف
مدري الحين نزل قيمة الاشتراك الى 3 الاف والا توه ههههه

اما برمجة القير فهذي من اختصاص حبيب قلبي ابو هاني مختص ببرمجة قيور ومحركات الراليات سابقا
بس عقل الحين ههههه

لكن بشوف اذا باقي عنده الجهاز عطني خبر على الخاص اتأكد لك منه وتقابله يبرمج لك المكينة والقير كلها

[3zyiz]

يعني نصيحتكم بواجي NGK
واسلاك MSD
(( اتمنى تعطوني رقم الموديل الي يركب على سيارتي مكينة 1500 حجم 5.7 ليتر ))

او كلها مثل بعض ؟

[1824]

يعني نصيحتكم بواجي NGK
واسلاك MSD
(( اتمنى تعطوني رقم الموديل الي يركب على سيارتي مكينة 1500 حجم 5.7 ليتر ))

او كلها مثل بعض ؟

أولا محرك سيارتك هو 5.3 لتر ولا يوجد أي محرك اخر متوفر للسوبربان غير هذا الا موديلات 2500 تجي 6.0 لتر رقم اثنين بواجي NGK غير مناسبه حتى لو متوفره لسيارتك افضل نوع قلتلك اما حق الوكالة او PULSTAR وهذا في أمريكا اذا تبي تطلبها اعطيك رقمها ولاكن لازم توزن الراس حق البوجي قبل التركيب وهذا رقم البوجي AD1H10 اذا تبيه البوجي حوالي سعر 15 دولار للحبه اذا بتشتريها قولي عشان اعطيك تعليمات التركيب وبالنسبة للاسلاك MSD هذي رقمها MSD 32829 ممتازة جداً سعرها حول 70 دولار التركيب ما يحتاج ولكن لا تنسى تحط شحم كهرباء لتوصيل افضل وحماية متسقبليه في حالة الدخول في أماكن رطبه او ممطره او مائية ما تتاثر الشرارة وتبقى قوية وتعيش اكثر عمر ممكن أي سؤال حاضر بالتوفيق لك

[خالد الفووزان]

بدل التعديل هذا كله فيه قطعة اسمها سبرينت بوستر SPRINT BOOSTER يعطيك فرق كبير للاستجابة للثروتل الالكتروني و اذا كنت تستخدم زيت ثقيل تراه يضعف العزم

[3zyiz]

أولا محرك سيارتك هو 5.3 لتر ولا يوجد أي محرك اخر متوفر للسوبربان غير هذا الا موديلات 2500 تجي 6.0 لتر رقم اثنين بواجي NGK غير مناسبه حتى لو متوفره لسيارتك افضل نوع قلتلك اما حق الوكالة او PULSTAR وهذا في أمريكا اذا تبي تطلبها اعطيك رقمها ولاكن لازم توزن الراس حق البوجي قبل التركيب وهذا رقم البوجي AD1H10 اذا تبيه البوجي حوالي سعر 15 دولار للحبه اذا بتشتريها قولي عشان اعطيك تعليمات التركيب وبالنسبة للاسلاك MSD هذي رقمها MSD 32829 ممتازة جداً سعرها حول 70 دولار التركيب ما يحتاج ولكن لا تنسى تحط شحم كهرباء لتوصيل افضل وحماية متسقبليه في حالة الدخول في أماكن رطبه او ممطره او مائية ما تتاثر الشرارة وتبقى قوية وتعيش اكثر عمر ممكن أي سؤال حاضر بالتوفيق لك
بارك الله فيك يا غالي .. المعذرة على الخطأ ( مكينة 5.3 لتر ) :D شطحت بسبب التركيز في الموقع .
صدقت .. لقيت PULSTAR سعرها 14.95$ والله يا هي نار :( الحبة تطلع 57 ريال تقريبا يعني الثمان حبات تطلع بـ 450 ريال من غير الشحن .. ولكن مقارنة في بواجي الهوندا الأكورد 2008 سعر الأربع حبات 470 ريال .. ادفعها في الجمس ولا في الهوندا :D

طيب بالنسبة للنوع الثاني بارك الله فيك هل فيه نوع ثاني اقل تكلفة ؟ ويعطي نفس الاداء ؟ او حسب تجربتك ماستغني عن شورك :)
وعملية وزن راس البوجي !! ما فهمت ! يعني له طريقة للتركيب غير الطرق العادية ؟ لأني بركبها عند كهربائي هذا الي في بالي !
ولا هنت عطني الروابط للقطع عشان احسب تكاليفها واجيبها .. احسها افضل من الي عندنا ولا بد من تغييرها قريبا


