وش الاشياء اللي تشتريها من النت رخيصه وتلقاها عند ربعنا اضعاف سعرها

[MNH]

السلام عليكم

لو سمحتوا نبي نتبادل الفايده عن الاشياء اللي نشتريها من النت برخيص وربعنا يدفعونا اضعاف اضعاف سعرها وياليت تحط الرابط اذا امكن عشان نضع حد لطمع وجشع التجار

ودمتم بود

[الرحال2222]

صراحة اغلب الاشيا عندنا مدبله

[نسري بالليل]

رأي سديد اخوي:good2:

[بربنجي]

الجوده مهمه ويمكن اكثر من السعر
فاذا كانت نفس السعر هنا فخذ من النت لانها اتوقع بتكون جوده افضل
وحتى لو اكثر بشي بسيط اشتريها من النت لانك ع الاقل بتضمن الجوده
ولا تشتري شي يخرب بعد فتره بسيطه حتى لو رخيص

[مكتشف الهوات]

الأجهزة دائما رخيصة من النت بس مشكلتها الضمان

[h a j u s]

http://deals.souq.com/sa-ar/?a_source=google&a_medium=cpc&a_content=search_brand&a_term=سوق.كوم&u_type=text&u_mt=e&u_title=Brand-Exact&a_campaign=SN-SA-AR-Brand&gclid=CjwKEAjws7OwBRCn2Ome5tPP8gESJAAfopWsUtwHuu4u N0_WL8mpOabX93VsFb4VtJ_moeCvmTJ4IxoC6ebw_wcB
نعم من النت احسن واجمل وهدا رابط سوق كوم اقوى موقع لتسويق جميع ماتريده في الرابط

[ابو عزيززز]

من تجربتي الشخصيه:
1-الكميرات
1-الدرابيل
والدعوى فرص حسب العرض والطلب
يعني متجر عنده كميات من جهاز معين يخفض سعره ويباع على طول لان المشتري في الامازون مثلا لما يجي يشتري يقارن بين عدة متاجر ويشتري من الارخص
ومره شريت كميرا ب259 دولار وبعد اسبوع وصلت 400 ( مع العلم انها بالرياض ب2150 ريال وقتها)دولار لان المتاجر اللي اقل من 400 باعت كميراتها.. وهكذا

[الاسعدي]

وش الآلية اللي بتستخدمها كي تضع حد لجشع التجار؟
أي شخص محتاج شيء بيبحث عنه هنا وعلى النت ويشوف الأفضل من ناحية السعر والجودة .
المشكلة اللي صارت الآن من البعض عندما تعلم كيف يشري من برا ويختار الأشياء اللي عليها طلب يجيبها ويدبل سعرها على مشتراه .. ويقول لك شف كم تباع هنا ...
أنت اشتر وخذ لك ربح مو تدبل سعر .

[ابو صالح 4]

اغلب العطور اشتريها من النت وكذلك بلايز بناتي والجزم كلها من النت

[مذيع]

ياليت كل واحد يعرف رابط لشي سعره مناسب ينزله هنا ليستفيد الباقين وفقكم الله

[الحربي حاتم]

كل شي بدون تمييز .

[مكشاتي مدني]

بالنسبة للي تشترية من النت وارخص بكثير من ربعنا قطع غيار السيارات تقدر تطلبها على سبيل المثال من امريكا او موقع امازون او اي موقع وتلاحظ فرق شاسع بقطعة غيار السيارة

[عقووول]

اخوي شرا مبرد قير لسيرا موديل 2010 بسعر 580واصله لين ارمكس القريب من البيت

والاخوان يبيعونها 1500

ونفس الشي خويي معه همر ونفس الشي شرا نفس المبرد ونفس السعر من برا

[حبيتر]

للامانه فيه وكيل عندنا في السعوديه يبيع ارخص من النت عكس موضوعكم ههههه الا وهوه محل بيتي والرحلة يستحق ان اشيد له مع شكري لصاحب المحل

[همس الغدير]

ما شاء الله تبارك الله .نصيحة لوجه لله اللي يقدر يشتري عن طريق المواقع الموثوقة يشتري بدون تردد فرق السعر والجودة في السماء عن الارض

[بندرالوشمي]

قطع غيار السيارات اغلبها ارخص من الوكلاء بفارق كبير

[K.S.A.A]

لكن ياشباب كيف طريقة الشراء من النت ؟؟

هل هي سهله ؟؟

هل هي أمان ماراح تروح فلوسك

أتمنى اللي له تجربه يعلمنا كيف الطريقه .

[سورينتو]

أنا أخذت جهاز من النت من نوع باناسونيك وهو موجود في صيدلية الدواء بـ 950 ريال
وواصل لحد عندي بـ 380 ريال فقط . .

وكل ما أخش الصيدلية أسأل الصيدلي . . كم سعر هالمنتج ( وأنا أعرف سعره ^_^ ) وأعلمه إني جبته بسعر كذا وكذا