شمعات اوسرام للددسن

[خط الشمال]

السلام عليكم ورحمة الله وبركاته

شمعات الددسن تجي من الوكالة 55 على 60

وبدلتها بشمعات اوسرام 80 على 100

لكن مدري هل تسبب مشاكل بالكهرباء او تذوب بلاستيك الشمعات من الحرارة

اتمنى من جربها يعطينا رايها

طبعا ركبتها بدون كتاوت هل الكتاوت ضروري او لااا

والف شكر مقدماا

[الحميضاني]

وعليكم السلام
انا مركبهن على ددسن ما شفت منهن شي كويسات والا ذابت الافياش ومركبهن على باترول اكثر من 3 سنوات

[رفيع المقام]

وعليكم السلام ورحمة الله وبركاته

بلاشك الافضل تركيب نفس الوات اللي يجي من،الوكاله ..
معي اكورد،وركبت لمبات اعلى من حقت الوكاله بعد فتره انقطم الفيوز .. واكتشفت ان فيش اللمبة محترق وصار التماس بسبب ان اللمبه اللي ركبتها واطها عالي ..

شوف ياغالي شغل الانوار وافتح الكبوت والمس افياش الانوار اذا لاحظت حرارتها عاليه وجب عليك تغييرها بواط اقل ..

اذا،كان لابد تركيبها ركب الظفيره الصفرا ا(لتايوانيه) مع كتاوتها سعرها 30 ريال وتركيبها سهل جدا .

والتجربه خير برهان

[خالد الفووزان]

عندي نفس اللمبات علی اكسنت 2002 لها سنتين ماشيه تمام و النور تحسن للافضل لان المقاس القديم كان 55/60

[خط الشمال]

والله قمت و رجعت شمعات وكالتها رغم ان انارتها سيئة

مارتحت بصراحة قلت اللي صنعها ابخص فيها

[مراسل نعجان]

السلام عليكم ورحمة الله وبركاته عيدكم مبارك وكل عام وأنتم بخير تقبل منا ومنكم صالح الأعمال
بخصوص الشمعات اوسرام ما شاء الله تبارك الله
لا حرارة أو سحب كهرب وعندي ع ددسن غمارة 2008
شمعات اوسرام ونور قوي مقاس 100/80 وما تضر بالسيارة وممتازة جدا

[خط الشمال]

وعليكم السلام ياهلا وغلا

اخوي هل انت مركبها مع كتاوت والا بدون

[أحمد محمد1429]

ركبها بكتاوت احسن لك علشان الحمل يكون على الكتاوت وهويتحمل بدل مايكون الحمل على الفيوز والمفتاح