بدل التعديل هذا كله فيه قطعة اسمها سبرينت بوستر SPRINT BOOSTER يعطيك فرق كبير للاستجابة للثروتل الالكتروني و اذا كنت تستخدم زيت ثقيل تراه يضعف العزم
يعطيك العافية اخوي خالد ! انا ماجربت القطعة الي تقولها وياليت تعطيني تفصيل اكثر عنها بارك الله فيك
بالنسبة للزيت بصراحة استخدم غالبا زيت ثقيل لأن المكينة تنقص عندي ولا تكمل 3 الاف كيلو الا والزيت في ربع المعيار بس مع الزيت الثقيل يصير نقص علبة في كل خمس الاف كيلو

[1824]

البواجي الثانية حقت الوكالة اشتر حقت الوكالة حق الوكالة يجي اريديوم أصلا وممتاز جدا وقوي وطويل الاجل بتحس بفرق اذا غيرت البواجي جديدة مع اسلاك بواجي هذا رقمها 32829 MSD ممتازة جداً وطريقة التركيب اهم شيء تستعمل شحم كهربائي لتوصيل ممتاز للكهرباء وعدم خلل الكهرباء حتى في الأوضاع القاسية مثل الرطوبة والمطر او الإمكان المائية وانت قرر وقلي عشان اشرح طريقة التركيب اكثر وتقدر تركبها بارخص سعر بالتوفيق لك الاسلاك غيرها بنفسك ما تحتاج أدوات ولا شيء بس اشتر شحم الكهرب وانا بشرح لك التركيب بفيديو وتوفر على نفسك وتشتري فيها البواجي وتركبها سعر تركيب البواجي ما يتعدى 50 ريال لان الجمس سهل جدا تغير بواجيه بالتوفيق لك

[3zyiz]

ربي يسعدك يا شيخ
الله يحفظك
اجل سنع لي طريقة التركيب الله يوفقك وخلني اتبطح داخل كبوت الجمس ..
الحين هذي اسلاك لبواجي 32829 MSD
وبالنسبة للبواجي بارك الله فيك هذا رقمها AD1H10

اهم شي تكون للسوبربان ltz2007
مع اني اشوف بالموقع يقول تركب على سيارة او عدة انواع من نفس نوعيك السيارة !!!
بس ما ودي اجيب العيد

[1824]

ربي يسعدك يا شيخ
الله يحفظك
اجل سنع لي طريقة التركيب الله يوفقك وخلني اتبطح داخل كبوت الجمس ..
الحين هذي اسلاك لبواجي 32829 MSD
وبالنسبة للبواجي بارك الله فيك هذا رقمها AD1H10

اهم شي تكون للسوبربان ltz2007
مع اني اشوف بالموقع يقول تركب على سيارة او عدة انواع من نفس نوعيك السيارة !!!
بس ما ودي اجيب العيد

الأرقام مظبوطة وصحيحة اصعب شيء في الموضوع راح يكون وزن راس البوجي اذا قدرت تسويه ممتاز او تخلي أي ميكانيكي يسويها لك وهذي اشكال القطع التي تستعمل بالوزن شوف هذا الرابط

https://www.google.com/search?q=gapping+spark+plugs&espv=2&biw=1366&bih=643&source=lnms&tbm=isch&sa=X&ved=0CAkQ_AUoA2oVChMIns-G5ouPyAIVgTiICh0EqgYM

شوف الصور وبتعرف وش اقصد وهذا فيديو
IuW3svdqKZM
تشوف كيف يسونها انت مطلوب منك تحط البواجي على 0.40الف من الانش احتمال انك تستعمل نوعيه بالملي متر يجيك مكتوب عليها جمب الرقم صغير mm ولازم يكون الرقم اقرب الى 1.016 mm واذا تشوفها انها معقدة عليك انصحك تشتري بواجي الوكالة وبس تراها ممتازة جدا وطويلة عمر وتركبها مباشرة بدون وزن ولا شيء بس تحط شحم كهرب وتركب واهم شيء لا تشد على البواجي وقت التركيب اول لمن توقف وانت تلفها عطها ربع شدة وخلاص الاسلاك هي الي بتسوي الفرق مع بعض خلطه حلوة حق ما يقل عن 150 الف كيلو قادمة

