ياراعين البيكال فزعتكم

[أولمبي]

السلام عليكم ورحمة الله وبركاته
يالربع ابي شوركم معروض علي بيكال m155 12/89 وش هي من لحية ؟
طولها مع التشوك حق الوكاله 30 انش
هل نظام الغاز لازم اوزنه كل مارميت جرام عالي ؟ أحد جربها احد عنده علم فيها كم تسوى جديده ومستعمله
شوركم يالربع وهداية الله

[راعي العلياا]

١٥٣ افضل القديمه

[hadi.9]

عليكم السلام ورحمة الله

القديمه افضل عن الموديل الجديد

نظام الغاز مايحتاج توزنه ابد ارمي وانت مرتاح

وعندي القديمه وكنت اسأل خبير ربي يحفظه

قال ناس اعرفهم اخذوها ومامدحوها

وانت استخير وان لقيت القديمه تراها افضل

وعن الوزن في القديمه اعتقد حسب ماقريت من ردود بعض اﻻعضاء

انه حتى ضغط 56 مايحتاج وزن كما يقولو مكتوب في كتلوجها

واعتقد اكثر من 56 مافيه شئ يحتاج توزن يستحق الوزن


كفايه وزود

بتوفيق ياصاحبي

[أولمبي]

يعطيكم العافية ياللي رديتوا على استفساري وبيض الله وجيهكم
لكن أنا اللي معروض علي البيكال الجديدة m155 هي زينه وتستاهل المقنى ولا لا ،يعني ابي اللي جرب يقول اشتر او جنب عنها

[الشمروخي]

الجديده افضل ولا الفرق اخف واجمل واقوى
بس من سعره انصحك ماتاخذه خذ بقيمته برندنيل ايطاليه ولافرانشي او شادن التركيه افضل من البيكال

[أولمبي]

الله يبيض وجهك يالشمروخي يعلم الله اني كنت انتظر رايك بفارغ الصبر لكن الشوزن معروضه علي بسعر ١٢ الف ريال وذلك لان صاحبها محتاج فما ادري هو مناسب سعرها ولا لا
مع العلم انها شبه جديده وسوبر ماقنوم وش رايك اتوكل على الله واخذها ؟

[متولع البر]

البيكال القديم ممتازه وسعره فيه ومكينتها جباره
عيبها الوحيد الثقل
الوزن ارم فيها بوزن الوكاله الى ٤٠ غرام ماعندك مشكله
السوق تتحكم فيه بتشوكات ترولوك تشوكاتها بارده
نصيحتي لك اذا ميزانيتك كويسه زدها الفين او اقل وخذ لك براندلي ايطالي اخف بالوزن اما وزن المنظم فهو نفسه لازم تفك الكاس وتقلب

[أولمبي]

الله يبيض وجهك يامتولع بالبر ... بس ترا البيكال الجديدة وزنها خفيف مدري انت مسكتها ولا لا ؟
وزنها خفيف وجربتها بتشوكها رقم ثلاثه على الطيار والله انها ممتازه الفشق جاكور ماخذه من الكويت ٦/٣٦
والفشق تحذفه تقريبًا ممن متر الى متر ونص هل المنظم مضبوط ؟
ولا ادري للحين اخذها او لا انتظر الشمروخي يفتيني

[ارثمس]

خذها وتوكل على الله انا عندي القديمه ثقيله وغثيثه والله ان حشيتها خمس يالله تشيلها وشلون بترمي طيار
انا سمعت ان الجديده ميزتها خفيفه وبدون غاز
والشادن تركيه وسعرها 12 الف
والبيكال الجديده تقول سعرها 12الف انا لو اني بمكانك اخذتها لاني القاها معروضه بحدود 15 الف

[أولمبي]

بيض الله وجهك يا ارثمس على التجاوب
وين راح الشمروخي ؟ مارد علينا

[سهم الشماال]

السلام عليكم ورحمة الله
اخوي اولمبي البيكال 155 معي شاريها جديده ولا ازين منها بالخف ومرماها كويس
لاكن يعيبها شغلتين
العيب الاول بعض ال155 طالعه من المصنع ماوزنو الخد زين تلقاها ترمي 2 او 3 وتلك وهذا اللي صار معي وتم وزن الخد و الحمد لله ضبطت
والعيب الثاني وتلقاه بكل البيكال ماتطربك الا بتشوكات خارجيه مثل 690 او 680 من تجربه
ومن ناحية الضغط ارجد فيها ضغط 50/4 تحت الصفر وبدون لف الغاز والغاز فيها فرق عن الاوله الغاز صار بالمخزن وليس بالماصوره
شوري عليك دبل فيها مخزن مخزنين اذا ماتلك خذها وباذن الله بتطربك

[أولمبي]

بيض الله وجهك ياسهم الشمال من ناحية اللك ماتلك تحذف الفشقه حول متر او متر ونص لدرجة انك تشك انها مارمت الفشقه من سرعة تبديلها
لكن السؤال
هل تشوك 680 ينفع للقمري الطيار والموقع لاني قريت عنه انه يشابه قياس المونتريال اليبانيه وهذه ماصوره تقطع الصيد ؟
بخصوص الغاز كيف ادري هو موزون ولا ماهو موزون