مشكلة الحراره والموتر واقف بالمكيف .... ابي حل

[ولد وايل]

عندي اسيزو ونيت 6 سرندل بنزين 2003

غيرت بلف الحراره وثبت المروحه ونظفت الاديتر وسيخته

خفت الحراره شوي

المشكله اذا كان واقف بالمكيف ترتفع واذا مشيت ترجع طبيعي

حتى المروحه الخارجيه غيرتها

من عنده حل

مع ان المروحه مثبته هل المشكله منها.....؟

[جزاء الشمري]

طيب غير الأديتر بالكامل .... مجرد أقتراح

[يالبى الهلا]

السيارة قد سبق ان تعرضت للحرارة وهل تنقص ماء الاديتر

[MSAN]

هلابك..

تأكد من مستوى الماء لايكون ناقص

اذا مستوى الماء تمام فـ المشكلة عندك في تدفق الهواء.. أما ان المروحة المكيف ضعيفة أو ان رديتر المكيف يمنع وصول الهواء للرديتر


تأكد من المراوح


بالتوفيق

[gmc 1991]

غير غطاء الرديتر بغطاء اصلي وكاله وراح تدعي لي

[fahedsul]

شغل المكيف والسيارة واقفة اذا المكينه كنها بتطفى فعندك تماتيك الدعسة خربان اما اذا زاد الصوت فالبلا شي ثاني

[ولد وايل]

غيرت تماتيك المروحه بحق لاندكروزر
وقدمته للاديتر


بخصوص الحراره اذا واقف ترتفع مويه نظيفه اديتر مسيخ
بلف جديد


لو انه راس المكينه كان يرتفع وهو يمشي

[الحربي 591]

اذا كان طافي المكيف ماترتفع ؟؟

على العموم حاول تركب مروحه إضافيه اذا ترتفع مع المكيف فقط
لان الغالبيه في السيارات اذا شغلت المكيف تشتغل المراوح على اعلى سرعه
موفق خير

[ولد وايل]

بدون مكيف ماترتفع ابد

[قناص502]

كانت عندي كابريس نفس حكايتك بالاخير طلع من اديتر المكيف او تقريبا كذا اسمه
طلع هو السبب فشكل موترك مثل موتري شيك عليه وباذن الله بتدعي لي

[طير حورران]

مرت بي الحاله وغيرت اشياء كثير وما حل المشكله الا مروحه اضافيه

[ولد وايل]

بكرا يمكن اركب عليه مروحة مرسيدس

[ولد وايل]

ابشركم زبط الموتر

طلع عندي مروحه الخارجيه تدور عكس

[الحربي 591]

ابشركم زبط الموتر

طلع عندي مروحه الخارجيه تدور عكس

نسيت كيف كانت تدور :D

[عقووول]

شيك على الليات الي طالعه من الاديتر الي تحت والي فوق

اذا واحد بارد وواحد حار وخاصه اللي تحت اذا بارد عندك حاجتين

اما بلف الحراره مقفل

او طرمبه الماء خربانه

[الوسم]

ابشركم زبط الموتر

طلع عندي مروحه الخارجيه تدور عكس

شكرا لك لطرح المشكلة

ثم شكرا لك لطرح الحل