احذرو من ورش العضيب حراميه وغشاشين

[سحاب نجد راعي شقراء]

السلام عليكم ورحمه الله وبركاته

انا يالغالين تعرضت للكذب والغش والدجل

وديت سيارتي للعضيب وقالي عندك اذرعه ومقصات وجلد ومساعدات وركب ولي دركسون
المهم قالي عشرين عطل
وسئلتهم عن قطع الغيار قالو نجيبها من الوكاله بسعر خاص يعني تصير اقل سعر من الوكاله
المهم خليت السياره ومريتهم بعد يومين وقالو لي الفاتوره ب 14000 ريال قيمه القطع وشغل اليد
اخذت فاتوره القطع ورحت للوكاله لقيت الوكاله ارخص بواجد مثلن لي الدركسون عند الوكاله ب 630 ريال والعظيب حاسبينه ب 930 ريال يعني الفرق 300 ريال
وقلت للعضيب ليش تغشوني وهذي فاتوره الوكاله تختلف عنكم بواجد ورفضو يخصمون الزيادات ورفضو اجيب لهم بديل للي ركبوه من الوكاله
وتضح لي انهم حاسبين علي المساعدات 4 وهم ماغيروها

ودريت ان المراقبين في الورش لهم نسبه من قيمه اصلاح السياره وهذا مكمن التحايل والغش والكذب على المسلمين

والمراقبين ياسوريين او هنود - وهذولا حلال الغش عندهم


ولا اقول الا حسبي الله عليهم ونعم الوكيل

[يالبى الهلا]

اشتكهم لاتسكت على حقك الحكومة فاتحة أبوابها والفاتورة معك

[hightech]

مع احترامي لك المفروض يكون السعر اكثر من كذا وتستاهل ماجاك وحلال عليهم وجعلهم بالعافية
الى متى والسعوديين بالطيبه وحسن النيه اللي مالها حد!!!!!!!!

تجي وترمي موترك بين حرامية ونصابين وبعدين تقول ليه وليه؟؟؟؟؟

صدقني كل الأشياء اللي غيروها لك سليمه ولا فيها اي مشكلة

هذا درس لك ولغيرك الطيبين اصحاب المثالية اللي مال أمها داعي

ياخي مادامك واثق واثق دور على الأقل سعودي حتى لو حرامي ونصاب على الأقل دهنا

في مكبنا
الله يعوض عليك ويستر عليك

سامحني قهرتني والله

[رداد الشمس]

لا تخلي سيارتك عند الورشة وتروح إلا عند الضرورة القصوى / ارجو الانتباه/ وبالنسبه للعضيب انا رحت فرعهم اللي في شمال الرياض طريق الخير وكان جاي مطر وطلع صوت في بكرات السيور، قالي السوري المشرف انتا رقم 12 اليوم نفس المشكلة بسبب المطر انبسطت قلت الرجال عارف الشغله وقلت له افحص قعد يسوي نفسه يفحص وقال خل السيارة ورح ابغير لك البكرات واضبطها لك وناخذ شغل يد (250) رفضت ورحت لواحد فلبيني في ام الحمام وقال بكره وحده اللي تحتاج تغيير واخذ شغل يد (80)ريال والبكره بـ (130) وزبط الموتر .

[cadillac911]

مع احترامي لك المفروض يكون السعر اكثر من كذا وتستاهل ماجاك وحلال عليهم وجعلهم بالعافية

الى متى والسعوديين بالطيبه وحسن النيه اللي مالها حد!!!!!!!!



