المساعد الشخصي الرقمي

مشاهدة النسخة كاملة : عزبة البر واغراضها


abood15
29/09/2015, 07:51 AM
السلام عليكم ورحمة الله وبركاته

يالغالين عندي استفسار الله يبارك فيكم

ودي اهدي لخويي عزبة البر والاشياء الضرورية اللي يحتاجها

ابي مشورتكم في هالامر، المبلغ حدود 1500
عزبة الشاهي وشي اغراضها؟ والطبخ وشي اغراضها؟
ووشي المحلات اللس تنصحوني بها بالسعر والجودة.
وابي اشياء غير العزبة في البر تستخدم ومهمه

الله يبارك فيكم ويجزاكم الجنة يارب
no fear 78
29/09/2015, 11:02 AM
السلام عليكم
هلا يا خوي
عزبة الشاي و القهوة خذ من السنيدي فيها كل شي عزبة صغيرة حوالي 200 ريال ابريق شاي دلة قهوة فواحه ليف لدلة القهوة دافور فناجين شاي وقهوة علب للشاي والسكر و القهوة والهيل و زعفران ولاعة
عزبة الطبخ يعتمد خفيفه يكون الحجم صغير او ثقيل الحجم كبير شغل مقلقل دافور اساسي مقلاه كبيرة ملاعق خشب بهارات ملح سكين مسكن لوح تقطيع صواني للأكل قدر الضغط صابون لغسيل اليد

واسمحلي اذا في تقصير
Abo Adeeb
29/09/2015, 11:47 AM
أبتعدعن السنيدي كل أغراضه صينيه تجارية خذ شنطة العزبة من مكشاتي وا شتر الأغراض من محلات الأواني المنزلية أصلي لك وللزمان ولاتكلف شئ
ذيب ورقان
29/09/2015, 01:12 PM
ابتعد عن العزبة الجاهزة

الاغراض اللي فيها تصدي مثل الدله والابريق

اشتر شنطة من محلات الرحلات انا عندي عروق الشمال شاريها ب80 ريال اشوفها ممتازة

وباقي العزبة من محلات الاواني المنزلية

دلة بريق ملقمة
اكياس للقهوه والشاهي والهيل والعويدي والسكر عند محلات الرحلات
راس دافور اللي تغير علبته
شنطة بيالات وفناجيل من محلات الرحلات
درزن بيالات ودرزن فناجيل
سطل يسفط عند محلات الرحلات لغسيل الفناجيل وحاجات اخرى
مقدعة عند محلات الرحلات
هذي بالنسبة للقهوه

لاكن الطبخ متفاوتة على حسب

اتمنى اكون افدتك

والاخوان الاخرين ماهم مقصرين
هم اهل كشتات وبفيدونك اكثر
الاسطورة وراد
29/09/2015, 09:16 PM
اخوي دقق في اختيار الاواني للبر لها طعم
abood15
03/10/2015, 11:01 PM
زيين الله يعافيكم ويجزاكم خير ماقصرتوا ع النصايح، افدتوني والله