مشكلة في الاكسبلور بهذلتني

[عبادي111]

السلام عليكم ياشباب
ارجو المساعدة عاجلا لدي اكسبلور 2008 حصل لها مشكله من اسبوع
الكمبروسر يشتغل ويفصل بسرعه لحاله حتى لو المكيف طافي واحيانا اشغل
المكيف الكمبروسر مايشتغل واحيانا امشي على الطريق فجأة احصل الكمبروسر
يشبك ويفصل ويقطع بالسيارة
ادوشتني السيارة ابي لها حل.

[عبادي111]

محد عنده علم يالربع

[بندر100]

وعليكم السلام
حياك الله اخي العزيز
انا كان معي اكسبلورر 2006
وصارت عندي هذي المشكلة انه يشتغل الكمبريسر لحالة
وحتى لوني مطفي المكيف من الداخل
المس مواسير المكيف القاها شغالة وبارة ثم تطفي
مالك بالطويلة
رحت عن فني وسلكلي المكيف خارجي يعني بدون ما يتصل بكمبيوتر السيارة وضبط

[عبادي111]

المشكله مايشتغل تحصل بس الكلتشات حقت الكمبروسر تمسك وتفك حتى لو المكيف طافي وتلقى والسيارة يجيها تقطيع كهرب

[ibraheem914]

تكفى ياصاحب الموضوع نفس مشكلتك والله اني اعاني منها وخسرتني صار لي اكثر من شهر وانا الف على الفنيين ما احد قدر يحلها مغير خسروني واكلو فلوسي على الفاضي

[hassan-55]

يا اخوان مشكلتكم في الكهرباء
انا اعتقد ان مشكلتكم بالدينمو
قبل فتره صارت معي نفس الحركه الكمبروسر يفصل باستمرار وما يبرد المكيف
رحت لكهربائي وانا كنت شاك من اول انه من الدينمو قلت له افحصه كامل
ونا رايح له جبت معي فحمات اصليه قلت يمكن منها لان عندي ضعف بالكهرباء واحيان ترمش اللمبات و تفتفه بالموتر عموماً
فك الدينمو وفصه كامل وخليته يغير الفحمات ومع ان الاوله كانت لا بأس بها بس خليته يغيره من باب الاحتياط
وفك قطعه داخل الدينمو واختبرها بالجهاز لقى بعضها ما يوصل الكهرباء اسم القطعه (بوبينه) قالي رح جبها
وجبت اصليه كلفتني 250 ريال وركبها
والحمد لله رجع الموتر وراحت كل المشاكل التفتفه وفصلة الكمبروسر وراح ترميش الانوار ولاحظت عزم الموتر صار افضل

المطلوب تروح لكهربائي جيد يفحص الاتي :
الدينمو كامل ويشمل :
-الفحمات
- البوبينه
- قلب الدينمو وهو اغلى قطعه داخل الدينمو

انا كلفني
35 فحمات اصليه
250 بوبينه
شغل يد 80 ريال
والحمد لله قلب الدينمو فحصه لقاه سليم المصيبه سعره غالي ب450 ريال

الكهربائي باكستاني جيد وهو بالرياض انا ما ادل وصفه مضبوط لكن ممكن ابحث عن رقمه للي يحتاجه وهو بالصناعيه القديمه جنوب الرياض