وهذي طريقة تركيب البواجي والاسلاك للجموس بشكل عام من 2000 الى 2014
RXjjjwsjTHk
نفس الطريقة ما تغيرت لمحركات الثمانية سلندر والشحم الكهرب مو ذاك الضروري ولاكن يفضل خصوصا اذا تروح أماكن رطبة او مائية بالتوفيق لك واي سؤال بخدمتك

[3zyiz]

بيض الله وجهك
ما قصرت على الشروحات الخقق ههههه
سلمت يمينك

طيب ياغالي لو افترضنا اني بركب بواجي الوكالة مع اسلاك 32829 MSD
ما عطيتني رقم بواجي الوكالة او نصحتني بنوع معين اشتريه على طول ؟
اذا قدرت تفيدني فيها بارك الله فيك اكون لك شاكر وممنون
..
وبعدها بقرر اخذ تبع الوكالة او اخذ ( AD1H10 )
ولو باخذ AD1H10 بحاول اطلبهم الميزان تبعها او اشتريه بلحاله .. يمكن احتاجه مستقبلا !!
وشحم الكهرب الله يسعدك اذا فيه نوع ممتاز غير المتوفر عندنا بالسعودية !! اذا فيه نوع معين تعطيني اسمه او رقمه او الرابط تبعه

[1824]

بيض الله وجهك
ما قصرت على الشروحات الخقق ههههه
سلمت يمينك

طيب ياغالي لو افترضنا اني بركب بواجي الوكالة مع اسلاك 32829 MSD
ما عطيتني رقم بواجي الوكالة او نصحتني بنوع معين اشتريه على طول ؟
اذا قدرت تفيدني فيها بارك الله فيك اكون لك شاكر وممنون
..
وبعدها بقرر اخذ تبع الوكالة او اخذ ( AD1H10 )
ولو باخذ AD1H10 بحاول اطلبهم الميزان تبعها او اشتريه بلحاله .. يمكن احتاجه مستقبلا !!
وشحم الكهرب الله يسعدك اذا فيه نوع ممتاز غير المتوفر عندنا بالسعودية !! اذا فيه نوع معين تعطيني اسمه او رقمه او الرابط تبعه

هذا رقم بواجي الوكالة ACDELCO 41-110 ممتازة ولا تحتاج وزن تركيب مباشرة وبالنسبة لشحم الكهرب مو لازم يكون نوع معين عندك ساكو تجيب أنواع ممتازة من أمريكا واسعارها ممتازة أيضا اهم شيء مكتوب عليه dielectric grease

شوف هذا الرابط تشوف صور له

https://www.google.com/search?espv=2&biw=1366&bih=643&tbm=isch&sa=1&q=dielectric+grease&oq=di+electric+grease&gs_l=img.3.1.0i7i30j0i10i30.48488.50688.0.54984.5. 5.0.0.0.0.91.386.5.5.0....0...1c.1.64.img..1.4.322 .onqFCWRCnUE

بالتوفيق لك واي سؤال حاضر بخدمتك

[1824]

وتذكرت طبعا الشحم تحطه على الاسلاك نفسها مو على البواجي مباشرة وهذا مقطع يشرح كيف تحط الشحم للاسلاك انقز في المقطع الى الدقيقة 1.17 وبوريك كيف تحطه وهذا المقطع

-542IYGBbpg

[3zyiz]

بارك الله فيك وانا اخوك :)
وبيض الله يور فيس

افدتني الله يعطيك العافية ويكثر من امثالك

بأذن الله اليوم انقز على ساكو اخذ الشحم واطلب البواجي والاسلاك

الغريب اني شفت عرض على بواجي مع اسلاكها .. لكن في الصورة الاحظ ان الاسلاك قصيرة ! والرقم مختلف في بعضها
مدري هي تفرق والا وش سالفتها !

[1824]

بارك الله فيك وانا اخوك :)
وبيض الله يور فيس

افدتني الله يعطيك العافية ويكثر من امثالك

بأذن الله اليوم انقز على ساكو اخذ الشحم واطلب البواجي والاسلاك

الغريب اني شفت عرض على بواجي مع اسلاكها .. لكن في الصورة الاحظ ان الاسلاك قصيرة ! والرقم مختلف في بعضها
مدري هي تفرق والا وش سالفتها !

