ددسن 98 شيبت براسي [الأرشيف]

احمدحمد

12/09/2015, 07:15 PM

السلام عليكم ورحمة الله وبركاته
ياشباب عندي موتري ددسن 98 كبليتر
فيه مشكله والله اني تعبت منه وكل ماجيت مهندس قام يتفلسف علي واحسهم نصابين يبون ياخذون فلوس بأي طريقه

مشكلتي كـ الاتي :(
مع الزحمه واذا وقفتها وقت مثلا نص ساعه تبدأ تقطع وتناتع وتطفي ؟ واذا دست لها بالدوسه تسمع صوت التقطيع والترتره
تكفون يالربع فزعتكم

المشكله والله انها ماتجيني الا اذا وقف مثلا بمكان مثلا نص ساعه او ساعه مع او بدون المكيف تجي المشكله ؟

يعني امغطها سفريات لو ابي 500 كيلو والله ماتقطع ولا شيء صافيه من احسن شي

بس المشكله اذا وقفت نص ساعه او اكثر بزحمه

الله يحرم وجيهكم عن النار انتظر اجابتكم

لاني مستغرب اذا حركت بعد 40 دقيقه ومسكت بها خط لو 500 متر ترجع من افضل مايكون

تكفون يالمكشاتيه انتظر ردكم

احمدحمد

12/09/2015, 07:26 PM

تكفون يالربع وينكم
انا ماقاهرني وفاقع مرارتي الا انها تضبط من حالها ؟
يعني تروح المشكله اول ما احرك ولو كنت بزحمه وواقف الخط لمده 40 دقيقه تبدأ تقطع وتفتف لازم ادوس لها عشان ماتطفي
يعني ودي انها ماتصلح من حالها عشان يقدرون يشوفونها المهندسين يعني اذا وصلت للمهندس رجعت زي اول ويقول وين المشكله ؟

:(

SGL

12/09/2015, 10:55 PM

أخوي أتوقع المشكلة بسبب الحرارة شيك على وزنية الديلكو زين وعلى كلتش المروحة والسير والرديتر وكل مايتعلق برتفاع الحرارة مثل الشكمان وغطاء الرديتر وبلوف المكينة وركب بلف حرارة أصلي لنفس الموديل وأبيك تستخدم بنزين أحمر 95 تجرب الموتر بعده شوفه يضبط أو ﻻ

احمدحمد

12/09/2015, 11:03 PM

ابيض وجه يالغالي
والله الحراره ابداً ماترتفع لو تسخن كنت انا مثلك اقول من الحراره بس ابد ماتسخن ؟
يا اخوان تعتقدون عين ؟ لان فيه شخص ازعجني يبي يشري الموتر بأي طريقه

SGL

12/09/2015, 11:22 PM

إنت متأكد إن الحرارة ماترتفع ولو بسيط يمكن يكون العداد خربان أو حساس الحرارة خربان مثل ماصار معي إنت ركب بلف حرارة ضروري إذا كان غير موجود وستخدم بنزين أحمر وجرب منت خسران وبنفس الوقت البلف ضروري وزين للمكينه

احمدحمد

12/09/2015, 11:56 PM

مشكور يالغالي بلف الحراره مغيره قبل اسبوع ومشيك عليه الحراره الحمدلله لاتسخين ولا تفوير امبير الحراره شغال 100%100

احمدحمد

12/09/2015, 11:57 PM

والله يا اخوان شي يحط العقل بالكف

اابو مياس

13/09/2015, 01:35 AM

السلام عليكم اخوي تاكد من ليات البنزين قد يكون فيهن اهتراء ومع الحراره عند الوقوف تظهر المشكله
شيك على ربله الديلكو

amir111

13/09/2015, 09:03 AM

السلام عليكم
من الي فهمته من وصفك للمشكله ... تنحصر بين البنزين والهواء
تاكد من وزن الكربريتر والديلكو .. لي الهواء تاكد منه ... تاكد من البواجي واسلاكها ... وتاكد من البليتين ...
لو السياره اول ماتوقف تسوي كذا كان قلت لك تاكد من اسلاك الكهرباء في البدي

الله يعطيك خيره ويكفيك شره

هذا الي عندي والله اعلم

ددسن الشرقيه

15/09/2015, 10:22 PM

السلام عليكم
من الي فهمته من وصفك للمشكله ... تنحصر بين البنزين والهواء
تاكد من وزن الكربريتر والديلكو .. لي الهواء تاكد منه ... تاكد من البواجي واسلاكها ... وتاكد من البليتين ...
لو السياره اول ماتوقف تسوي كذا كان قلت لك تاكد من اسلاك الكهرباء في البدي

الله يعطيك خيره ويكفيك شره

هذا الي عندي والله اعلم

نفس كلام

:good:

DNA

16/09/2015, 11:28 PM

السلام عليكم ورحمة الله وبركاته
اخوي شيكت على صفاية البنزيم والطرمبه لان مع المشي والسرعات العاليه الطرمبة تضخ بقوه وماتحس بتقطيع اما اذا كنت واقف راح يكون ضخ الطرمبه ضعيف وتبد تقطع

جني صغير

16/09/2015, 11:36 PM

اخوي كان معي تدسن 97 وانا ماشي يطفى فجئه

غيرت سلك الكويل ولا فاد
فغيرت الديلكوا من عايدي الى اكتروني

ويشهد الله انه زان معاد يطفى

احمدحمد

18/09/2015, 01:27 AM

اخوي amir111 (http://www.mekshat.com/vb/member.php?u=123797) اسأل الله ان يحرم وجهك عن النار ويرحم والديك
الحمدلله تم حل المشكله
وفعلاً طلعت المشكله من الهواء وتحديداً الفلتر
روح ربي يوفقك
الموتر رجع زي اول و احسن والعزم ماشاء الله
الله يوفقكم ياشباب ونعم الاخوه
ونصيحه لاي شخص هنا يتأكد من الشباب هنا ماشاء الله خبراء مو الورشات الي يبون ياخذو فلوس منك بأي طريقه لو ماطرحت مشكلتي كان الحين خسرت حدود الف ريال لان كل ماجيت ورشه قالي غير الشيء الفلاني حتى فيه ورشه قالولي الموتر يبي نص توظيب حسبي الله عليهم

احمدحمد

18/09/2015, 01:28 AM

ومعليش ياشباب والله من الفرحه نسيت الموضوع

amir111

18/09/2015, 02:09 AM

اخوي amir111 (http://www.mekshat.com/vb/member.php?u=123797) اسأل الله ان يحرم وجهك عن النار ويرحم والديك
الحمدلله تم حل المشكله
وفعلاً طلعت المشكله من الهواء وتحديداً الفلتر
روح ربي يوفقك
الموتر رجع زي اول و احسن والعزم ماشاء الله
الله يوفقكم ياشباب ونعم الاخوه
ونصيحه لاي شخص هنا يتأكد من الشباب هنا ماشاء الله خبراء مو الورشات الي يبون ياخذو فلوس منك بأي طريقه لو ماطرحت مشكلتي كان الحين خسرت حدود الف ريال لان كل ماجيت ورشه قالي غير الشيء الفلاني حتى فيه ورشه قالولي الموتر يبي نص توظيب حسبي الله عليهم

اللهم امين لي ولك ولجميع المسلمين
الحمدلله انها انحلت المشكله
لا طلعت عين :D