تثلج المواسير مكيف التاهو 2011

[bokhaled]

السلام عليكم ورحمة الله وبركاته

كما في الموضوع عندي مشكله في مكيف موتري تاهو 2011
المكيف شغال وكل شي تمام لكن المشكله ان الكمبروسر لا يفصل وبهذا السبب تثلج عندي مواصبر المكيف ويقل الدفع عرضته على كذا كهربائي وقال لي ان المشكله من حساس التثليج
لكن لم يكتشف مكانه اي احد منهم , ورجعت حق بعض المواضيع لقيت انه موجود بالاسطوتنه حقت الفريون لكن سيارتي لا يوجد الجساس بها في نفس المكان ومافي الا حق الضغط ومع كذا غيرته ولا في اي فائده
الله يرضى عليكم اللي عنجه فكره عن مكان الحساس اكون له من الشاكريين

[bokhaled]

مشاء الله 32 مشاهده بدون رد

تكفون يا اهل الخبيره

[هاوي الرعد]

شيك على الترموستات اذا كانت عطلانه المواصير تثلج ..وهو قطعه صغيره تجي داخل المواصير

[bokhaled]

السلام عليكم

انا وديته اليوم الدوليه وقال لي ان مشكلتك يمكن برمجه او حساس
وقال لي بسبب لزحمه لازم تخلي السياره عندنا
المشكله انها صارت معي نفس المشكله عند تغير البطاريه العام الماضي و
ضبط من نفسه
فا اكيد انها برمجه هل في احد عنده خبره عن طريقه برمجة المكيف

[يالبى الهلا]

صلحة عند مختص مكيفات مشكل ثرموستات

[بلحارث]

الثرموستات دائما موجود على الثلاجة

[alwali]

نصيحة موترك جديد
وده الوكالة هم ابخص
عط الخباز خبزه ولو اكل نصه

[aklubiam]

تثليج المواصير دليل ان الفريون ناقص صدقني الفريون ناقص

[يالبى الهلا]

تثليج المواصير دليل ان الفريون ناقص صدقني الفريون ناقص

اصبت الحقيقة كلامك صحيح

[alwali]

وانت تمشي يطلع من فتحات التكييف بخار خاصة اللي بالنص
اذا يطلع يعني الفريون ناقص

[bokhaled]

الله يجزاكم خير جمعيا
طلع المشكله في حساس الحراره ( الثرموستات )
ومكانه داخل الثلاجه مو زي القديم برى
المشكله انه مو موجد الى الان بالوكاله واللي يشتغل على السياره يقول اقدر اركب واحد ثاني بس يقول جب حق الوكاله احسن حتى لو تجيبه طلبيه
لان مافي مجال للتجربه بعد ما فكينا الطبلون كامل
الله يسهلها
ولا تركب اي شي

[اسكاليد 07]

السلام عليكم ورحمه الله وبركاته

انا عندي نفس المشكله في الاسكاليد 2007 المكيف يثلج عندي ولحد الان محد عرف السبب , حد يقول الحساس اللي في الكبوت زي اللي في الصوره وهذا سعر مناسب 120 http://cdn.top4top.co/i_9975183d721.jpg

وحد يقول حساس عند الثلاجه وهذا ما اعرف سعره بس قالي لازم افك الطبلون وشغل ايدي 1400 من غير القطعه قلت له السلام عليكم ابند الكمبريسر 5 دقايق وارجع اشغله لين ربنا يفرجها ..

مدري هل معقوله الشغل يستاهل هذا المبلغ ولا هو مبالغ وايد ومافي شي يضمن ان المشكله تروح لان المكيف ما يثلج عندي الا اذا مسكت خط اما في المدينه اموره ماشيه

[ateeq7]

السلام عليكم
جرب تنظف فلتر المكيف
و تشيك على ضغط الغاز اذا كان مرتفع او منخفض لازم يكون مضبوط و الفريون اصلي امريكي
اغسل الكتدنسر قدام الراديتر و تاكد ما عليه وسخ
وعند التشغيل حاول ما تخلي المكيف على اقل درجه ارفع الحراره لين يفصل الكومبريسر لا تخليه 16 ارفع على 25 و انته طالع حتى يفصل و تأكد ممكن نفسة مفتاح الحراره عطلان
ومافيه مانع تفحص كومبيوتر و تعمل اعادة برمجه اذا كان في اخطاء
او افصل البطاريه و رجعه بعد 10 دقائق

[أصيل حجآ زي]

وعليكُم السلام
ورحمةُ الله وبركاتُه


ادخُل في
الموضوع تحت
تجد الرابط في المواضيع
المُميزّة المُثبت بمُقدمة الخيمة :

المكيف عندك يثلج إذا طول وهو شغال ؟؟
أدخل أقرأ قصتي وأطلع على حل المشكلة ( يوجد صور )

