أين الورشة المتخصصة في سيارات تويوتا بالرياض

[المهند1433]

السلام عليكم ورحمة الله وبركاته

كل عام وانتم بخير ومن العايدين قبل الزحمة

سؤالي :
عند جيب جكسار 2009 في يدي من وكالته وفجأت زادت الحرارة الى قبل الأحمر بقليل وطفيته وبردته ومشيت وكانت المكينة نشيطه والى الان ان الحراره تزيد عند الوقوف وتقل عند المشي واضطراحيانا احول القير الى n وادعس بنزين وترجع الحراره
غيرت كلدش مروحة اصلي
وغيرت بلف اصلي جديد
والرديتر سليم والخراطيش
ولا تزال المشكلة مستمره والان ودي اشيك عليه عند ورشة بالرياض أمينة ولديها مهندسين مهرة لان اكثر المهندسين في ورش الرياض يمانين وسوريين ولا ارغبهم كما لا ارغب الوكالة ولا البازعي
فما هي الورشة التي تنصحوني بإصلاح سيارتي لديها،قد نحتاج لفك المكينة ومسح الراس
ارجو التكرم بايفادتي وتوجيهي من واقع خبرتكم وفقكم الباري
تقبلوا احترامي

[جني صغير]

طيب سيخت الرديتر

[شبح الموت]

أبدأ بالاسهل مثل ماذكر اخوي جني صغير تسييخ الاديتر

[المهند1433]

الأخ جني صغير
الرديتر جديد
اشكر لك تجاوبك

[المهند1433]

الأخ شبح الموت
اسمك يروعني شبح +الموت
عل كلا مشكور

[المهند1433]

يالربع علموني عن الورش

[فورتشنر2008]

كم ماشي موترك فوق 350الف
يحتاج مسح راس والله اعلم تخمين بسب اﻷجواء في الرياض

[انا العربي]

هذي المشكله مشكلة مروحه لكن بما انك تقول غيرت كلتش مروحه اصلي ولانفع غريبه

وياليت اقدر اساعدك بورشة لكن ماني من الرياض

[ateeq7]

اهلين
اولا غير الماء تويوتا اصلي الاحمر وأوزن القاروره الاحتياطيه على النص
ثانيا تاكد من كلش المروحه افتح غطاء الماكينه و خل عينك على المروحه اول ما تطفي هل توقف المروحه مباشره ولا تجلس تلف و تاكد من سير المروحه
ثالثا في الكندنسر حق المكيف هل هو نظيف من الحشرات وهل ارتفاع الحراره يكون عند تشغيل المكيف
رابعا اضغط بايدك على هوزات الراديتر هل هي صلبه و افحص الوتر بامب هل يحرك الماء
خامسا تاكد من البويه او العوامه وغيره اذا لزم الامر
وأخيرا الحراره كم اقصى حد الها في الوقت الحالي

[MSAN]

السلام عليكم.. وكل عام وانتم بخير


باعطيك معلومة.. اذا كانت الحرارة تنزل لما تدوس بنزين.. وتنزل لما تمشي السيارة فـ المشكلة ليست في الراس أو وجه الراس أبدا أبدا..

لو هو راس أو وجه الراس.. تكون ترتفع الحرارة مع المشي وتنقص مويه

اذا دست بنزين ونزلت الحرارة فـ أول شي شيك على الموية لاتكون ناقصة.. لأن الموية اذا نقصت تسبب نفس المشكلة وتنخفض الحرارة مع دعسة البنزين

سؤال: الموية تنقص عندك؟؟؟؟

ابدأ بالأرخص والأسهل والأسرع..

اذا ان مستوى الموية تمام.. فـ بيدو ان المشكلة في دورة الهواء أو الماء.. وبما انك تقول ان الرديتر جديد.. فـ تأكد ان (غطاء الرديتر جديد أصلي وكالة)
اذا تأكدت من الغطاء.. شيك على طرمبة الموية.


سؤال.. وش سبب ارتفاع الحرارة أول مرة؟؟؟؟؟؟؟
بالتوفيق

[efi4500_2002]

السلام عليكم و كل عام و أنتم بخير
بالنسبه لمشكلتك اخوي صارت معي في نفس موديل سيارتك 8 سرندل ما خليت شي ما سويته من تسييخ رديتر لتماتيك مروحه فانصحك بأنك تغير طرنبة الماء و إذا ما نفع ف عليك بالعضيب اللي في الصناعية القديمة يفك الرأس و يمسحه و أن شاء الله تمام على ما أذكر كلف شغلهم 4500 مع الخرط

[المهند1433]

الاخوة الكرام مع التحية والتقدير

عيدكم مبارك وكل عام وانتم بخير

أشكركم على المتابعة والاهتمام والتوجية ونقل الخبرة

بالنسبة للسيارة قررت أوديها للبازعي مجبرا أخوكم لا بطل

وعلى ضوء تقريرهم المبديء اتصرف وسلامتكم

[efi4500_2002]

اخوي المهند المشكله غالبا من وجه الرأس و يبين إذا كان شغال بعض الأحيان يطلع تبخير ماء من الشكمان متقطع