سؤال : تشغيل المكيف والسيارة تمشي ؟

[altamimi83]

السلام عليكم ..
هل يؤثر على السيارة تشغيل مكيفها وهي تمشي ؟
سمعت إنك تحطها بالفاضي وتنزل السرعة إلى 80 وتشغل المكيف ..
هل هذا الكلام صحيح ؟

نوع سيارتي تاهو 2015

[م س س]

وعليكم السلام
هو يؤثر على الكمبرسر خاصة اذا دورات المحرك مرتفعة
طريقة تشغله وهو ماشي طريقة خاطئة لأن دورات المحرك اكثر من الف دورة في الدقيقة كلتش المكيف يشبك مع البكرة على دورات منخفضة للمحرك لو تلاحظ على سرعة 80 لازال عداد دورات المحرك مرتفع وماتنفع هذي الطريقه الا وهو واقف وبدون ما تدوس على البنزين تشغل المكيف .

[1824]

تستطيع تشغيل المكيف على أي سرعة لحد يلعب عليك ولا شيء سيارتك متطورة وتعرف اكثر منك الكمبيوتر هو الي يشغل المكيف في الحقيقة وليس انت انما تحرك وتضغط ازرار فقط والكمبيوتر يرى الوقت في أجزاء من الثانية المناسب لتشغيل الكمبروسر لا تحطها ب N ولا أي شيء بالعكس انت كذا تخلي الكمبيوتر يفهم غلط ويحسب انه توجد مشكلة انك فضيت السيارة اثناء المشي واصلا الكمبروسر يفصل ويشبك وانت تمشي فالفكرة هذي غير عقليه ولا منطقية حتى لو ماشيء 200 انت الكمبرسر يفصل ويشبك حسب البرودة ان شاء الله الفكرة وصلت بالتوفيق لك

[altamimi83]

الإخوة
م م س
1824
شكراً لكم وبارك الله فيكم ونطمع في سماع بعض الآراء من الإخوة إن أمكن

[راعي الجيب2]

وعليكم السلام ورحمة الله وبركاته

مع الاخ م م س
واحد من قرايبي تعطل الكمبريسر جيب لاند بسبة تشغيل المكيف والجيب يمشي
وطريقتك انك تحطه n تسبب تعب للقير عند الرجوع لوضعية d

[الحربي 591]

اخوي هذا الكلام في السرعات العاليه فقط
لكن ما تفضي السياره بس هدي السرعه دون ال100 وشغل


موفق خير

[بلحارث]

طريقة شبك كلتش الكمبروسور على حركة السير ليست فجائية بل هي تدريجيةوذلك بسب تصميم كلتش الكمروسور بمعنى هناك مساحة لبدء الحركة ومن ثم زيادتها فما عندك مشكلة اشبك على اي سرعة والله اعلم

[الاطار]

اشبك على سرعه ....واذا كان خربان او قريب يخرب رايح يبين لك بسرعه .....

[altamimi83]

جزاكم الله خير جميعاً ..
ومن لديه رأي أو خبرة فليتفضل مشكوراً:)

[efi4500_2002]

إذا تبي تشغل المكيف و انت مسرع لا تفضي القير بس أرفع رجلك و شغل

[أبو صاروخ]

كلاتش كمبرسر المكيف عباره عن مغناطيس يشبك يوم تشغل المكيف
انا كان عندي حزام او سير المكيف قديم او ناشف بعدين شغلة المكيف على سرعه ونقص الحزام هاذا والله اعلم

[fahad-k6]

ما اتوقع انه يضر المكيف لانه اصلآ الكمبرسر يفصل ويشتغل اذا الثلاجه ثلجت والسياره تمشي

[ateeq7]

المشكلة متوارثة جيل بعد جيل
موضوع تفضيت الجير ممكن كان لها سبب في السيارات القديمه من ايام الثمانينات ولاكن السيارة 2015 ما اعتقد
ونحن نذكر ايام الثمانينات الشيبان يفضون الجير العادي حت ينزل ار بي ام وبعدين يشغل وهذا اعتقد بسبب الشيبان ما يعمل صيانه دوريه و تحصل سير المروحه و المكيف منتهي الصلاحي ممكن كثير من السيارات بدون تشغيل مكيف اذا زود عليها وحكرها في الجير تقص سير وهذا سببه قلة الصيانه الدوريه

[اسهيل]

يضرره مايصلح تشغل المكيف وانت مسرع خذ العلم

[وطن العزة]

يضره و سالفة إن المكيف يشبك و يفصل على سرعات عالية

مهو دليل لأن يوم يفصل تبقى البكرات مدري الكلتش تدور بوش

عشان كذا يكون اشتغاله من جديد مرن و سلس

انت جرب تشغله وممشاك حول 20 شف شلون يغص الموتر

[يالبى الهلا]

سالفه تفضية القير انتبه يررررروح عليك القير
يخرب المكيف تشغيلة علي سرعااااات عالية
اكيد مافهمتني مثلا تمشي على ١٦٠-١٨٠ والمكيف شغال هذا هووووو الخراب
إذا اسرعت طفي وإذا هديت شغل لان المكيف يشتغل ويفصل أثناء التشغيل فمع السرعة الزائدة يخرررررب