عابر الحزن
01/10/2015, 10:46 PM
السلام عليكم ورحمة الله وبركاتة
أخواني كل عام وأنتم بخير
كنت مسافر ودخلت ديره ماكنت اشوف المطبات فيها زين
واخذت مطبين واحد منهن بغى يوقف قلبي
المهم اخذت ساعتين فرفره وتمشي ولمن خلصت مسكت الخط والحمدلله قبل ما اوصل البيت بكم كيلوا
ظهرت المشكلة
اللي هي الموتر صار يتفتف وانا داعس على البنزين يقطع مره يمشي ومره يمسك
وقفته عند البيت ومن بكرا رحت مشوار نص ساعه ونفس المشكلة يقطع ويتفتف مره ومره
الصراحه قلت بشوف مشكلته بكرا، المهم جيت شغلته بالليل بشوف وش فيه واشيك عليه
إلا السياره مشت شوي وتفتف وتقطع بعدين وقفت !!! ادعس ولا ما ادعس كأن السيارة على N
طفيت السيارة دقيقتين بعدين شغلتها ومشت نص كيلوا ثم نفس المشكلة مو راضية تمشي
حتى لو اخليها شغاله خمس دقايق وادعس ماراح تمشي، ماراح تمشي إلا لمن اطفيها واخليها شوي ثم اشغل
وفي صوت تحت السواق بالضبط لمن ادعس وتمشي يطلع صوت خشن شوي ويقطع بعدين ما تمشي السيارة
ولمن ادعس بعدها يختفي الصوت الخشن ولا تمشي السيارة
والطبلون مايطلع فيه تنبيهات ابد كأن السيارة سليمه
اما العدادات عند الدعس وتمشي السيارة يكون الوضع طبيعي
اما عند الدعس والسيارة ماتمشي يكون الوضع طبيعي بعد يعني امبير الضغظ يرتفع عادي
وصلتني للبيت ووقفت السيارة على امل بكرا اوديها الورشه
إذا شغلتها ولا مشيت تركتها شوي، نص دقيقة يطلع الصوت الخشن ثم ما اقدر احركها إلا لمن اشغل وبسرعه ادعس
قعدت ابحث بالنت لقيت اللي يقول طرمبة بنزين واللي يقول مبرد القير ( وهذا يخوف صراحه يمكن المطب جايه شي )
ناظرت تحت السيارة ضربه شي الحمدلله الوضع سليم
ف شوركم تكفون
تحديث للمشكلة
السلام عليكم ورحمة الله وبركاتة
أخواني الكرام
رحت اليوم للصناعية من قبل 7 الصباح
أول ورشه رحت لها شلنجر
فحص كمبيوتر ماحصل شي ركب معاي السيارة واخذ لفه ويقول مافي شي واضح إلا ان كراسي المكينة مكسره عندك
اما القير التوضيب شي مو بسيط فلازم نتأكد فقلت له اسمع الصوت تحت قال مو واضح ( مع ان الصوت واضح ) وشيكت على الزيت وانصدم لقاه ناقص علبه ونص !!! وانا صراحه استغربت وشيكت على العداد على بالي اني ماشي عليه أكثر من 40 ألف صار ماشي عليه 15 ألف فقط ! المهم قال إذا فضى القير معاك وتكررت المشكلة وكانت صريحه تعال نشوف
ثاني ورشة مريتهم التميمي فرع رقم 2
ركب معاي وجرب السيارة وقال هذا صوت الطنجرة ولازم توضيب و9000 او 10.000 ريال
قلت مع السلامة ومشيت
ثالث ورشة مركز أنوار لصيانة السيارات
فيها سوري شباب اسمه علي سمع الصوت وقال هذا صوت الطنجرة وركب يجرب السيارة
وقال كراسي المكينة مكسره ولازم تغيير
المهم قلت بالنسبة للقير وش تقول: قال شوف انا قبل جاني افالون وكامري وبعد سيارة ثالثه نسيت اسمها
ومعهم نفس الصوت وغيروا الزيت والفلتر للقير وراح الصوت وامورهم تمام
