المساعد الشخصي الرقمي

مشاهدة النسخة كاملة : كارونة ربع تويوتا 2006


عابد المجدعي
19/09/2015, 11:26 AM
السلام عليكم ورحمة الله

كل عةم وانتم بخير وجميع المسلمين

ي جماعة الخير طلع عندي صوت بالكارونة ( وج وج وج )
واذا وصلت 120 ورفعت رجلي وانتم بكرامه اسمع ونه الييين تهدي السيارة وبعد فيه فضاوة بالكارونه ..

الموتر صار له سنه معاي والصوت فيه من يوم شريته لكن ماكنت اعرف ... الله يعوض علينا
لكن صوت الرمانات اللي هو وج وج وج .. هذا بدى يزيد عندي ..

عاد الموتر بينبع وانا حاليا بالرياض واليوم رحت التشاليح حقت الحاير وماحصلت كثير واغلب المواتر من 2013 وفوق ودفرنس كامل ..
لدن حصلت كارونة جيب صالون موديل 2009 ويقول لي تركب على الربع 100%..
وحادها ب 3000مع الرجيع..
انا والله محتااار وخايف من النصب والاحتيال اكثر من الكارونه وعكاسها..
فيه ناس تقول خذ دفرنس كامل لان السعر متقارب مع سعر الكارونه..
وناس تقول خذ جديد من الشركة..
وناس تقول وضب الكارونه..
وكلام كثير ونصايح مالها تالي ..

عاد المطلوب سلمكم الله ابقى كارونه او دفرنس او معلومه استفيد منها ويستفيد غيري ..

وشاكر لكم .. و آسف على الاطاله..
ابوراكان تبوك
19/09/2015, 07:23 PM
انت متاكد ان الخراب من نفس الكارونه؟
وزن البنيون يسبب صوت
الصليب يسبب صوت
ترصيص العمود كذلك

بالنسبه للكوارين اهم شي عدد السنن وفيه ايضا اعتقد انه طبلون الجكسار 220 او 240 بتخف معك الكارونه وبيمشي نفس المشي حق الجكسار

لكن تعال للدبل اللي قدام بيسير اسرع من الخلفي وبيتعبك في ادنى رمله
عابد المجدعي
19/09/2015, 08:15 PM
انت متاكد ان الخراب من نفس الكارونه؟
وزن البنيون يسبب صوت
الصليب يسبب صوت
ترصيص العمود كذلك

بالنسبه للكوارين اهم شي عدد السنن وفيه ايضا اعتقد انه طبلون الجكسار 220 او 240 بتخف معك الكارونه وبيمشي نفس المشي حق الجكسار

لكن تعال للدبل اللي قدام بيسير اسرع من الخلفي وبيتعبك في ادنى رمله

والله مدرب بالضبط لكن فيه فضاوه زي ماوضحت فوق وعرضتها على ورشتين وكلهم قالو كارونه
لكن لو واحد عنده او حصلت له نفس المشكله واعتقد الربع كثير تخرب الكارونه فيه
أبو صاروخ
20/09/2015, 08:40 PM
اذا انت متاكد من مكان العطل والسعر متقارب من المستخدم والجديد انصحك تخذ جديد وفكك من عور الراس
الا سير
20/09/2015, 11:34 PM
خذ كرونة جديدة ولازم تشتري اربع رمانات
وصوف راح يكلف حول 4000
واذاماتحب مرمطة الورش شوف لك دفرنس جيب جديد
بس تاكد انه نفس رقم الدفرنس حقك
عابد المجدعي
21/09/2015, 06:56 AM
خذ كرونة جديدة ولازم تشتري اربع رمانات
وصوف راح يكلف حول 4000
واذاماتحب مرمطة الورش شوف لك دفرنس جيب جديد
بس تاكد انه نفس رقم الدفرنس حقك

جزاك الله خير...

لقيت دفرنس جيب ربع 2010 نظيف ب 4000 مع الرجيع ..
بس قال يزود عندك نص سم مع كل جنب لانه اعرض من القديم