مافهمتك والله بالظبط الاسلاك الرقم الي عطيتك إياه هو حق سيارتك ويركب عليها والبواجي كذلك اذا تبي تأخذ الي من أمريكا وزن راس البوجي ضروري ومهم جدا والا راح يكون ما منه فائدة وقد توصل ان يسبب اضرار مثل ضعف عزم وتفتفه وصرف بنزين زائد بدال ما يفيدك يضرك واي سؤال بخدمتك وكل عام وانت بخير

[3zyiz]

وانت بخير وصحة وسلامك وبارك الله فيك على هالمساعدة السريعة :)

بارك الله فيك

[3zyiz]

وانت بخير وصحة وسلامك وبارك الله فيك على هالمساعدة السريعة :)

واجهت مشكلة ودي استفسر منك عنها !
طبعا انا أضفت سيارتي وموديلها ومن هالكلام في موقع الشراء ..
بالعادة اي شي اشتريه يعطيني علامة ( صح ) بأن هذا يخص سيارتي او متوافق معها

بالنسبة لأسلاك البواجي ظهر لي انها لا تتوافق مع سيارتي !!!
شف الصورة الله يسعدك :
http://up.harajgulf.com/do.php?img=233475

شف هنا يقول لك متوافق :
http://up.harajgulf.com/do.php?img=233687

[1824]

وانت بخير وصحة وسلامك وبارك الله فيك على هالمساعدة السريعة :)

واجهت مشكلة ودي استفسر منك عنها !
طبعا انا أضفت سيارتي وموديلها ومن هالكلام في موقع الشراء ..
بالعادة اي شي اشتريه يعطيني علامة ( صح ) بأن هذا يخص سيارتي او متوافق معها

بالنسبة لأسلاك البواجي ظهر لي انها لا تتوافق مع سيارتي !!!
شف الصورة الله يسعدك :
http://up.harajgulf.com/do.php?img=233475

شف هنا يقول لك متوافق :
http://up.harajgulf.com/do.php?img=233687

MSD كاتبه في موقعها انه يركب وهذا المهم ولا تخاف في بعض القطع غير مضافة في نظام توافق السيارات في امازون او ايباي دام الرقم الي كتبته لك مكتوب على القطعة امورك سليمه ولا تخاف لان الاسلاك تركب من 99 الى 2014 ما تغيرت الي تغير الكويلات والبواجي فقط بالتوفيق لك

[3zyiz]

:good2:بيض الله وجهك

كذا خلاص .. ما بقى الا عملية الشراء :)
اتصلت على محل قطع غيار اعرفه قال لي البواجي AC delco قيمتها 220 ريال وفيه نوع بـ 130 ريال
واسلاك البواجي تقريبا 160 ريال مدري 170

بشتريها من برا ارخص واطلق :good2:
وفقك الله
ولي عودة بأذن الله اعطيك الاخبار اول ما توصل :good:

[1824]

:good2:بيض الله وجهك

كذا خلاص .. ما بقى الا عملية الشراء :)
اتصلت على محل قطع غيار اعرفه قال لي البواجي AC delco قيمتها 220 ريال وفيه نوع بـ 130 ريال
واسلاك البواجي تقريبا 160 ريال مدري 170

بشتريها من برا ارخص واطلق :good2:
وفقك الله
ولي عودة بأذن الله اعطيك الاخبار اول ما توصل :good:
في خدمتك حبيبي ووافني في الاخبار نشوف كيف الفرق بالتوفيق لك

[3zyiz]

بارك الله فيك يا غالي وكثر الله من امثالك :)

تدري وش الي قهرني ؟؟؟؟
اكثر شي قهرني السعر ههههههههههه

اسلاك البواجي $75.95
البواجي 119.6$
المجموع الكلي = 195.55$
يعني قيمتهم تقريبا مع الشحن 750 ريال !
وجعني قلبي يوم شفت السعر هههههههههههه

الحين لو قلنا سعرها عندنا بالسعودية حسب خبرتك بارك الله فيك .. بالنسبة لأسلاك البواجي حسب ما فهمت من محل قطع غيار كلمته يقول البواجي سعرهم 200 ريال واسلاك البواجي 130 مدري 160 !! نسيت كلامه
لكن مدري وانا اخوك صرت معلق في هالموضوع !
من امريكا 750 ريال ومن والنوع العادي عندنا 350 ريال تقريبا
فرق جاف !

