خرمان ربيع
07/10/2015, 03:12 PM
مهما يكون الشعور اللي علّي بادي
لا زلت أنا الوارد اللّي ما طوى حبله
على القراح الزلالي طال تردادي
اشرب واصّدر ظما مدري وش اشرب له
يا من تغاربتي غيابـي وهـو عـادي
بُعد الرجل عن دواعي ذله اهيـب لـه
ماامشي قبل لا اعرف الوجهة بلا قادي
ولا صلـي الا وانـا متقبـل القبلة
منزالي النائفة عـن حـدري الـوادي
ورجل(ن) يجي في مسيل السيل يا هبله
أبعدت مالي غـرض فـي ذل مقعـادي
ما دام يلعب لي الذعـذاع والعـب لـه
ماني لعرفي مع اهل العـرف متـرادي
لاشك كبدي من اللـي شفـت مندبلـه
يا لاقيـة خيـر هـاك العلـم للغـادي
اللي عجز يفرق الشيحة مـن الربلة
أمانتـك بلغـيـه لـكـل حـسـادي
لا غارت الكدش وكحيـلان باصطبلـه
أنا أول العشر مانـي للعشـر حـادي
مالك ومال افتـراض الجاهـل الأبلـه
يموت انا حاسدي مـا ياصـل ابعـادي
منّي نجوم السماء لو يفهـم اقـرب لـه
ولابد ما الهايج المايـج يجـي هـادي
وكل(ن) يشوف المكان اللي يناسب لـه
إن مت مات النبـي وآبـاي واجـدادي
ومادام لي يوم ماني ميت(ن)قبله
لا زلت أنا الوارد اللّي ما طوى حبله
على القراح الزلالي طال تردادي
اشرب واصّدر ظما مدري وش اشرب له
يا من تغاربتي غيابـي وهـو عـادي
بُعد الرجل عن دواعي ذله اهيـب لـه
ماامشي قبل لا اعرف الوجهة بلا قادي
ولا صلـي الا وانـا متقبـل القبلة
منزالي النائفة عـن حـدري الـوادي
ورجل(ن) يجي في مسيل السيل يا هبله
أبعدت مالي غـرض فـي ذل مقعـادي
ما دام يلعب لي الذعـذاع والعـب لـه
ماني لعرفي مع اهل العـرف متـرادي
لاشك كبدي من اللـي شفـت مندبلـه
يا لاقيـة خيـر هـاك العلـم للغـادي
اللي عجز يفرق الشيحة مـن الربلة
أمانتـك بلغـيـه لـكـل حـسـادي
لا غارت الكدش وكحيـلان باصطبلـه
أنا أول العشر مانـي للعشـر حـادي
مالك ومال افتـراض الجاهـل الأبلـه
يموت انا حاسدي مـا ياصـل ابعـادي
منّي نجوم السماء لو يفهـم اقـرب لـه
ولابد ما الهايج المايـج يجـي هـادي
وكل(ن) يشوف المكان اللي يناسب لـه
إن مت مات النبـي وآبـاي واجـدادي
ومادام لي يوم ماني ميت(ن)قبله