تبي تغير الزيت والفلتر تجربه ولا انت بكيفك، قلت مافيها ودي وما ودي، غير الزيت والفلتر والله ييسر
وبعد التغيير اخذت السيارة في لفتين على السريع لكن حاجه ثانية طلعت بعد ما اختفت ألا وهي النتعه
السيارة تمشي وتنتع وتفصل الدعسه وترجع الخ المهم قلت شكل نفس الفلم بيصير لكن بالإعادة البطيئه
قلت له غير الكراسي حقت المكينه وزيت المكينة وفلتر الهواء ( الموتر ماشي أكثر من 7000 ما غيرته وحبيت اغير )
وبعد على الطريق غير المساعدين اللي ورى متفقعات، ( ما ادري وش جاني قعدت انفض السياره )
ومريته العصر مخلص الأمور كلها وركبت السيارة واحس فيها واهي واقفه رجفه بسيطه مره تجي ومره تروح وبعدها اختفت فتره ورجعت
نفضه خفيييفه جداً
جربت السيارة انا وياه وللأسف النتعه موجوده والموتر يمسك ويفك وانت تمشي
قال 99% مستحيل تكون الطنجره، قلت وش أجل قال والله ما ادري ممكن طرمبة بنزين ممكن وممكن الخ قلت الموتر تمام مع طرمبة البنزين، فحص السيارة كمبيوتر ولا طلع له شي، قال تعال السبت واتركها عندي ساعتين ثلاث وانا أأكد لك وش فيها بشاور فيها ناس ألخ
بعد ما مشيت منه في مركز شكله محترم اسمه دلتا متخصص أمريكي أمريكي
رحت لهم وقابلت ذاك الشايب السوري، وركب ساق السيارة وحس بالنتعه على خفيف
بعد ما علمته السالفه قال هذي الطنجره وبسبب نقص الزيت اللي ماينقص بأي حال من الأحوال إلا بتهريب أو تعبئه ناقصه
وسألني إذا الزيت كان اسود مره وقلت له كان ناقص واسود، قال الصوت صوت طنجره اللي كان معاك والزيت بعد التغير ممكن يخلي القير يرجع لوراء، والصوت راح يرجع معك والنتعه بسبب تآكل الطنجه واسوداد رؤوسها، إذا حاب نغير لك الطنجره وانت وحظك ولا توضيب إذا ما ضبطت معك الطنجره، وقال انا متأكد هذي الطنجره اهي المشكلة كلها، الطنجره اصليه الجميح 2500 ريال وشغل يد 1200
وتخلي السيارة عندي من صباح السبت وتآخذها آخر اليوم، قلت هذا آخر ماعندك ؟ قال هذا آخر ماعندي وإذا توضيب راح نكمل شغل إذا ما ضبط معاك القير، ونستخدم نفس الطنجره اللي جبتها
رجعت لخويي اللي ركبت عنده كراسي المكينه الخ وقلت له مركز دلتا قالوا كذا وكذا وش رايك
قال دلتا معلمين والله، الطنجره ب900 امريكي مستورد اصلي وشغل يدي 600، وقال دلتا اسعارهم كذا غالين ترى
وانا اقول وانت بكيفك خلينا على كلامنا يوم السبت جيب السيارة وخليني احاول اشوف وش المشكلة
مشيت من عنده والسياره فيها نتعه على خفيف وامشي وتحسها انها تقطع الخ
ولمن مشيت عليها أكثر من 20 كيلوا في شوارع الرياض أحس الموتر ضبط ولا عاد فيه شي
إلا الهزه الخفيفه واشوف الضغط فوق الواحد بسنتي يعني 11 واللي اعرفه 9 الطبيعي للضغط حال الوقف ( صححوا لي المعلومه لا أدري )
وقفت عند البيت ونزلت واكلت لي لقمه واخذت ساعه ورجعت وركبت السياره
واخذ فيها لفها واسرع واهدي وامشي 120 الخ الموتر الحمدلله ضبط !!