وش رايك عطني الحل والله اني اختبصت ! ماعاد عرفت افكر ولا اختار

[1824]

بارك الله فيك يا غالي وكثر الله من امثالك :)

تدري وش الي قهرني ؟؟؟؟
اكثر شي قهرني السعر ههههههههههه

اسلاك البواجي $75.95
البواجي 119.6$
المجموع الكلي = 195.55$
يعني قيمتهم تقريبا مع الشحن 750 ريال !
وجعني قلبي يوم شفت السعر هههههههههههه

الحين لو قلنا سعرها عندنا بالسعودية حسب خبرتك بارك الله فيك .. بالنسبة لأسلاك البواجي حسب ما فهمت من محل قطع غيار كلمته يقول البواجي سعرهم 200 ريال واسلاك البواجي 130 مدري 160 !! نسيت كلامه
لكن مدري وانا اخوك صرت معلق في هالموضوع !
من امريكا 750 ريال ومن والنوع العادي عندنا 350 ريال تقريبا
فرق جاف !

وش رايك عطني الحل والله اني اختبصت ! ماعاد عرفت افكر ولا اختار

البواجي غالية قلتلك بس تستاهل وبكيفك انت

[R I V A L]

الاخ 1824
ما قصر كفى ووفى
ولكن لي تعقيب بسيييييييييييط على عملية الشراء من الخارج
وهي انه ليس كل شيء في امازون او اي باي معناته ارخص من عندنا !!!
خل هذه القاعدة في راسك
في اشياء وايد ارخص عندنا من عندهم
كيييييييييييييف ؟؟ لا تسألني ههههههه
من خلال تجاربي في السوق الالكترونية
في اشياء هنيه عندنا ارخص من عندهم وانا مجرب !!!

عموما نصيحة عابرة
خذ بواجي واسلاك الوكالة
افضل واضمن هذا من وجهة نظري كمجرب
ولك خالص التحايا

[1824]

الاخ 1824
ما قصر كفى ووفى
ولكن لي تعقيب بسيييييييييييط على عملية الشراء من الخارج
وهي انه ليس كل شيء في امازون او اي باي معناته ارخص من عندنا !!!
خل هذه القاعدة في راسك
في اشياء وايد ارخص عندنا من عندهم
كيييييييييييييف ؟؟ لا تسألني ههههههه
من خلال تجاربي في السوق الالكترونية
في اشياء هنيه عندنا ارخص من عندهم وانا مجرب !!!

عموما نصيحة عابرة
خذ بواجي واسلاك الوكالة
افضل واضمن هذا من وجهة نظري كمجرب
ولك خالص التحايا


يا هلا ومرحبا المشكلة الاسلاك والبواجي الي نتكلم عنها غير نوع الوكالة بواجي الوكالة ممتازة ولكن الاسلاك للأسف فاشلة ولكن على قولتهم اذا ودك تعدل ياتشتريها كلها ولا خلك على الوكالة وبس والخيار للرجال ما عرفنا له هههههههه وصادق في أشياء ارخص هنا الي أسعارها دولية ولان احنا بدون ضرايب فتجي ارخص هنا بالتوفيق لك حبيبي

[3zyiz]

R I V A L
نورتنا يا غالي :) كلامك صحيح بارك الله فيك من ناحية انه مو كل شي من برا يكون ارخص من هنا .. وانا مجرب هالشيء ايضا .. كمشتريات انا شريت من مبرد القير من برا بـ 600 ريال ( ترو كول ) مقاس 40 الف .. بينما سعره عند ربعنا 1300 ريال .. ياعمي عالم تبي تاكل لقمة كبيرة هههههههه الله يصلح الحال بس
ايضا شريت لمؤسسة اخوي أجهزة صوتيات وميكسر 3 قطع سعرها هنا 11 الف وجبتها بـ 4400 ريال .. الفرق يصرع البعير هههههه
وفيه اشياء بصراحة ما تنشرى .. مثل دفرنس شيروكي رنجلر موديل 2014 لقيته من برا سعره 10 الاف وهنا سعره ما يتعدى 5 الاف تقريبا الى 6 الاف ريال

بالنسبة للبواجي ميزتها تعطي دفع كهرب أفضل من بواجي الوكالة واحتراقها اقل من بواجي الوكالة هذي الفكرة الي دارت في راسي من سنين .. والله اعلم
لكن حسب تجربتي لبواجي ( بوش ) الي كانت تجي طلبية من 20 سنة ايام الكامارو والترانز إم محركات 454 فكانت ممتازة للسيارات هذي ومريحة لها
والشباب ماشاءالله عليهم اخبر مني والزمن تغير طبيعي :)

اما الأخ 1824 ما قصر افادني بمعلومات جامدة بيض الله وجهه
واذا ما فادتني الأن بتفيدني في القريب العاجل بأذن الله تعالى

