ناوي اشتري كرافان وابي مشورتكم

[spider001]

السلام عليكم
ناوي اشتري كرافان متنقل سحب ولكن ابي نصيحتكم في النوع الممتاز والمناسب لمناخ السعودية وخاصة صيف الشرقية ، ويركب على سيارتي يوكون
الاستعمال : للبر والسفر في الخطوط الطويلة
عدد الاشخاص او الاسرة 4 اشخاص
ويكون فيه عزل حراري مهم جدا والمكيف يكون مركزي او سبليت وليس وحدة
طبعا بالاضافة الى الاشياء المعروفة من مطبخ وفرن واسرة وخزانات وشاشة وغيرها
اولا : هل تنصحوني فيه ولا لا
ثانيا : هل تنصحوني بكرفان متكامل والا اخذ واحد جلسة ارضية فقط واوزعة ع كيفي
ثالثا : وين الاقيها في الدمام. او الخبر.
نصيحتكم لا هنتم

والسلام عليكم

[تركي1]

وعليكم السلام
فيه عضو معنا
متخصص في الكرفانات بيفيدك أكيد

[سليل قروم]

نفس الموضوع في بالي من سنه وشفت اسعار الكرفانات خمسة نجوم في امريكا اسعارها تعتبر بلاش قدام الاسعار الموجودة عندنا بس المشكلة كيف الواحد يجيبها ووين يحصل مكتب يستوردها لك بدون نصب؟

[spider001]

من ناحية الاسعارفهي فعلا مرتفة
اخوي تركي. تعرف معرف العضو الي هنا
وياريت يكون في قسم هنا مختص فيها
ومشكورين يا اخوان

[ابو خالد 14]

وعليكم السلام
فيه ورش في عريعره وجوده يفصلون لك على حسب الطلب اذا تبي تصمم
اما الجاهز ما اقدر افيدك فيه
بالتوفيق

[Obu-Nasser]

السلام عليكم
بحدثك عن تجربه مع الكرفانات
أولا شف هالكرفان اللي عرضته للبيع قبل مدة بمكشات
http://mekshat.com/vb/showthread.php?t=661351

الكرفانات انواع
واستخدامك هو اللي يحدد النوع المناسب لك، هل بتستخدمه في نفود هل تستخدمه بمناطق سهلة، كم عدد الاسرة الخ.

والانواع كثيرة بالكرافانات
وتنقسم الى اقسام كثيرة واشهرها
القسم الأول: هي الكرفانات الكاملة، يعني تجي قطة كاملة ما تتسفط ولا شي تسحبها مثل ماهي بس هالنوع يبي له سيارة كبيرة ولازم تكون حوض لان بعضها لازم تثبت له قاعدة "رحى" مثل كرفان الاخ "ابو البر"
http://store2.up-00.com/2015-03/1425638593021.jpg

وهذا النوع مكلف وغالي، ويحتاج يكون عندك مكان مخصص له "موقف" وسيارة قوية قادرة على قطره.

القسم الثاني: كرفانات تطوى واسمها Tent Campers، وهذه الكرفانات يميزها انها مصنعة للظروف الشاقة Off Road عكس النوع الاول، تطوى وتنطبق على بعضها مثل هذا
http://www.hrajcom.com/images/uploads/shops/Akram13588592605766.jpg


وبعد ما تفتحها يطلع شكلها مثل كذا

http://download.chatalkhaleej.com/uploads/14166702102.jpeg

هالنوع يصلح لراعي النفود لانه يمشي معك بالنفود ويقص العروق بالراحة، كنا نقطره بجمس سيرا 1500 z71
وينام فيه ٥ اشخاص بالراحة و ٦ متحاشرين:D وسعره جديد من ٧٠ الف الى ٩٠ الف حسب الاكسسورات، والمستعمل من ٢٥ الف إلى ٤٠ الف

وفيه نوع منه طويل يكفي ل ٨ اشخاص نوم قيمته ١٢٠ الف تقريبا

واشهر الشركات المصنعة للكرفانات هي شركة palomino
http://www.palominorv.com/Default.aspx
وفيه وكيل لهم في دبي
وتقدر تستوردها من امريكا ويشحنونها لك.

اما بالنسبة للمكيف، فاغلب الكرفانات مجهزة بمكيفات حسب حجمها اما مكيف مركزي اذا كان الكرفان كبير او وحدة تتكيف صغيرة للكرفانات الصغيرة، بس لازم ترهم مكيف لان مكيفاتها مخصصه للاجواء الاوربية والامريكية.
هذا والله اعلم

[Obu-Nasser]

اليوم وانا رايح مشوار شفت محل لبيع الكرفانات!، ياهي صدفة عجيبة
المحل بالرياض على طريق الدمام قبل كبري الفحص وانت متجه باتجاه الشرق(بمعنى انها غرب كبري الفحص)

[spider001]

مشكورين يا اخوان
الدمام مالقيت لا تصنيع ولا جاهز
اهل الرياض ابي فزعتكم لا هنتم اذا عندكم خبر وين الاقي مستخدم او تصنيع
اما المناسب لي حق 3 او 4 اشخاص بالكثير وطولة ابي بحدود 5م او حواليها
بس اللي عنده خبر وين الاقيها في الرياض يرد لي
ودبي او طلب من امريكا اخر الحلول
ومشكورين

[Obu-Nasser]

مشكورين يا اخوان
الدمام مالقيت لا تصنيع ولا جاهز
اهل الرياض ابي فزعتكم لا هنتم اذا عندكم خبر وين الاقي مستخدم او تصنيع
اما المناسب لي حق 3 او 4 اشخاص بالكثير وطولة ابي بحدود 5م او حواليها
بس اللي عنده خبر وين الاقيها في الرياض يرد لي
ودبي او طلب من امريكا اخر الحلول
ومشكورين
رديت عليك فوق
اقرأ

[حنيني]

اشهر محل بالرياض
اسمه
المشاوية للكرافانات بين مخرج 13 و 12 على الدائري الشرقي
ابحث رقمهم

[Obu-Nasser]

اشهر محل بالرياض
اسمه
المشاوية للكرافانات بين مخرج 13 و 12 على الدائري الشرقي
ابحث رقمهم

المشاويه لاهل البل يزين صنادق ويحط لها كفرات ويطلق عليها اسم "كرفان"!!!

[spider001]

عذرا اخوي ابو ناصر ما انتبهت لمشاركتك… . الكبر شين
مشكور عزيزي ما قصرت
وودنا نشوف باقي الشباب لاني ابي اجمع اكثر من محل واروح لهم مرة ومدة
اخوي حنيني ، مشكور عزيز . اذا كرفانات حلو اما اذا صنادق وتضاف لها كفرات بتكون صعبه شوي