راعي دلتا يقول لي النتعه تكون على 60 و80 السرعه والموتر الحمدلله ما اشوف منه شي
ف وش رايكم ياجماعة الخير، ابي اجرب السيارة بكرا اكثر واشوف
رأيكم يمهني والله كثير
رأيي أنا اوديها لدلتا ما دام متخصصين وكذا ويغيرون الطنجره ( إذا الثير رجعت له مشكلته ) وإذا ماضبط توضيب ولاحول ولاقوة إلا بالله
أخواني كل عام وأنتم بخير
كنت مسافر ودخلت ديره ماكنت اشوف المطبات فيها زين
واخذت مطبين واحد منهن بغى يوقف قلبي
المهم اخذت ساعتين فرفره وتمشي ولمن خلصت مسكت الخط والحمدلله قبل ما اوصل البيت بكم كيلوا
ظهرت المشكلة
اللي هي الموتر صار يتفتف وانا داعس على البنزين يقطع مره يمشي ومره يمسك
وقفته عند البيت ومن بكرا رحت مشوار نص ساعه ونفس المشكلة يقطع ويتفتف مره ومره
الصراحه قلت بشوف مشكلته بكرا، المهم جيت شغلته بالليل بشوف وش فيه واشيك عليه
إلا السياره مشت شوي وتفتف وتقطع بعدين وقفت !!! ادعس ولا ما ادعس كأن السيارة على N
طفيت السيارة دقيقتين بعدين شغلتها ومشت نص كيلوا ثم نفس المشكلة مو راضية تمشي
حتى لو اخليها شغاله خمس دقايق وادعس ماراح تمشي، ماراح تمشي إلا لمن اطفيها واخليها شوي ثم اشغل
وفي صوت تحت السواق بالضبط لمن ادعس وتمشي يطلع صوت خشن شوي ويقطع بعدين ما تمشي السيارة
ولمن ادعس بعدها يختفي الصوت الخشن ولا تمشي السيارة
والطبلون مايطلع فيه تنبيهات ابد كأن السيارة سليمه
اما العدادات عند الدعس وتمشي السيارة يكون الوضع طبيعي
اما عند الدعس والسيارة ماتمشي يكون الوضع طبيعي بعد يعني امبير الضغظ يرتفع عادي
وصلتني للبيت ووقفت السيارة على امل بكرا اوديها الورشه
إذا شغلتها ولا مشيت تركتها شوي، نص دقيقة يطلع الصوت الخشن ثم ما اقدر احركها إلا لمن اشغل وبسرعه ادعس
قعدت ابحث بالنت لقيت اللي يقول طرمبة بنزين واللي يقول مبرد القير ( وهذا يخوف صراحه يمكن المطب جايه شي )
ناظرت تحت السيارة ضربه شي الحمدلله الوضع سليم
ف شوركم تكفون
تحديث للمشكلة
السلام عليكم ورحمة الله وبركاتة
أخواني الكرام
رحت اليوم للصناعية من قبل 7 الصباح
أول ورشه رحت لها شلنجر
فحص كمبيوتر ماحصل شي ركب معاي السيارة واخذ لفه ويقول مافي شي واضح إلا ان كراسي المكينة مكسره عندك
اما القير التوضيب شي مو بسيط فلازم نتأكد فقلت له اسمع الصوت تحت قال مو واضح ( مع ان الصوت واضح ) وشيكت على الزيت وانصدم لقاه ناقص علبه ونص !!! وانا صراحه استغربت وشيكت على العداد على بالي اني ماشي عليه أكثر من 40 ألف صار ماشي عليه 15 ألف فقط ! المهم قال إذا فضى القير معاك وتكررت المشكلة وكانت صريحه تعال نشوف
ثاني ورشة مريتهم التميمي فرع رقم 2
ركب معاي وجرب السيارة وقال هذا صوت الطنجرة ولازم توضيب و9000 او 10.000 ريال
قلت مع السلامة ومشيت
ثالث ورشة مركز أنوار لصيانة السيارات
فيها سوري شباب اسمه علي سمع الصوت وقال هذا صوت الطنجرة وركب يجرب السيارة
وقال كراسي المكينة مكسره ولازم تغيير
المهم قلت بالنسبة للقير وش تقول: قال شوف انا قبل جاني افالون وكامري وبعد سيارة ثالثه نسيت اسمها
ومعهم نفس الصوت وغيروا الزيت والفلتر للقير وراح الصوت وامورهم تمام