حاليا بصراحة شفت الاسعار وتكلفتها وقلبت راسي لين دخت واخر شي ركب بواجي واسلاك بواجي الوكالة قبل امس
البواجي رقم 110 وكالة سعرها 210 ريال
اسلاك البواجي الأصلي لقيتها في محل بـ 180 وشريتها من محل ثاني بـ 120
يعني كلفتني 210 + 120 = 330 ريال
اما التركيب لقيته قلق بصراحة خصوصا البوجي الثامن يبي لك تطلع المكينة برا ههههههههه اقلقني

اقدم شكري لك 1824 وللجميع بالمشاركة الحلوة والممتعة هذي
ولنا لقاء اخر بأذن الله :)

[3zyiz]

بدل التعديل هذا كله فيه قطعة اسمها سبرينت بوستر SPRINT BOOSTER يعطيك فرق كبير للاستجابة للثروتل الالكتروني و اذا كنت تستخدم زيت ثقيل تراه يضعف العزم

بالصدفة كنت ابحث في احد المواقع الأجنبية (( احوس وادوس فيها :D )) المهم لقيت الجهاز الي تقول عنه هذا وتذكرت ردك في الموضوع :good2:
دخلت ايوتيوب ولقيت عنه شروحات :) بصراحة بصراحة :D ما يسوى قيمته
سعره لقيته ما بين 300 الى 400 دولار يعني 1200 ريال كحد اقصى لسعره ولا اعتقد يستحق هالقيمة
ولقيت راعي هايلكس مركبه :D عزالله ماركبته بالجمس عقب الهايلكس ههههههه مع احترامي للهايلكسات بس مكينة 2700 طيارة على حجمها وش يبي بهالجهاز !
وعقبها اركبه للجمس ! قوية شوي ههههههه الجمس مكينته ترعد بلحالها ما يحتاج هالجهاز
كل الي تحتاجه من وجهة نضري برمجة القير من 70% الى 50% للسرعات ومن اول دعسة يبترم يمين ويسار لو ما تجوده
بكذا انت كسبت عزم للقير وكسبت نص القيمة الي بتدفعها يجهاز سبرنت بوستر
هذا في حال كنت تفكر بعزم جاف لسيارتك وراعي بر .. بس انا كل هالحوسة الي مسويها للخط وللمناطق الي فيها مرتفعات وعره احتاج هالحزم باستمرار بدل ماقعد اضغط على زر احمر وزر ازرق وشغله طويلة عريضة

[م س س]

بالنسبة للبوجي رقم ثمانية إللي من جهة قارورة المكيف فعلاُ فكته صعبه لكن عادة يفكونه من تحت السيارة مكانه ضيق .
بالنسبة لعزم السيارة ممتاز جداً حتى على المرتفعات وما يحتاج تزويد او تعديل ما ادري هل جربت قيادتها وهي جديدة بتعرف الفرق .
ما دام فيه صرفية زيت وتأكدت ان ما فيه تهريب فيكون ضغط السلندر اقل وبالتالي العزم بيقل عن وضعه الصحيح ومبرد القير ضروري تركيبه تسخن الكلتشات وزيت القير ويضعف قوة القير.
وضروري تحطله زيت 5w30 نفس المكتوب على غطاء الزيت زيت أي سي دلكو تصنيعي بالكامل وسيفون اصلي عزمه بيتحسن واذا بينقص ما هو ذاك النقص السريع وكذلك زيت القير وفلتره وزيت الدبل اذا فيه دبل وزيت الدفرنسات يجب تغييرها اذا زيوتها منتهيه تؤثر على عزم السيارة .
كذلك بوابة دخول الهواء ( ثرتل ) اذا فيها شوائب بيحصل تأخير في استجابة الدعسة وبعضها من يوم السيارة جديدة وفيها مشكلة وتحتاج تغيير قيمتها تقريباً 600 ريال وحولها .
اذا انت من النوع اللي يستخدم السيارة في في الطلعات وخاصة المنحدرات بشكل متقطع او مستمر لازم يتغير زيت الفرامل والمصنع يوصي بتغيير الزيت الفرامل كل 40.000 الف كيلوا ويستحسن انه يتغير في ممشى اقل من الأربعين الف بزيت اصلي يتم تنسيم الكفرات الأربع ليخرج الزيت القديم وتتعاير علبة الفرامل بين العلامتين الماكس والماين في المنتصف .