تجي وترمي موترك بين حرامية ونصابين وبعدين تقول ليه وليه؟؟؟؟؟



صدقني كل الأشياء اللي غيروها لك سليمه ولا فيها اي مشكلة



هذا درس لك ولغيرك الطيبين اصحاب المثالية اللي مال أمها داعي



ياخي مادامك واثق واثق دور على الأقل سعودي حتى لو حرامي ونصاب على الأقل دهنا



في مكبنا

الله يعوض عليك ويستر عليك



سامحني قهرتني والله


الله يسامحك ترى دينا الاسلام وربنا واحد عدم المؤاخذة ما ضيعنا الا هالشي دهنا في مكبنا تذكر ( دعوها فإنها منتنة )


اذكر الله تكسب حسنة

[يالبى الهلا]

الله يسامحك ترى دينا الاسلام وربنا واحد عدم المؤاخذة ما ضيعنا الا هالشي دهنا في مكبنا تذكر ( دعوها فإنها منتنة )


اذكر الله تكسب حسنة

اصبت الحقيقة
يدك اوكت وفاك نفخ انت اعلم والطيبه عندنا زايددددة

[ابوسند9]

وعليكم السلام
المفترض تسئلت هنا كما سئل هذا العضو ,,وانتظرت اسبوع كامل حتى تكتمل ردود الاعضاء وتطلع بنتيجه
http://www.mekshat.com/vb/showthread.php?t=694675

[ابوسند9]

ومن السعر الكبير اللي انت ذكرت يبدو لي ان السيارة تويوتا واللى انا غلطان ؟

[ابوراكان تبوك]

انت حطيت قيمه موتر في موتر خليهم باختصار يسردون لك اللي غيرو وخذ كشف فيها واي شي ماتلقاه مغير اطلب الشرطة فورا وقل لهم ابغى تقييم ثلاث ورش

[اليامي قطر]

عساك مادفعت لهم 14 الف ..؟؟؟!!

[خيال الغلبا]

استعجلت فوقعت في فخ اهل الجشع

[شيخ بني تميم]

انا قالو لي اذرعه مقصات ركب كل البطن خربان مابقو شي وقد رحت للعضيب حق القيور وقالي قيرك مخبط ولازم نفكه والمشكله سعودي الي قايل مخبط قلت وخر بس واروح واخليهم نصب واحتيال وكذب علئ الشعب والي ماعنده خبره ولا يعرف ينلعب غليه شي يقهر ودايم لا تستعجل اسئل كم ورشة

[راعي الطلعات]

لك حق تشتكي وتاخذ حقك منهم رح لشيخ الصناعية وعلمه السالفه وخله يشوف الفواتير راح ينصحك ويفيدك ان شاءالله

[الفنطاس]

اخي انا مع رأي ابو راكان

[عاشق الموج]

14000 الف ريال والله نصب عيني عينك

وان كانك دفعت هالمبلغ فالمصيبه اعظم

روح الوكالة واطلب تسعيرة بالقطع الي الورشة ركبوها

ورح الشرطة او وزارة التجارة او شيخ المعارض واشتكهم

المهم ﻻ تسكت عن حقك والله هضيمه في حقك تدفع هالمبلغ

[مريقب العيفار]

عمي سحاب

دامك تقول حاسبين عليك المساعدات وهم ما ركبوها فانا ارى انك ترفع عليهم قضية نصب واحتيال

رح اشتك خلهم يسحبونهم ثم هم اللي يبون يجون يترجونك

[هاوي بلادي]

حسبي الله عليهم

لاتخلي موترك عند ورش قبل اصلاح والقطع اسال

ويفضل انت تجيب القطع بنفسك وتسال كم شغل اليد

لاحول لاقوة الا بالله

لاتسكت عن حقك ابد

[انا العربي]

تحذف الموتر عندهم بدون ماتسأل عن السعر؟؟!!

والمفروض بعد ماوقع الفأس بالراس انك تخليهم يعلمونك وش ركبوا وتنزل تحت الموتر وتشوفه
إذا ماركبوه تخصمه من السعر وتروح للوكاله وتسعر القطع وتحاسبهم على اساس سعر الوكاله

لكن تحذف الموتر وتجي تدفع هذي مسااعده وتشجيع لهم