تبي تغير الزيت والفلتر تجربه ولا انت بكيفك، قلت مافيها ودي وما ودي، غير الزيت والفلتر والله ييسر
وبعد التغيير اخذت السيارة في لفتين على السريع لكن حاجه ثانية طلعت بعد ما اختفت ألا وهي النتعه
السيارة تمشي وتنتع وتفصل الدعسه وترجع الخ المهم قلت شكل نفس الفلم بيصير لكن بالإعادة البطيئه
قلت له غير الكراسي حقت المكينه وزيت المكينة وفلتر الهواء ( الموتر ماشي أكثر من 7000 ما غيرته وحبيت اغير )
وبعد على الطريق غير المساعدين اللي ورى متفقعات، ( ما ادري وش جاني قعدت انفض السياره )
ومريته العصر مخلص الأمور كلها وركبت السيارة واحس فيها واهي واقفه رجفه بسيطه مره تجي ومره تروح وبعدها اختفت فتره ورجعت
نفضه خفيييفه جداً
جربت السيارة انا وياه وللأسف النتعه موجوده والموتر يمسك ويفك وانت تمشي
قال 99% مستحيل تكون الطنجره، قلت وش أجل قال والله ما ادري ممكن طرمبة بنزين ممكن وممكن الخ قلت الموتر تمام مع طرمبة البنزين، فحص السيارة كمبيوتر ولا طلع له شي، قال تعال السبت واتركها عندي ساعتين ثلاث وانا أأكد لك وش فيها بشاور فيها ناس ألخ
بعد ما مشيت منه في مركز شكله محترم اسمه دلتا متخصص أمريكي أمريكي
رحت لهم وقابلت ذاك الشايب السوري، وركب ساق السيارة وحس بالنتعه على خفيف
بعد ما علمته السالفه قال هذي الطنجره وبسبب نقص الزيت اللي ماينقص بأي حال من الأحوال إلا بتهريب أو تعبئه ناقصه
وسألني إذا الزيت كان اسود مره وقلت له كان ناقص واسود، قال الصوت صوت طنجره اللي كان معاك والزيت بعد التغير ممكن يخلي القير يرجع لوراء، والصوت راح يرجع معك والنتعه بسبب تآكل الطنجه واسوداد رؤوسها، إذا حاب نغير لك الطنجره وانت وحظك ولا توضيب إذا ما ضبطت معك الطنجره، وقال انا متأكد هذي الطنجره اهي المشكلة كلها، الطنجره اصليه الجميح 2500 ريال وشغل يد 1200
وتخلي السيارة عندي من صباح السبت وتآخذها آخر اليوم، قلت هذا آخر ماعندك ؟ قال هذا آخر ماعندي وإذا توضيب راح نكمل شغل إذا ما ضبط معاك القير، ونستخدم نفس الطنجره اللي جبتها
رجعت لخويي اللي ركبت عنده كراسي المكينه الخ وقلت له مركز دلتا قالوا كذا وكذا وش رايك
قال دلتا معلمين والله، الطنجره ب900 امريكي مستورد اصلي وشغل يدي 600، وقال دلتا اسعارهم كذا غالين ترى
وانا اقول وانت بكيفك خلينا على كلامنا يوم السبت جيب السيارة وخليني احاول اشوف وش المشكلة
مشيت من عنده والسياره فيها نتعه على خفيف وامشي وتحسها انها تقطع الخ
ولمن مشيت عليها أكثر من 20 كيلوا في شوارع الرياض أحس الموتر ضبط ولا عاد فيه شي
إلا الهزه الخفيفه واشوف الضغط فوق الواحد بسنتي يعني 11 واللي اعرفه 9 الطبيعي للضغط حال الوقف ( صححوا لي المعلومه لا أدري )
وقفت عند البيت ونزلت واكلت لي لقمه واخذت ساعه ورجعت وركبت السياره
واخذ فيها لفها واسرع واهدي وامشي 120 الخ الموتر الحمدلله ضبط !!
راعي دلتا يقول لي النتعه تكون على 60 و80 السرعه والموتر الحمدلله ما اشوف منه شي
ف وش رايكم ياجماعة الخير، ابي اجرب السيارة بكرا اكثر واشوف
رأيكم يمهني والله كثير
رأيي أنا اوديها لدلتا ما دام متخصصين وكذا ويغيرون الطنجره ( إذا الثير رجعت له مشكلته ) وإذا ماضبط توضيب ولاحول ولاقوة إلا بالله