المساعد الشخصي الرقمي

مشاهدة النسخة كاملة : مشكلة نتعه في ترجيع القير سيراتو 2015


hassan1234
21/09/2015, 12:49 AM
السلام عليكم


عندي سيراتو 2015


التعشيقة عادي في التبيدل مريحه


لاكن عند رجوع القير من 2 الى 1 احس في طقة او نتعة مادري كيف غريبه


السياره صار له سنه وشهرين ماشيه 30 الف


هل المشكله طبيعيه او في شي في السياره


ووش الحل تكفون

وشكرا
hassan1234
21/09/2015, 02:38 PM
ولا رد الا الان
خالد الفووزان
21/09/2015, 07:08 PM
غير زيت القير مع الفلتر اذا كان له و جرب .
اعتقد ان الزيت sp iv تاكد مكتوب في الكتالوج و اذا ما عرفته صورة و ارفقه لنا و ان شاء الله تنحل
hassan1234
22/09/2015, 01:53 AM
خالد الفووزان


الله يعطيك العافيه

بس مش تو الناس على تغيير زيت القير للملاحضة السياره تحت الضمان ولا يمكن ان ادويه برا الوكاله بس حبيت استفسر وش المشكله علشان اعرف وش اقول للوكاله لان لو صلحوه وما عرفت وش سسو يمكن يكون عطل في السياره
خالد الفووزان
22/09/2015, 05:45 PM
الله يعافيك .
انت افحص زيت القير من ناحية اللون و الريحة و كمبية البرادة اذا احدها متغير غير الزيت .
خالد الفووزان
22/09/2015, 05:46 PM
الزيت عمره حسب الاستخدام ممكن تشتري السيارة و تتركها و تسافر سنتين لازم اذا رجعت تغيير كل زيوتها .
و ممكن انك راعي سرعة و تسارع و مطارح فا لازم تغيره مثلا علی 20 الف .
hassan1234
23/09/2015, 01:53 AM
خالد الفووزان لو تشوف سواقتني تضحك والله هههههههههههههههه يالله يالله اوصول دوران المكينه 3 وتقول راعي مطرحات

وفتحت كتلوج السياره مكتوب تغيير زين القير كل مئة الف كيلو يعني باقي مشوار

لاكن بعد تجربتي اليوم لاحضت ان المشكله ما تحصل معي الا لمن اشغل المكيف


وما ادري هل المشكله من القير ولا من المكيف ولا وش باضبط

لاكن تعشيق القير جدا مرت لاكن عند رجوعه الى نمره احس فيه شي غريب تحس برجعه النمره مادري ليه


هل هي برمجه او حساسات قير او وش

بس الزيت ما اتوقع له دخل لنه التعشيق جدا مرن وترا السياره ما ادويه الا وكاله يعني ما اتوقع ملعوب فيه


وشكرا لك على هذه الردور لاكن وش رايك ؟؟؟؟؟ وش المشكله
خالد الفووزان
25/09/2015, 01:44 PM
رح للوكالة يمكن عندك نفس مشكلة الالنترا من 2013 وفوق نتعة بالقير اذكر انهم يسوون لها برمجة و تضبط و احتمال ترجع
hassan1234
26/09/2015, 01:02 AM
الله يعطيك العافيه


المتوقع والله اعلم برمجه لان استخدام السياره جدا ممتاز ولله الحمد
nono_55555
04/06/2016, 08:44 PM
أخيرا لقيت موضوع بنفس مشكلتي، أخ hassan1234 (http://www.mekshat.com/vb/member.php?321761-hassan1234) هل حليت مشكلة القير عندك؟
أنا لدي يا أخوان كورلا 2011 ماشية حاليا 115 ألف، مشكلة النتعة/ الثقل الي يصير بعد نزول القير من الثاني إلى الأول صرلي فترة أعاني منها، وهي بالفعل كما ذكرت تكون عند تشغيل المكيف، وهي موجودة عندي أيضا بشكل بسيط جدا اذا كان مطفي المكيف ربما تلاحظه، أما وهو شغال فواضحة وعند تكرارها مثلا في طريق في مزدحم وانت تفرمل باستمرار وسرعتك تتردد بين 40 إلى 10 فهي مزعجة جدا، أشبه الحالة كأن القير نزل من الثالث إلى الأول وليس من الثاني إلى الأول، أيضا عند النزول إلى الأول يطلع صوت حنة واضحة كأنها سيارة قديمة، والغيارات الأخرى الثاني وفوق ليس بها أدنى حنة وصوتها هادئ جدا جدا، هذي مشكلتي باختصار يا اخوان دورت في كثير ورش البعض يقول طبيعي وهم فلبينيين متخصصين ولكن كبار في السن ربما لا يعرفون القيور الحديثة، والبعض ممما تبدو عليه علامات النصب يقول مخ غير وتوضيب والسيارة لسا جديدة واستخدامي لها مابين هادئ ومتوسط، مستحيل أفك قير على ممشى 115، الزيت الي حاطه تويوتا الفضي WS وقبله كان AC delco وقبله تويوتا الأسود، وقبله شريتها مستعمله بزيت متسخ جدا وغيرته للزيوت المذكورة بالترتيب، ولا أتذكر أن هذه الأعراض حدثت معي، ربما بدأت تحدث بالتدريج البطيء، وربما فجاة في يوم من الأيام..

هل لأحد علم عن ما بسيارتي يا إخوان؟
أبو_الوليد
10/06/2016, 05:56 PM
احيانا اذا بوابة الهواء متوسخة تسوي كده شيكل عليها
غرانيق
12/06/2016, 06:45 AM
انا عندي نفس المشكلة ياليت اللي توصل لحل يبلغنا