بريق معدن طلع في قاعه بقع بعد الاستخدام

[سقم المعادي 1]

السلام عليكم

اخوكم متعود على اباريق الستيل الياباني لكن جاز لي بريق معدن شفته عند حدا المحلات يجي معه شخال للشاهي و شكله حليل
استخدمته ثلاث مرات فقط و طلع قاعه مثل ماتشوفون :

http://cdn.top4top.co/i_7f358c14e61.jpg

http://cdn.top4top.co/i_7f358c14e62.jpg


المشكله ليست بالسواد او البقع الدائرية فقط , لو تلاحظون فيه نقاط كأنها صدأ .. هل هذا طبيعي باباريق المعدن افتونا ..

[ابولولو]

ياشيخ لايكون البريق معدنه ردي وخفيف ويصير مايتحمل الحراره

او فوحت فيه ماء قليل مره

خلك على الاستيل ابرك واصح وانظف

[سقم المعادي 1]

ياشيخ لايكون البريق معدنه ردي وخفيف ويصير مايتحمل الحراره

او فوحت فيه ماء قليل مره

خلك على الاستيل ابرك واصح وانظف

معدنه ماهب خفيف ولا فوحت به ماء قليل .. ماخذ البريق من برق الحيا واخذت اثنين مهب واحد الله لا يعاقبنا ..
الظاهر مردنا للستيل وارد جابان :D

[aza000a]

ممكن صوره للياباني ؟؟

[الرحال2222]

النحاس الكوري ولا عمري تعديته بعزبة البر مايصدي ومن عشاقه

[مريقب العيفار]

الا هذي بقع صدأ

وشكل معدنه تعبان

[داكوك]

اتعب على النحاس

[أبوناصر]

طبيعي جدا
وهذا لاهوب صدا ولا يحزنون
من أثر الشاهي بس

وكمل على ابريقك دامه صالح لك

[أبو شيري]

الظاهر أنه مصبوغ وهذا المكان تأثر من الحراره

[قناص502]

افضل حل عشان تتطمن فوح به ٤ مرات وكبه

وشف ان ضبط الحمدلله ما ضبط ارجمه طول يدك ابرك

[المزاول]

صار معي ببريق شاهي اخذته من الرمايه شبيه للابريق الهندي وعليه ختم الرمايه حاولت ولكن ما فيه فايده ما يستاهل انك تتعب عليه .

[الحربي حاتم]

عندي قرمبع وصحون وطياس معدن مثل معدن كاستك ومكتوب عليه استيل ولكن ظهر عليهن صدا والظاهر مغشوشات حسبنا الله ونعم الوكيل

[no fear 78]

السلام عليكم

يا خوي الاستيل اذا تعرض للحرارة يبقع اذا كان قاعه ليست سميكة لكن هذي عادي معى الاستيل اذا تحب يكون مثل ما شريته افركة بليف سلك بس ما بتروح البقع

[مسير عليكم]

خذ معدن ولا نحاس وريح راسك

[طير888]

جرب فوح فيه ملح الليمون تحصله بالبقالات
وخله ينقع ساعتين وبعد أغسله فوراً


بصراحة ما أعرف عن جدواها ولاكن أشوف الأهل يغسلون الحرق بهالطريقة
وأفدنا ان نفع