الله يابو ماجد يصبحك بالخير.....الحل: ليموزين..ليم.موز.زين....حله:عدم الانحياز

[ذيب الفقارة]

السلام عليكم ورحمة الله وبركاته

لغيز موجه للزعيم والرمع للجميع

وسامحونا على القصور والكسور

................................

الله يابو ماجديصبحك بالخير..........انته يابو ماجد عزيز عليه

الصبح اصحى قبل وصة الطير.......وانت اكيد انك بوسط العلية

ويش اسم منطوقه يجيب التفاكير.......سبعة حروفه ماهقيته بليه

فالوسط نبت وأوله نبتة غير ........واتلاه فيه الزين والقابليه

تحياتي

[عدم الانحياز]

وعليكم السلام ورحمة الله وبركاته
صباح الخير مشرفنا القدير وصح لسانك وسلم فكرك ولا هنت
وانا اشهد ان الزعيم يستاهل الاسناد وغالي عليك وعلينا جميع
الرمعة هذي غشيتها من مراميع ابو ماجد للغزك الاخر أمس
لـــــيـــــمـــــوزيـــــن
دمت بخير

[ابو ماجد 2]

صح لسانك ملايين
وصبحك الله بالخير
القلوب شواهد الصبح مادخلت انشغلت بين توصيل الاولاد وتسقاة الشجر وتاليف لغز اسندته اليك
لغز كايف
ومثرينا ببديعه الهقوة انهاه
مؤيد للرمعه

[عطري]

و عليكم السلام ورحمة الله و بركاته

صح لسانك أبا عدنان

و صبحك الله بالخير

يستاهل أبو ماجد التوجيه و الاسناد، و مقصرين حنا في حق زعيمنا.



و أبو أحمد - الله يهديه- ما له في الرمع ، و جز رأس اللغز جزاً.

بيض الله وجوهكم جميعاً.

[ذيب الفقارة]

هلا هلا بالغالي

زعيمنا وفارسنا

أبو ماجد

والله إني أتململ واتحرفض أدور معرف أبو ماجد

واللغز هذ أيضا ملطوش منك ومن راعي العجراء

والظاهر والباين إن شاعرنا

أبو أحمد أنهاه

تحياتي

[ذيب الفقارة]

صباح الخير عطرنا الفواح

عطري

ما شاء الله راعي العجراء أمس ما ترك لغز على طريقه

وابو أحمد الظاهر أنه جاب خبر اللغز

تحياتي

[عدم الانحياز]

هلا هلا بالغالي
زعيمنا وفارسنا
أبو ماجد
والله إني أتململ واتحرفض أدور معرف أبو ماجد
واللغز هذ أيضا ملطوش منك ومن راعي العجراء
والظاهر والباين إن شاعرنا
أبو أحمد أنهاه
تحياتي




صباح الخير عطرنا الفواح
عطري
ما شاء الله راعي العجراء أمس ما ترك لغز على طريقه
وابو أحمد الظاهر أنه جاب خبر اللغز
تحياتي



الاخ ذيب الفقارة
دمت بخير

[ذيب الفقارة]

أبد يالغالي وابشر بالحق

لكن من عادتي أن يكون ردي على صاحب الحل في آخر المشاركات

لأن ذلك يكون أوضح ( هذا من وجهة نظري )

.................................................. .....................

كفووووووووووووووو كفوووووووووووووو كفوووووووووووووو

أخي الغالي شاعرنا

أبو أحمد

الحل هو كما ذكرت :

ليموزين

ليم .... موز ........... زين

تحياتي

[راعي العجراء]

صح السانك ياجدي ابوعدنان

على اللغز الجزل والاسناد الى شخص غالي على نفوسنا ابوماجد ويستاهل

وصح السان ابو احمد

ماشاءالله عليه ذبح اللغز بااول رنعه وارداه قتيلا

فلله دركم وصحت السنتكم

ومع السلامه

[ابو ماجد 2]

صح لسانك يابو عدنان
وكفوووووووووو يابو احمد
اشوى يابو عدنان تركت تدوير عثرات الشيبان وبديت تحط على هرجهم الغاز
لكن وحده بوحده
انت اخذت ليموزين وانا اخذت اللغز المطروح حاليا
وانتظرك تذبحه

[ذيب الفقارة]

هههههههههههههههههههه

يابو ماجد

يعني حنيت للمناقر

قالوا الاولين أبو طبيع ما يكب طبيعه

تحياتي

[ابو ماجد 2]

هههههههههههههههههههه

يابو ماجد

يعني حنيت للمناقر

قالوا الاولين أبو طبيع ما يكب طبيعه

تحياتي


ههههههههههههههههههههههه
يالمفتري والله اني كاتبه ومجهزه قبل اشوف لغزك
لكن المناقر حلو وخاصة لاصار فيها الغاز