الفزع يالنشاما فيما يخص الاريل

[ابوماجد-1]

السلام عليكم ورحمة الله وبركاته

اخواني جهازي ايكوم 2200 وعندي اريل اغلب الشباب يقولون ارسالك زين بس

المشكله عندك بالاستقبال ......!!!!!

وش افضل اريل يخدمني مايهم السعر 😬

المهم فزعتكم وعطوني علومكم

[شرار بو ناصر]

وعليكم السلام ورحمة الله وبركاتة عزيزي يعني هم يسمعونك وانت ما تسمعهم؟ لانه من كلامك تقول انه يقولون لك انه استقبالك في مشكلة؟ ف كيف المشكلة بالاستقبال؟ الرجاء التوضيح مع ذكر الموديل مثل ما هو مكتوب عندك

[ابوماجد-1]

هلا اخوي طبعا اتكلم عن وضع اذا كنت بعيد عنهم

يسمعوني وانا ما اسمع لهم شي مع العلم فاتح الهواء

يقولون نسمعك على البيزي بدون ابراج واضح صوتك وناديك ماترد

فتوقعت المشكله بالاريل .....

جهازي ايكوم 2200 ثاني سنه استخدام والاستخدام الفعلي له شهرين فقط

يعني وقت المقناص فقط الاريل اللي عندي قاعده كبيره شريته حسب نصيحة واحد

يقول افضل الموجود قيمته مع القاعده ٣٨٠ ريال طبعا في ارتفاع بسعره عندنا بحكم جشع

صاحب المحل بمنطقتنا الاسعار دبل

فنصيحتك لي عطني افضل اريل برايك وشي مجرب

[ابو حااتم]

فيه اريل تيواني اسود ممتاز

[بعيدالمغازي]

السلام عليك
فيه اريلين ممتازه الاول كومت bb7 وانا اشوفه افضل اريل من واحيه الارسال والاستقبال وقوته 4.5/7.2db uhf vhf
والثاني سوبر قنر معروف

[الشيخ الظريف]

لا تشتري وتخسر حدث لي ذلك وطلع من الآيسيات وغيرتهم ب180 ريال وضبط الوضع000عليك ان تختبر الآيسيات عند المحلات بمبلغ زهيد جدا قبل اللجوء الى اي تغيير واذا كانت الآيسيات سليمه بلاش من الخساره استعن بزملائك بالأستعاره مثل تجريب الأريل ثم تجريب القاعده والتآكد من الأسلاك وأنه مشبوك بالبطاريه مباشره

[فاسيلي زايستي]

ياخوك اذا المسافه بعيده فهذا دليل ان ارسالك اقوى من ارسالهم ارسالك ياصلهم وهم اجهزتهم ماتوصلك اذاكان المسافه قريبه تسمعهم زين فالخلل من اجهزتهم ماتسوق لاتعبث ولاتغير شي

[بعيدالمغازي]

السلام عليك
اسف موضوعك ما فهمته من الاول
جهازك سليم وارسالك طيب اذا انت ما تسمعهم فمعناته ارسالك اقوى من ارسالهم فمن الطبيعي ما تسمعهم

[شقصار]

و عليكم السلام و رحمة الله و بركاته
من كلامك واضح جهازك ما شاء الله ما فيه أي مشكله بالعكس ارسالك أقوى من ارسال اجهزة ربعك و إذا تبي تتأكد يروح واحد من ربعك و يتمركز بالمكان اللي كنت تراسلهم منه و انت تروح مع الربع بنفس المكان اللي راسلوك منه و يكون معك الربع بحيث كلكم تراسلون خويكم بأكثر من جهاز و راح تتأكد هل الجهاز به مشكله أو لا
موفق خير و فالك الشحم و الحر النادر

[ابوماجد-1]

كلام جميل ولكن جنبي شباب يستقبلون افضل مني هنا الفرق

[ا ل ح]

ايسيات الاستقبال فيها مشكله
وقبل هذا جرب جهازك علئ موتر ثاني حصلت لنا نفس المشكلة وبعد االتجارب حصلنا المشكله من شاحن الجوال ياثر علئ استقبال الايكوم