[bokhaled]

السلام عليكم ورحمه الله وبركاته

انا عندي نفس المشكله في الاسكاليد 2007 المكيف يثلج عندي ولحد الان محد عرف السبب , حد يقول الحساس اللي في الكبوت زي اللي في الصوره وهذا سعر مناسب 120 http://cdn.top4top.co/i_9975183d721.jpg

وحد يقول حساس عند الثلاجه وهذا ما اعرف سعره بس قالي لازم افك الطبلون وشغل ايدي 1400 من غير القطعه قلت له السلام عليكم ابند الكمبريسر 5 دقايق وارجع اشغله لين ربنا يفرجها ..

مدري هل معقوله الشغل يستاهل هذا المبلغ ولا هو مبالغ وايد ومافي شي يضمن ان المشكله تروح لان المكيف ما يثلج عندي الا اذا مسكت خط اما في المدينه اموره ماشيه

السلام عليكم وكل عام و انتم بخير
تقبل الله طاعتكم وكتبكم من المعتوقين من النار جميعا
اخي الكريم حبيت بس اضيف معلومه ان التاهو او اليوكن من موديل 2007 وطالع تغير مكان حساس الحراره " حساس التثليج " وهو المسول عن فصل وتشغيل الكمبروسور عشان ما يتكون الثلج و اصبح مكانه داخل الثالجه مو برى زي ما ذكر الاخ في موضوعه
فالله يعينك تفك الثلاجه وتغير الحساس وسعره بالوكاله 115 ريال
عموما تراها فرصه لتنظيف الثلاجه خصوصا ان مافيها فلتر
انا سويت اللي قلت لك والحمد لله رجعت سيارتي زي ما كانت وافضل
واذا انت عندنا بالجبيل عطني خبر ارسلك لنفس اللي اشتغل لي
لان شغله نظيف وفاهم وش يسوي

اخوكم بو خالد

[اسكاليد 07]

عليكم السلام ورحمة الله وبركاته

حياك الله أخوي ateeq7 وأخوي اصيل حجازي وجميع الأخوه الموجودين مبارك عليكم العيد وتقبل الله طاعتكم جميعاً ..

بالنسبه للفلتر للأسف أن الاسكاليد واليوكن والتاهو والسيرا من 2007 وطالع يجون بدون فلتر وكذلك كل الاشياء اللي قلت عليها اخوي ateeq7 مخلص منها وبدون فايده ..

أخوي أصيل حجازي ما لقيت الرابط اللي تقصده ياريت لو ترسل لي الرابط على الردود

[ateeq7]

عليكم السلام ورحمة الله وبركاته

حياك الله أخوي ateeq7 وأخوي اصيل حجازي وجميع الأخوه الموجودين مبارك عليكم العيد وتقبل الله طاعتكم جميعاً ..

بالنسبه للفلتر للأسف أن الاسكاليد واليوكن والتاهو والسيرا من 2007 وطالع يجون بدون فلتر وكذلك كل الاشياء اللي قلت عليها اخوي ateeq7 مخلص منها وبدون فايده ..

أخوي أصيل حجازي ما لقيت الرابط اللي تقصده ياريت لو ترسل لي الرابط على الردود

العفو يا اخي
شوف الرابط ممكن يفيدك

http://mekshat.com/vb/showthread.php?t=415962

[اسكاليد 07]

جزاك الله خيراً

راح أجرب وأغيرها وبإذن الله تنتهي المشكله وافيدكم بالنتيجه , تحياتي ..

[ناوي خير]

اضبط درجه حراره على ثلاث ارباع من داخل الطبلون وشوف يفصل والا لا

سواء المكيف الخلفي والامامي

يمكن الخلل في فرارات المكيف او اذا كان لمس

الله ييسر امرك

[اسكاليد 07]

أضبطه على 20 ومرات 22 ونفس الشي يثلج بس شو الفايده احطه 22 ودرجه الحراره الخارجيه توصل 45 ما احس اني مب مشغل مكيف ، والفرارات سليمه

بخصوص المكيف الخلفي مدري اذا يضعف الدفع أو لا لما يثلج يبالي اشيك

[ناوي خير]

عشان يمكن في قصر او خلل في جهاز التحكم بدرجه الحراره فما يضبط ا لدرجه صحيح يعطى امر بشبك المكيف على طول

مجرد تجربه عشان تعرف مكان الخلل فقط يمكن حساس الثلاجه مظلوم

وحراره الجو مالها بالمكيف لها داخل المقصوره لانه يبرد داخل السيارة ماهو برى

حتى لو شغلت المكيف في البرد يشتغل عادي في حساسات تضبط درجه الحراره وتتعرف عليها سواء في الفصل والوصل